Horario de titorías para as familias
Enviado por admin o Mar, 27/09/2016 - 12:07Xa se pode consultar o horario de atención ás familias para o curso 2016-17.
Prazos de matrícula
Enviado por admin o Mar, 28/06/2016 - 07:04ESO E BACHARELATO
-Prazo de matrícula: desde o 23 de xuño ao 1 de xullo, ambos incluídos, de 10 a 13 horas.
-Documentación necesaria (ademais do sobre de matrícula):
a) Alumnado de bacharelato: 1 foto e DNI
b) Alumnado de 2º, 3º ou 4º de ESO: 1 foto, DNI e libro de familia
c) Alumnado que se incorpora a 1º de ESO: 2 fotos, DNI, libro de familia e boletín de notas.
CICLOS FORMATIVOS
-Solicitudes de admisión: do 27 de xuño ao 5 de xullo, ambos incluídos, de 10 a 13 horas
-Matrícula: do 19 ao 26 de xullo (1ª adxudicación).
Pódense consultar todos os prazos do proceso con detalle nesta ligazón.
Novos teléfonos do centro
Enviado por admin o Ven, 27/05/2016 - 09:26
A partir do día de hoxe, 27 de maio, por razóns de reorganización do sistema de comunicacións da Consellería, o centro ten novos teléfonos. Son os seguintes:
Teléfono para consultas xerais: 886 15 17 31
Fax: 886 15 17 39
Premio á innovación educativa
Enviado por admin o Ven, 27/05/2016 - 09:24O traballo "Arte e xogo feminino ao longo da historia" realizado polo alumnado de 1º de ESO na materia de Investigación e Tratamento da Información recibiu a 4ª Mención honorífica do Premio á innovación educativa convocado por FETE-UGT Galicia e Escola Viva. O traballo foi coordinado polo Equipo da biblioteca do centro e contou coa colaboración de varios departamentos.
Así se recolle na prensa:La Voz de Galicia
Regreso dos alumnos de Erasmus+
Enviado por admin o Mér, 18/05/2016 - 12:44Os dous alumnos do Ciclo de Soldadura e Caldeirería que acaban de regresar de Belfast, a onde foron traballar cunha bolsa da Deputación, estiveron no instituto para contar a súa proveitosa experiencia.
Para o curso 2016-17, o IES Marco do Camballón ten concedidas 4 bolsas máis que aínda non están cubertas.
Na ligazón pódese ler a noticia recollida por La Voz de Galicia.
Título de ESO para FP básica
Enviado por admin o Xov, 07/01/2016 - 20:00O alumnado que se titule en FP básica nos cursos 2015-16 e 2016-17 poderá obter o título de ESO se acadou os obxectivos e competencias correspondentes, segundo se publica no Real Decreto 1058/2015 do 20 de novembro. Pódese consultar a información no arquivo anexo.
Premio para "As mulleres de mate"
Enviado por admin o Ven, 18/12/2015 - 07:46O traballo "As mulleres de mate" realizado dentro da materia Proxecto interdisciplinar de 1º de ESO no curso 2014-15 acaba de ser premiado no II Concurso de traballos por proxectos convocado pola Consellería de Educación no marco do PLAN LÍA 2010/15. María Barcala e Ana Vicos foron as profesoras responsables da súa realización, en coordinación coa biblioteca do centro e outros departamentos. Ten unha dotación de 1000€ que deben ser destinados á atención das necesidades da biblioteca escolar.
A descrición do proxecto pódese consultar de xeito detallado no último número da revista Eduga.
Novo CM de Atención a persoas dependentes
Enviado por admin o Xov, 18/06/2015 - 08:19
Para o curso 2015-16 comezará a impartirse no noso centro o CM de Atención a persoas en situación de dependencia. Ofértanse 25 prazas. O prazo de solicitudes comeza o 17 de xuño e remata o 2 de xullo.
Pódese consultar información sobre as súas características, módulos e saídas profesionais nesta ligazón.
Ciencia, aventuras e sorpresas dunha viaxe arredor do mundo
Enviado por admin o Sáb, 21/02/2015 - 16:22
Este é o suxestivo título da charla que Xurxo Mariño, profesor de Neurofisioloxía da Universidade da Coruña e colaborador do MIT (Massachusetts Institute of Technology, EEUU), impartirá o próximo martes 3 de marzo no noso instituto.
Hai pouco que regresou dunha longa viaxe por boa parte do mundo que vai compartir connosco grazas a esta actividade que organizou a Biblioteca do noso centro.
Educación médica e sexual no Camballón
Enviado por admin o Mér, 03/12/2014 - 18:22O 21 de novembro desprázaronse ata o noso centro un grupo de máis de 20 estudantes de Medicina da USC para realizar actividades sobre educación sexual e primeiros auxilios, dentro do proxecto denominado MERSH. Participou nelas o alumnado de 3º e 4º de ESO, que se amosou moi satisfeito con esta iniciativa da Biblioteca. Pódese ampliar información sobre ela no seu blog, Abre os ollos.
- « primeira
- ‹ anterior
- …
- 15
- 16
- 17
- 18
- 19
- 20
- 21
- 22
- 23
- seguinte ›
- última »