Circulares

Estimados socios e socias:

Poñémonos en contacto con vos para comunicar a necesidade de formar unha nova xunta directiva para a Anpa As Brañas.

Ao remate deste curso 23/24 tres dos actuais membros deixaremos os nosos cargos.

Foron catro anos de colaboración e participación na actividade do centro, algún deles especialmente complicados como os da pasada pandemia e cremos que chegou o momento do relevo, de que o IES Isaac Díaz Pardo conte cun proxecto novo na Anpa que poida aportar novas ideas.

Os que estean dispostos a afrontar este reto, pregámoslles que se poñan en contacto con nos o antes posible para comentar o  procedemento e os pasos a seguir.

Antes de que remate o curso, convocaremos unha asemblea co  fin de aprobar unha modificación dos estatutos que axude a simplificar a formación do equipo directivo desta asociación e a elección da nova xestora da Anpa As Brañas, para que poida facerse cargo dende o inicio do novo curso.

No caso de non conseguir una nova directiva, verémonos obrigados á disolución da asociación xa que non habería membros bastantes para formar o equipo necesario, polo que pregamos a vosa colaboración para manter un elemento tan importante da comunidade escolar.

 Moitas grazas pola vosa colaboración.

Anpa As Brañas

Prezadas familias:

Este ano, como o pasado, a forma de asociarse á ANPA do IES Isaac Díaz Pardo será a través dun formulario en liña cos seguintes campos:

• Datos familiares precisos para a alta,
• Solicitude de libros ao banco da ANPA.

Deben xuntar o xustificante do pagamento da cota anual, que este ano será de 20 €, na conta Nº ES09 2080 0035 1330 4004 0960 de ABANCA a nome da asociación ANPA As Brañas, co seguinte texto: "COTA ANUAL DE SOCIO, apelidos e nome do/a alumno/a, curso no que se matricula no ano académico 2023/24".

A cota de socio é unica por familia, polo que no caso de que no centro cursen varios irmáns, a cota é de 20 € para todos os irmáns.

Aínda que o centro está incorporado ao proxecto E-Dixgal para todos os cursos da ESO, continuamos con banco de libros para as materias que non se imparten en dixital.

Poden facerse socios da ANPA en calquera momento do curso pero para solicitar libros o prazo límite para facerse socio e pagar a cota será o 31/08/2023. Este ano cambian os libros de 2º e 4º ESO, polo que precisamos coñecer con tempo as familias que solicitan libros.

AVISO: Para poder ter dereito de acceso ao banco de libros será imprescindible cumprir dous requisitos:

• Encher formulario e envialo antes do 31/08/2023.
• Ter pagada a cota de socio de 20 € antes do 31/08/2023.

Premer no seguinte enlace para darse de alta como socio:

https://forms.office.com/r/0vcRAicecJ

Estimad@s Asociad@s,

 Desde a ANPA infórmase:

• Que o prazo  máximo para solicitar libros, de todos aqueles que se inscribiron como novos socios para o curso 2021/22 finalizará o próximo xoves  día 9 de setembro ás 14:00 horas  e que fora dese prazo será posible a inscrición como socio, pero o acceso aos libros será só daqueles que queden dispoñibles.
• En principio prevese como data para a entrega dos libros o día 13 de setembro; en canto á hora e forma de entrega informarase por correo electrónico aos socios ao longo do venres día 10, unha vez se pechen listados.
• Este curso os libros do fondo serán só de ESO e das materias que non participan en E-Dixgal, isto é:

Inglés de primeiro e segundo de ESO

Inglés, Francés e Galego de terceiro e cuarto de ESO

Prezados socios:

Esperamos que vós e as vosas familias vos atopedes en bo estado de saúde.

Ante a complicada situación que estamos a vivir, a ANPA considerou que a mellor forma de investir parte dos fondos de que dispón a asociación é colaborando co equipamento informático do centro,  co fin de incrementar os recursos para docencia e facilitar o ensino virtual (cesión de equipos) no caso de peche de grupo ou centro.

En colaboración coa Concellería de Educación e Deporte do Concello de Sada, financiaouse a compra de oito equipos portátiles, para completar a dotación do Taller de Tecnoloxía.

Grazas pola vosa colaboración.

Aproveitamos esta circular para informar de que continuamos á espera de poder convocar á asamblea xeral co fin de presentar as actividades da ANPA para este ano.

No caso de continuar as restricións, enviaremos circular informando das actuacións, estado de contas...

Quedamos a vosa disposición.

Grazas pola vosa atención e sobre todo saúde.

 Para responder formulario pulsar  aquí

 Enlace:

 Saúdos e grazas pola vosa colaboración