Educación física

XORNADA DE XOGOS POPULARES

07/11/2016 21:51
Etc/GMT+1

Este curso repetimos xornada de xogos populares. Ó longo do día 7 de novembro estivemos xogando cos trebellos  que Manolo Otero e os seus compañeiros nos trouxeron. Aquí tedes algunhas fotos

Andaina - Acampada

10/06/2016 15:00
11/06/2016 12:00
Etc/GMT+1

Os pasados días 10 e 11 de xuño tivo lugar unha nova actividade do departamento de E.F. Ó remate das clases do venres 10, subimos a Chans xunto cos alumnos de 6º de primaria dos coles de Beluso, Cela, A Pedra e Ardán que o vindeiro curso compartirán instituto con nós. Alí xantamos e comezamos a andaina que nos había de levar polos montes do Morrazo pasando polo monte Paralaia e tamén por Ermelo. Dende alí baixamos pola beira do río Bispo ata chegarmos ó instituto. Aquí tedes algunha foto:

Pero o conto non rematou aí. Unha vez no instituto quedamos a pasar a noite nel !! Preparamos todo no ximnasio, duchámonos, ceamos e trouleamos ata as dúas e media da noite (a algúns aínda lles pareceu pouco). Era curioso ver o ximnasio convertido nun campamento. Mirade, mirade:

 

Pola mañá, despois de almorzar na sala de entrada do insti convertida en comedor, tivemos xogos populares. Non estivo nada mal...

En fin, pasámolo ben, e démoslle outro uso ó insti. Para rematar aquí vai unha foto dos alumnos do ILLA DE ONS que participamos. MENUDA TROPA!!

 

 

SENDEIRISMO - CABO HOME

03/05/2016 09:23
03/05/2016 17:23
Etc/GMT+1

O pasado 3 de maio fixemos disfrutamos dunha nova andaina co alumnado de 1º ESO. Nesta ocasión comezamos en Vilanova-Aldán, subimos ó Facho de Donón e continuamos ata Cabo Home onde nos dimos o  1º baño da temporada na praia de Melide e xantamos no pinar.

Unha boa xornada  na compaña da boa xente do IES ILLA DE ONS.

Penúltima andaina do alumnado de 1º deste curso. Aínda queda unha máis, e será a mellor!!!

TORNEO DE FLOORBALL

01/06/2016 20:12
Etc/GMT+1

O pasado día 30 de maio tiveron lugar as finais do torneo de Floorball. Dende mediados do mes de maio víñase celebrando nos recreos este emocionante torneo no ximnasio do noso centro.

Aquí tedes ós finalistas do torneo. Na foto de enriba están os de 1º e 2º cursos e na de debaixo os finalistas de 3º e 4º.

O torneo foi todo un éxito que creou moita expectación durante os recreos. Todo saíu moi ben e non houbo feridos de gravidade...

Moitas grazas a todos os participantes!!

CAMPEONATO DE ESCALADA

06/04/2016 21:24
Etc/GMT+1

O pasado venres día 1 de abril tivo lugar o II campeonato de escalada do noso centro. Nesta ocasión participaron 5 alumnos de 4º curso.

Aquí tedes, de esquerda a dereita Pedro, André, Alba, Tania e José Manuel. Grazas a todos por participar. 

Por certo, que das fotos se encargaron dous antigos alumnos Agustín e Adán, que non quixeron perderse este evento. Grazas tamén a eles.

SENDEIRISMO - UDRA

13/11/2015 09:00
13/11/2015 16:30
Etc/GMT+1

O vindeiro venres 13 terá lugar unha nova actividade co alumnado de 1º curso. Volveremos a exercitar as nosas pernas percorrendo a rota de sendeirismo que nos levará do instituto ó Cabo Udra. Alí os monitores da Aula da Natureza guiarannos polo cabo explicándonos particularidades botánicas, xeolóxicas e faunísticas deste valioso enclave. Despois de xantar voltaremos camiñando de novo ó instituto, onde remataremos a actividade. Colgaremos algunha foto en canto sexa posible.

1º CAMPIONATO DE ESCALADA "IES ILLA DE ONS"

28/05/2015 11:51
Etc/GMT+1

Por primeira vez no noso centro un Campionato de Escalada!! Seguindo coa idea de potenciar as actividades no medio natural, despois de traballar este deporte no 2º trimestre e despois da tradicional xornada de escalada en Donón, os alumnos de 4º protagonizaron este 1º campionato  que tivo por obxectivo facer máis visible este fermoso deporte ós membros da nosa comunidade escolar. Competindo por parellas os participantes tiñan que ser máis rápidos en tocar a pequena campana situada no alto do rocódromo. Para iso debían aunar técnica, velocidade e nervios de aceiro!! Noraboa a todos os participantes. Aquí temos un par de fotos da xornada.

 

 A vindeira semana todos os membros da nosa comunidade escolar están invitados a probar o noso rocódromo durante o recreo. Non se requiren coñecementos previos, só gañas de pasalo ben!!!

TORNEO TENIS DE MESA

03/12/2015 20:08
03/12/2015 20:08
Etc/GMT+1

Acaba de rematar o torneo de tenis de mesa. Coma sempre moito nivel e bastante participación. Algúns dos finalistas son xa vellos coñecidos deste torneo ó longo destes anos. Vese que levan o ping-pong no seu ADN. Aquí tendes ós finalistas diante do noso rocódromo en plena de pintado.

XOGOS TRADICIONAIS

26/11/2015 09:00
04/12/2015 14:25
Etc/GMT+1

Nestes días de novembro temos no instituto un bo feixe de xogos tradicionais. Trátase dun préstamo que nos fai a asociación de xogos tradicionais de Bueu. Mirade que ben o pasan os nosos alumnos do Illa de Ons:

ROCÓDROMO

27/11/2015 20:13
Etc/GMT+1

Quizais non o saibades pero o departamento de plástica con Olalla á fronte máis o alumnado de 4ºB están decorando o rocódromo do ximnasio. A idea é reproducir 3 obras do autor estadounidense Keith Haring para darlle ó noso rocódromo un pouco de alegría. Aquí tedes unhas fotos para que vaiades vendo como progresan os traballos.

Distribuir contido