Escolares
TEI. Titoría Entre Iguais
Enviado por admin o Dom, 06/11/2016 - 19:39O martes día 8 ás 10,30h. acto den entrega de carnets do proxecto TEI.
Roteiro Castelao
Enviado por admin o Mar, 01/12/2015 - 20:05
En Pontevedra con Castelao
O alumnado de 4º ESO desprazarase este xoves día 3 ata Pontevedra para saber máis
deste insigne persoeiro da cultura galega, cuxa obra deben estudar no presente
trimestre. Visitarase o espazo Castelao do Museo de Pontevedra, que tanta relación
ten co rianxeiro, onde terán a oportunidade de realizar actividades a partir da súa
obra gráfica. Máis tarde e acompañados por un guía do Concello, efectuarase o
Roteiro Castelao, o cal consiste nun paseo pola parte histórica da cidade visitando
todos aqueles lugares relacionados con este pontevedrés de adopción.
CHARLA "NAVEGA CON RUMBO"
Enviado por admin o Xov, 12/02/2015 - 08:35O día 23 de febreiro de 2015 teremos dúas charlas informativas impartidas por un enxeñeiro informático para explicarlles aos alumn@s a utilización responsable e segura de internet.
Os alumnos de 1º e 2º da ESO asistirán en horario de 12,45 ata 13,35h.
Os alumnos de 3º e 4º ESO asistirán en horario de 13,35 ata 14,25h.
Magosto 2014
Enviado por admin o Dom, 09/11/2014 - 08:01o vindeiro luns día 10 de novembro celebraremos o magosto.
Os alumn@s de 4º da ESO serán coma sempre os encargados de facer os preparativos e asar marabillosamente as castañas que cada un de nós levaremos ao instituto.
Contando contos aos cativos
19 de decembro de 2011
O luns 19 cinco alumnas do instituto foron a contarlles uns contos aos cativos de 3 anos do CEIP A Pedra.
Susana López Romero e Ángela Villanueva González contaron 2 contos: "A vaca que puxo un ovo" e "Lobo Buzú está namorado"
Iria Rosas Regueira e Lucía Fernández Amoedo contaron 2 contos : " O incrible neno devorador de libros" e ¿Onde perdeu Lúa a risa?
María Mercedes Pretel González contoulles o conto : " Aínda nada?"
No segundo trimestre voltaremos con máis historias para contarlles.
SEMANA BRANCA EN VALGRANDE-PAJARES
Os alumnos/as de 2º da ESO estivemos gozando da neve na estación asturiana de Valgrande-Pajares. Tamén viaxamos un día ata Oviedo e outra tarde fomos ao museo da minería na localidade asturiana de "El Entrego".
CONCURSO CARTAS DE AMOR
O AMOR chegou ao Illa de Ons en forma de carta, onde as rapazas e os rapaces expresaron a intimidade dos seus sentimentos, e de declaracións que lle dedicaron aos amores, reais ou imaxinarios.
O AMOR foi o eixo que moveu o concurso de expresión escrita máis participativo do ano. Moreas de textos orixinais e creativos, merecedores de premios, dos que só 3 persoas de cada categoría foron as gañadoras dos regalos: Aida Queimaño e Aida Carballo de 3º B e Sara Menduíña de 2º B na categoría de cartas de amor. Verónica Chapela de 1ºA, Ángela Villanueva de 1ºB e Laura Rial de 1ºA na categoría de declaracións de amor. PARABÉEENS.
Proxecto Abalar
O IES "ILLA DE ONS" forma parte do Proxecto ABALAR
Unha estratexia global e integradora
O proxecto ABALAR ten a súa orixe na palabra celta "Abal", que significa mazá, a froita da sabedoría, e no termo galego "Abalar" para transmitir a mensaxe de promover e facilitar o movemento, o cambio e a transformación na educación.
ABALAR é o proxecto que substancia a estratexia para a integración plena das TIC na práctica educativa en Galicia, como unha das áreas prioritarias de intervención da Consellería de Educación e Ordenación Universitaria.
ABALAR inclúe e integra todas as iniciativas no ámbito educativo, xuntando os esforzos cara á modernización e mellora da educación como parte da estratexia transversal do Goberno galego de promoción das TIC a todos os sectores da actividade, recollida no marco da iniciativa de modernización egoberno2013.
ABALAR recolle, suma e incrementa os recursos existentes para acadar a resposta integral e de futuro do Goberno galego aos retos que presenta a educación dos nosos nenos na sociedade dixital do século XXI.
ABALAR organizará os recursos existentes cara a acadar o aproveitamento efectivo dos contidos dixitais existentes nas redes nuns centros educativos cada vez máis preparados tecnoloxicamente.
ABALAR é unha estratexia educativa global e integradora, definida con obxectivos claramente determinados para maximizar o aproveitamento dos recursos na mellora das competencias da nosa cidadanía, que coordina e impulsa un cambio de modelo educativo en Galicia apoiado na formación do profesorado e na modernización do ensino.
O proxecto ABALAR persegue un salto cualitativo e cuantitativo no modelo educativo galego, co fin de mellorar a súa eficiencia nun proceso de modernización,
integrando as tecnoloxías da información e da comunicación en todos os ámbitos educativos
O proxecto busca maximizar o aproveitamento dos recursos, coordinar e impulsar un cambio no modelo educativo apoiado na formación do profesorado e a modernización do ensino que suporá a conversión dos colexios e institutos galegos en centros educativos dixitais.
O proxecto ABALAR, liderado pola Consellería de Educación e Ordenación Universitaria, levará a cabo un proceso de cambio no que converxerán de forma coordinada e aliñada os seguintes eixos sobre os que se desenvolve o proxecto:
A estratexia do proxecto ABALAR xira arredor do concepto de centro educativo dixital. O centro educativo dixital supera o concepto de centro educativo tradicional e persegue dispor de recursos humanos e pedagóxicos, así como de infraestruturas e servizos axeitados para o uso cotián da tecnoloxía por parte de todos os axentes da comunidade educativa, na actividade docente, de aprendizaxe e administrativa.
Como elemento fundamental do novo modelo educativo que expón o Proxecto ABALAR, dotarase ao profesorado, así como ao resto da comunidade educativa de contidos e recursos educativos dixitais.
- Facilitando o desenvolvemento de novos modelos pedagóxicos e a incorporación dos últimos avances tecnolóxicos na educación.
- Aproveitando as mellores prácticas desenvolvidas nos centros máis avanzados, pondo en valor todo o traballo e coñecemento do profesorado galego.
- Fomentando o espírito colaborativo e participativo dos docentes para establecer unha comunidade de desenvolvemento de contidos propios.
- Pondo en marcha un repositorio de información que se alimentará con contidos internos e externos á Xunta de Galicia, tanto públicos como privados e totalmente integrados no espazo ABALAR.
