Certames |
Fuco Reyes vén de gañar o XVII Premio Luís Kasado cunha serie sobre a incertidume da adolescencia na que participou o IES Nº 1. A colección presentada polo fotógrafo compostelán forma parte dun proxecto documental, O espello de Claude, que realizou ao longo do último ano por diferentes institutos traballando co alumnado en obradoiros específicos. No noso centro, o Laboratorio de Fotografía e Adolescencia contou coa participación do alumnado de 3º ESO. Aquí podemos ver novamente parte deste marabilloso traballo. Moitos parabéns polo recoñecemento e por esta serie tan
|
|||
A alumna Uxía Seoane Duro (4º ESO) vén de ser recoñecida co 2º Premio de Poesía no Certame Xoán Díaz do Concello de Cambre pola obra ‘Ansiedade. Depresión. Medo’ na categoría reservada para mozos e mozas de entre 15 e 18 anos. O IES David Buján acolleu o venres 19 a entrega dos premios do Certame, un galardón que organiza o instituto xunto co IES Afonso X O Sabio e o Concello. Os recoñecementos entregáronse nas categorías de poesía, narración e microteatro e participou alumnado de toda Galicia. Noraboa, Uxía! |
|||
Sara Espiño Vaamonde (3º ESO) vén de gañar o VI Concurso de videopoemas sobre composicións poéticas de Rosalía e Manuel María polo traballo "No claustro".
No acto, que tivo lugar esta mañá, tamén se proxectou o videopoema "O soñador" de Uxía Seoane Duro (4º ESO), unha das 11 finalistas entre o máis de medio cento de traballos enviados dende centros escolares de toda Galicia á Casa-Museo Manuel María de Outeiro de Rei.
Moitos parabéns!
|
|||
 Un ano máis, os Equipos de Normalización Lingüística dos centros de ensino do noso concello convocaron o Concurso de Micropoemas e Microrrelatos DinamizaEstrada. Nesta edición, a décima xa!, participaron centos de escolares, que fixeron ben difícil o labor dos xurados, primeiro en cada centro e logo na fase final, á que chegaron 200 traballos (ver acta de resolución aquí)..
Os micropoemas e os microrrelatos debían incluír as palabras "camiño" e "espello", respectivamente, e foron escollidas nunha votación polos escolares de entre unha serie de termos recollidos na obra de Francisco Fernández del Riego, a quen se lle adica este ano o Día das Letras Galegas.
Os traballos de Martín Seoane Duro, Helena Castaño Pazos, Noa Cabaleiro Ribadulla e Sara Espiño Vaamonde resultaron gañadores e formarán parte do libro que será publicado e dado a coñecer nun acto de entrega de premios que terá lugar antes de que remate o curso.
|
|||
