Educación plástica e visual

CARTEL GAÑADOR DO FESTIVAL MUSICAL

O alumnado de 4º ESO está a organizar un festival de música co obxectivo de recadar cartos para a súa viaxe de fin de estudos a Londres. Na materia de Informática cada alumno/a elaborou un deseño dun cartel para promocionar este concerto e, posteriormente, eles mesmos elixiron o que máis lles gustou.

A composición gañadora foi a elaborada por Lucía Martínez Reiriz, de 4º ESO A. Noraboa!

O festival terá lugar o vindeiro domingo 23 de febreiro ás 18:00 h. na Casa do Mar de Bueu e o prezo da entrada é de 3 €. Non faltedes!

ENTROIDO 2014 - Concurso de caretas e cabezudos

Xa queda menos para o Entroido e temos que ir preparando os nosos disfraces... Se queres crear a túa propia careta, anteface ou cabezudo e participar no noso concurso só tes que pensar nun personaxe e poñerte mans á obra.

BASES DO CONCURSO:

Convoca:
Departamento de Educación Plástica e Visual do IES Illa de Ons.

Participantes:
Poderá participar todo o alumnado matriculado no IES Illa de Ons. Cada participante terá a posibilidade de presentar unha soa creación: máscara, careta, cabezudo ou complemento (sombreiro, toucado...).

Temática:
O tema é libre (os deseños poderán estar baseados en personaxes coñecidos ou inventados).

Técnica:
Os traballos deberán realizarse con papel e cola (papel maché). Valorarase a utilización doutros materiais de refugallo.

* Na aula virtual do centro, dentro do curso CONCURSOS, tedes acceso a un documento onde vén explicado o proceso de elaboración de caretas con papel maché.

Forma e prazo de presentación:
A data límite de presentación será o venres 21 de febreiro de 2014. Os traballos deberán entregarse na Aula de Educación Plástica e Visual, onde quedarán gardados ata a súa exposición pública o luns 24 de febreiro.

Camiseta gañadora do concurso

O deseño gañador do concurso de camisetas, convocado a finais de decembro, foi o realizado por Carmen García García (3º ESO A). Noraboa!

 

CONCURSO DE DESEÑO DE CAMISETAS

10/12/2013 12:00
10/01/2014 12:00
Etc/GMT+1

...BASES ...

Convoca:
Departamento de Actividades Extraescolares e Complementarias e Departamento de Educación Plástica e Visual do IES Illa de Ons.

Obxecto:
Este concurso ten como finalidade seleccionar un deseño para elaborar unha serie de camisetas que poñerán á venda os alumnos e alumnas de 2º ESO e 3º ESO do noso centro. O obxectivo é recadar cartos para a excursión que farán á neve durante o presente curso.

Participantes:
Poderá participar todo o alumnado matriculado no IES Illa de Ons. Cada participante terá a posibilidade de presentar todos os deseños que desexe, sempre e cando sexan orixinais e inéditos.

Temática:
O tema é libre e o deseño pode estar creado en base a debuxos, palabras, frases...

* Se cadra, pensando na súa comercialización a nivel local, podedes centrar as vosas ideas nalgo que teña que ver coa cultura popular da vosa terra (costumes, frases típicas...) pero dándolle un toque moderno.

Formato:
O deseño deberá entregarse en lámina de debuxo de tamaño A4 ou ben en formato dixital (20 x 30 cm e 300 ppp). O debuxo só poderá estar realizado nunha cor (serigrafiaranse en negro ou branco sobre a camiseta de cor).

Forma e prazo de presentación:
A data límite de presentación será o día 10 de xaneiro de 2014.
O alumnado que decida presentar o seu deseño nunha lámina, deberá entregalo na Aula de Educación Plástica e Visual dentro do prazo indicado. O envío do deseño dixitalizado pódese realizar a través da Aula Virtual do centro.

 

...IDEAS...
Para que vexades algúns exemplos, aquí tedes seis ligazóns a distintas empresas de deseño de camisetas que centran a súa temática na retranca galega:

 

 

 

 

CONCURSOS DE CREACIÓN

 -CONCURSO DE CREACIÓN "KAREAL "-Aberto o prazo de presentación de traballos para o III Concurso Nacional de Creación KaReal convocado polo Departamento de Lingua Castelá e Literatura do IES “Ramón María Aller Ulloa” (Lalín, Pontevedra).
 Poderá participar alumnado de ESO, diversificación curricular, programas PCPI, 1º Bach e 2º Bach. Categorías:    •    Marcapáxinas (un único premio de 100 euros)    •    Portada dun libro (un único premio de 100 euros)    •    Poesía visual (un único premio de 100 euros)O prazo para presentar os traballos remata o 30 de xaneiro de 2014.
 Para máis información podes consultar as bases: III Concurso de creación KaReal -CONCURSO DE POSTAIS DE NADAL "CELTA DE VIGO"   A Fundación do Real Club Celta de Vigo organiza un concurso de postais do Nadal. Poderán participar todos os rapaces e rapazas con idades comprendidas entre os 5 e os 14 anos. A recepción dos traballos será no servizo de atención ao cliente do Corte Inglés de Vigo a partir do 11 de novembro e finalizará o 14 de decembro. Podes consultar as bases completas na seguinte ligazón: Postais Celta de Vigo 2013 -CONCURSO DE DEBUXO "PICASSO CORUÑÉS"-O Concello da Coruña e a Fundación Emalcsa promoven un concurso de debuxo destinado a alumnos e alumnas de Primaria e ESO, para dar a coñecer a etapa que o xenial artista pasou na cidade da Coruña. Os participantes terán unha idade semellante á de Pablo Picasso durante a súa estancia na Coruña, época na que non só pintou os seus primeiros cadros, senón que elaborou xornais como Azul e Branco, A Coruña ou Torre de Hércules. Por tanto, premiaranse tanto os debuxos como a redacción de noticias e o deseño de publicacións informativas.Bases do concurso

CULTURGAL 2013 - Feira das industrias culturais (Pazo da Cultura de Pontevedra)

29/11/2013 11:00
01/12/2013 14:00
Etc/GMT+1

Ligazón

Deseños con mencións no XI Concurso de carteis contra a violencia de xénero

Deseños con mencións no XI Concurso de carteis contra a violencia de xénero

Marta Vidal Patiño (2º da ESO) e Paula Pena Juncal (1º da ESO), alumnas do noso centro, recibiron dúas mencións especiais polos seus deseños no concurso de carteis organizado polo CIM de Bueu. Podes ver aquí a publicación dos gañadores e gañadoras no xornal.

Noraboa a todo o alumnado participante polo traballo realizado.

25 de Novembro. Día Internacional da Non Violencia contra a Muller.

Deseños que participaron no "XI  Concurso de Carteis contra a Violencia de Xénero", convocado polo Centro de Información ás Mulleres do concello de Bueu.

Deseños 1

Deseños 2

Programación Educación Plástica e Visual 2013/2014

  A continuación móstrase a información básica da programación didáctica de Educación Plástica e Visual por cursos  

INFORMACIÓN BÁSICA DA PROGRAMACIÓN EPeV - 1º E.S.O.

MÍNIMOS EXIXIBLES
•    Aprender a diferenciar os elementos básicos da linguaxe plástica nunha imaxe e ser capaces de  se expresar graficamente con eles.
•    Distinguir as cores primarias, secundarias e complementarias, así coma as gamas cromáticas cálidas e frías.
•    Diferenciar os tipos de formas na natureza, así coma os conceptos de figuración e abstracción referidos á representación da realidade.
•    Saber realizar os trazados xeométricos básicos, e manexar correctamente a escuadra e o cartabón.
•    Saber clasificar as formas poligonais e construír tanto polígonos regulares como a súa aplicación en redes xeométricas.
 

CONTIDOS

1ª Avaliación  

U.D.0. Os materiais de debuxo
U.D.1. (1ª parte da unidade) Trazados xeométricos básicos I
U.D.2. A linguaxe visual
U.D.3. (1ª parte da unidade) Elementos básicos da expresión plástica I

2ª Avaliación 

U.D.1. (2ª parte da unidade) Trazados xeométricos básicos II
U.D.3. (2ª parte da unidade) Elementos básicos da expresión plástica II
U.D.4. A cor
U.D.5. As formas

 
3ª Avaliación

U.D.6. As formas poligonais.
U.D.7. A figura humana. Proporcións.
U.D.8. A forma no espazo
 

INFORMACIÓN BÁSICA DA PROGRAMACIÓN EPeV - 3º E.S.O.

MÍNIMOS EXIXIBLES
•    Recoñecer os elementos básicos da linguaxe visual e os códigos propios de cada medio de comunicación visual.
•    Aplicar e recoñecer na natureza e creacións artísticas os elementos básicos da expresión e representación, así como aprender a expresaren as súas propias ideas.
•    Aprender a distribución das cores no círculo cromático, coñecer as calidades da cor e ser capaces de realizar mesturas e gradacións tonais con diversas técnicas e materiais.
•    Distinguir e valorar a luz e o volume na realidade e representalo graficamente mediante o claroscuro.
•    Coñecer e realizar composicións, utilizando os conceptos de simetría, contraste, ritmo, equilibrio e peso visual.
•    Realizar con precisión os trazados xeométricos básicos, a construción de polígonos regulares e redes modulares e os ovals e ovoides.
•    Observar e distinguir a proporción na arte e na natureza.
•    Desenvolver recursos xeométricos para representar o espazo tridimensional.


CONTIDOS

1ª Avaliación

U.D.1. (1ª parte) Debuxo xeométrico I. Trazados básicos
U.D.2. Percepción e lectura de imaxes
U.D.3. A linguaxe audiovisual
U.D.4. Análise de formas

2ª Avaliación

U.D.1. (2ª parte) Debuxo xeométrico II. Polígonos.
U.D.5. Elementos básicos da expresión plástica.
U.D.6. A cor
U.D.7. Luz e volume

3ª Avaliación

U.D.8. A composición
U.D.9. Debuxo xeométrico III
U.D.10. Proporción e estruturas modulares
U.D.11. Sistemas de representación
 

 

INFORMACIÓN BÁSICA DA PROGRAMACIÓN EPeV - 4º E.S.O.

MÍNIMOS EXIXIBLES
•    Tomar contacto cos distintos estilos artísticos ao longo da historia.
•    Representar composicións plásticas a partir da organización dos elementos plásticos e desenvolver o sentido estético co uso de distintas técnicas.
•    Aplicar técnicas elementais de encaixe e valorar a incidencia da luz nos obxectos como creadora de volume.
•    Comprender as relacións de proporción que se establecen entre as partes dunha mesma figura.
•    Utilizar con destreza os intrumentos de debuxo técnico para a realización de distintos tipos de trazados: construcións xeométricas básicas, polígonos dado o radio e o lado, estrelados, tanxencias e enlaces...
•    Expresarse creativamente a través da elaboración de distintos deseños.
•    Saber desenrolar un proxecto artístico.
•    Coñecer os tres sistemas de representación en tres dimensións: diédrico, axonométrico (isometrías e cabaleira) e cónico para a realización de figuras planas e sólidos sinxelos.


CONTIDOS

1ª Avaliación

U.D.1. (1ª parte) Xeometría plana I.1. Repaso ángulos
U.D.2. 2.1. As vangardas artísticas. Punto e liña
U.D.3. Encaixe e claroscuro
U.D.1. (2ª parte) Xeometría plana I.2. Repaso polígonos

2ª Avaliación

U.D.2. (2ª parte). As vangardas artísticas. Plano e texturas
U.D.4. (1ª p) Xeometría plana II.1 Repaso curvas técnicas
U.D.5. A figura humana
U.D.6. Deseño e publicidade

3ª Avaliación

U.D.4. (2ª p) Xeometría plana II.2 Tanxencias e enlaces
U.D.7. Proceso de creación
U.D.R. Repaso  sistemas de representación
U.D.8. Perspectiva cónica

AVALIACIÓN (PARA OS TRES CURSOS) 

Instrumentos de Avaliación:

  • Observación da actitude diaria na aula: interese pola materia, traballo en equipo, puntualidade, comportamento individual 
  • Traballos prácticos 
  • Probas

Criterios de cualificación:

  • Probas: 40%
  • Traballos prácticos: 40%
  • Actitude: 20%

Convocatoria extraordinaria:
O alumnado será cualificado mediante unha proba global teórico-práctica do seguinte xeito:

  • TRABALLOS PRÁCTICOS (60 % da nota total)
  • PROBA ESCRITA (40 % da nota total)

Tanto na avaliación ordinaria como na extraordinaria o alumnado deberá obter como mínimo unha nota dun 3 en cada unha das partes da proba para facer a media coas porcentaxes.

 


Viaxe de estudos a Madrid . 7-11 de Maio

07/05/2012 00:45
11/05/2012 23:59
Etc/GMT+1

VIAXE DE ESTUDOS MADRID 7-11 MAIO 2012
I.E.S. ILLA DE ONS - BUEU


PROGRAMACIÓN
LUNS 7 MAIO
- Saída do autobús AUTO RES de Pontevedra ás 08:00 h. Hai que estar na estación de autobuses un cuarto de hora antes da saída.
       
- Chegada a Madrid sobre as 15:45 h.
ALBERGUE: MAD HOSTEL C/Cabeza, 70-74   Madrid Teléfono: 91 506 48 40

MARTES 8 MAIO
 
- Mañán: Paseo pola cidade
- 16:00 h - Visita temática guiada ao Museo de Arte Thyssen-Bornemisza.

MÉRCORES 9 MAIO

- 13:00 h - Visita guiada ao Museo Nacional de Ciencia y Tecnología.


- 19:00 - Asistencia como público ao programa de televisión “El Intermedio” do alumnado de máis de 16 anos con Ana. Cine os menores de 16 anos con Teté.

XOVES 10 MAIO

- 10:00 h – Visita libre con audioguías ao Museo do Prado.

- 17:00 - Visita guiada ao Museo Nacional Centro de Arte Reina Sofía.


- Paseo por Hortaleza, Fuencarral, Chueca e Malasaña.

VENRES 11 MAIO

- 10:00 – Visita guiada a exposición antolóxica de Marc Chagall na Fundación Caja Madrid.

- Saída autobús AUTO RES de Madrid ás 17:00 h 
- Chegada a Pontevedra sobre as 00:30 h.

Distribuir contido