E voltamos á normalidade post-COVID retomando o tradicional rafting de final de curso. Despois de 2 anos acudimos á nosa cita anual co  río, o "pai Miño" para desfrutarmos coas súas augas e co seu verdor.

E alí estaba o alumnado de 3º e 4º do Illa de Ons cumprindo co ritual

Berrando, cantando e saltando ó río

O pasado 13 de maio o alumnado de 1º saíu de novo ó monte. O autobús deixounos no Chan da Armada e dende alí camiñamos ata o Chan da Arquiña e ós seus miradoiros.

Tamén nos achegamos ó miradoiro do monte Faro de Domaio

Despois de dous anos de parón voltamos ó Courel. Os pasados 30, 31 de marzo e 1 de abril, o alumnado de 4º achegouse alá para practicar espeleoloxía e algo de montaña nesta fermosa serra. Mirádeos xusto antes de entrar na cova de Cortiñas

E mirádeos agora xusto ó saír un par de horas despois. Xa non están tan limpiños, verdade?

Ademais de coñecer o Courel baixo terra, tamén chegaron ó mais alto, ó cume do pico Formigueiros, que cos seus 1639m é o teito do Courel. Reparade ben na foto. Non é que sexan formaliños, o que pasa é que están conxelados. Facía un frío!!!

E aí van descendendo cara a mítica Devesa da Rogueira. 

O noso alumnado de 3º e 4º non para!! Agora están empeñados en salvar vidas. Mira ti que cousa!! E para iso nada mellor que practicar, practicar e practicar sen descanso. Aquí tedes a algúns de 4º en plena faena

E tamén estes de 3º

Por suposto que escalamos!! Un ano máis o alumnado de 4º subiu polas paredes. E como subían!! Mirade senón esta imaxe con Víctor no máis alto do noso rocódromo, e sen mans 

Tamén ó máis alto chegou Laura, sen medo, e demostrando o nivelassso das rapazas do Illa de Ons. Mirade, mirade

E aquí tedes ó dúo que máis enganchou coa escalada: Pablo e Víctor. Estes non perderon oportunidade. Menudo par de Ghabeators!!

E todo con moita seguridade, como nos demostra Víctor. Que profesional!!

Aproveitando que os dous últimos días de clase antes do nadal a chuva deunos un respiro, visitamos o monte Liboreiro. Cos seus 334 m de altura, restos dun poboado castrexo e unhas fermosas vistas, este cumio fai de límite natural e municipal co veciño concello de Cangas. E claro, sendo así, o alumnado do IES ILLA DE ONS tiña que ir ata alá para comprobar que... bueno, pois que todo estaba no seu sitio e que ninguén movera os marcos. Aquí tedes unha foto do alumnado de 3º o luns 20 de decembro de 2021

E aquí tedes ós de 4º o martes 21 de decembro de 2021

Algúns pasárono ben. Outros dixeron aquilo de "Nunca Máis" e prometeron non erguerse da cama ata Noiteboa!! Veredes como na seguinte saída volven picar e saen nas fotos outravolta...