Educación plástica e visual

Concurso de relatos e certame fotográfico

     A Biblioteca, en colaboración coa ANPA e o Equipo de Dinamización Lingüística do centro, está a promover dous concursos dirixidos ao alumnado do IES Illa de Ons:

  • Un concurso de relatos para conmemorar o Día das Letras Galegas e homenaxear a Mª Victoria Moreno.
  • Un certame fotográfico co fin de seleccionar unha serie de imaxes que ilustrarán un calendario para o vindeiro curso.

     Aquí tedes os carteis promocionais coas bases dos dous concursos.

Magosto .

06/11/2017 16:00
06/11/2017 17:40
Etc/GMT+1

O luns 6 de novembro faremos o magosto pola tarde. Haberá tamén xogos populares e aproveitaremos para celebrar o Samaín con diversas actividades.

Entroido 2017 - Concurso de caretas e cabezudos

     O venres 24 de febreiro celebramos no IES Illa de Ons a festa do Entroido http://www.edu.xunta.gal/centros/iesillaons/galeria/thumbnails.php?album=55. Ademais de disfraces e bailes convocáronse os xa tradicionais concursos de gastronomía e caretas e cabezudos. Neste último participaron os alumnos e alumnas de 1º da ESO, que presentaron todo tipo de personaxes elaborados coa técnica do papel maché. O xurado outorgou premios ás seguintes creacións:

PRIMEIROS PREMIOS:

Porto Rodal, Alba - OSO CON PELUCHE

Novas Arribas, Antía - CAVEIRA MEXICANA

 

SEGUNDOS PREMIOS:

Cestay Esteban, Víctor - PAIASO "SAW"

Rey Piedras, Breixo - MÁSCARA AFRICANA

 

TERCEIROS PREMIOS:

López Caíño, Iago - EXTRATERRESTRE

Comedeiro Losada, Carmen - DINOSAURO "YOSHI"

 

 

 Noraboa tanto aos gañadores/as como ao resto dos participantes pola calidade dos traballos presentados!

II Maratón Fotográfico San Martiño de Bueu

     A Biblioteca do IES Illa de Ons e o Departamento de Educación Plástica e Visual queren animar a toda a Comunidade Educativa a participar no II Maratón Fotográfico do San Martiño de Bueu, convocado polo Concello dentro das actividades programadas para estas festas. No CADERNO DE BITÁCORA da Biblioteca podedes acceder ás bases desta convocatoria e a outras novas de interese.

FITOFALADOIRO ONS

Que é o Fitofaladoiro Ons?

     Un proxecto que estamos a desenvolver no IES Illa de Ons, centrado na investigación sobre os nomes e usos das plantas da nosa contorna máis próxima. O ámbito familiar e veciñal será unha das principais fontes de información e os propios rapaces e rapazas os entrevistadores e recolectores das mostras.

Na seguinte infografía podemos ver, de xeito esquemático, as tarefas que estamos a realizar dentro do noso proxecto.

 

ENTROIDO 2016 - PREMIOS CARETAS E CABEZUDOS

Coma en anos anteriores, o Departamento de Educación Plástica e Visual sumouse á celebración do Entroido convocando un concurso de caretas e cabezudos. Os alumnos e alumnas do centro traballaron a técnica do papel maché (papel e cola) para crear volumes partindo de globos, caixas e cartóns. Noraboa a todos e todas polos resultados!

 

 

GAÑADORES E GAÑADORAS DO CONCURSO:

PREMIOS ELABORACIÓN:

1º PREMIO: Ra (Deus exipcio) - Ana Queimaño (4º A)

2º PREMIO: Unicornio - Carlota Bernárdez (1º A)

3º PREMIO: Abella Maya - Paula Pena  (3º B)

PREMIOS CREATIVIDADE:

1º PREMIO: Personaxe de Minecraft - Álvaro e Gabriel Entenza (3º A)

2º PREMIO: Eddie the Head (Iron Maiden) - Héctor Rodríguez (3º A)

3º PREMIO: Sulley (Monstruos S.A.) - Andrea Castro (3ºA)

PREMIOS SIMPATÍA:

1º PREMIO: Shrek - David Juncal (1º B)

2º PREMIO: Stitch - Javier Ferradás (1º A)

3º PREMIO: Mike (Monstruos S.A.) - Abril Pena (3º A)

 

RADIO ONS "COCIÑA CON CRIS"

O pasado venres 8 de maio, o programa de Radio Ons centrouse no mundo da cociña. Os invitados nesta xornada, a chef Cristina Millán Quintela e Joel Ríos Malvido (3º C),  elaboraron tres deliciosos petiscos que puidemos degustar ao remate da emisión. Verónica Chapela, Mercedes Pretel, Ana Vilas, Alba Juncal e Héctor Rodríguez levaron nesta ocasión as rendas. Música gastronómica, proxeccións de deliciosos pratos, curiosidades culinarias, propiedades dos alimentos empregados, adiviñas e chistes (contados por Marcos Ríos) amenizaron o transcurso do programa.

Radio Illa de Ons

     Xa todas e todos sabedes que a Radio Illa de Ons vai vento en popa. Tras recibir unha serie de indicacións de como realizar un proxecto radiofónico, unha parte do alumnado do centro estivo a traballar, durante as últimas semanas, na elaboración de diferentes contidos: entrevistas, noticiarios, publicidade de eventos, emisións musicais... Tamén tiveron que practicar co equipo técnico do que dispón a radio: micros, mesa de son, biblioteca de arquivos de audio, cámaras... Para ambientar o espazo radiofónico, as alumnas de Plástica de 4º ESO elaboraron un panel decorativo.

 

 

 

 Cada venres, na hora do recreo, un grupo de alumnos e alumnas emitirá un programa en directo para o resto da comunidade educativa. Ata o momento o alumnado de 2º A, 2º B e 4º xa viviron esta experiencia e entrevistaron aos profesores Toño e José Luís e ao alcalde de Bueu, Félix Juncal. No seguinte resumo fotográfico podedes ver como se levou a cabo esta última entrevista.

 

O Equipo de Dinamización Lingüística é quen promove esta actividade. Se queredes saber máis sobre outras propostas podedes acceder ao seu CADERNO DE BITÁCORA.

Fitofaladoiro Ons

Como xa todos e todas sabedes, este ano estivemos a traballar sobre os nomes e usos tradicionais das plantas da nosa contorna, dentro do proxecto Fitofaladoiro Ons (Plan Proxecta). Na páxina web do Fitofaladoiro está sendo publicada unha selección dos materiais elaborados por todos os que participastes nel. Na seguinte ligazón podedes ver os resultados. Grazas a todos e todas pola vosa colaboración!

Autorretratos - Plástica 4º ESO

As alumnas de 4º ESO elaboraron, na materia de Educación Plástica e Visual, os seus autorretratos con lapis brando e difuminos. Podedes ver o proceso de creación no seguinte vídeo.

Distribuir contido