Conferencias, Eventos, Indice, Practicas, Prensa

O pasado 22 de Maio o doutor Roberto Iglesias, coordinador do Grao de Robótica e profesor do departamento de Electrónica e Computación da Escola Politécnica Superior do Campus de Lugo, impartiu unha amena e didáctica conferencia ao alumnado de primeiro curso de STEMbach.

Nesta conferencia, titulada robots cada vez máis “cerca” das persoas, o doutor Roberto Iglesias, comezou cautivando o alumnado e docentes presentes na sala explicando que a proximidade ás persoas é tanto dende o punto de vista do “hardware” (ofrecendo un número de servizos cada vez maior: agricultura, inspeccións estruturais, asistentes domésticos,…), coma do “software” (como é a intelixencia artificial xenerativa). Explicou o funcionamento das redes neuronais artificiais para o control intelixente, os grandes retos actuais da robótica (aprendizaxe continuo e federado) e as bases da intelixencia artificial xenerativa.

Álbum: Sen categoría -> 24 robotica

Este mércores 8 de Maio o Doutor en Matemáticas David Gómez Castro, e investigador "Ramón y Cajal" na Universidade Autónoma de Madrid, impartiu unha conferencia web á que asistiron alumnado de primeiro curso de STEMBach e o profesorado do noso IES no salón de actos do noso instituto.

O profesor explicou dun xeito matemático o fundamento da probabilidade de obter un tipo de interés, as accións, as opcións, os fundamentos das carteiras de inversión e os intereses TIN e TAE entre outros termos financeiros habituais no mundo no que vivimos, chegando a presentar algoritmos similares aos que usan os bancos na actualidade, non moi distantes dos empregados por algún premio Nobel en finanzas.

Álbum: Sen categoría -> 24 matematicas financeiras

Os profesores do departamento de matemáticas do noso IES, José Luis Iglesias, María Macía e Teresa Díaz, impartiron un seminario de estatística aplicada para tratamento de datos experimentais ao alumnado de primeiro curso de STEMbach.

Este 17 de Abril viron os fundamentos matemáticos da regresión lineal, polinomial, exponencial e potencial empregando o método de mínimos cadrados. Recordaron os exemplos de axustes lineais e non lineais xa vistos para os datos obtidos por eles mesmos e viron a súa análise matemática. 

Álbum: Sen categoría -> 24 matemáticas