O comezo nun deporte novo non adoita ser doado. E iso é o que lles está a pasar ó alumnado de 2º co bádminton. A moit@s cústalles atinar coa raqueta nese chisme tan curioso que parece unha pelota con saia. Paciencia, nun par de días estará dominado.

Que o profe veña co teu exame corrixido é unha cousa, pero que cada quen teña que atopar o seu exame na outra punta do ximnasio e vir de volta axiña antes que os demais porque o último "paga prenda"...iso xa é outra cousa!! E se non que llo digan a estes de 1º !!

O alumnado de 4º entra na fase final da unidade adicada á escalada. Despois de traballar en espaldeiras e no rocódromo baixo, agora toca aplicar todo o aprendido. Nesta primeira foto poñen os arneses e aplican o "double check" que ven sendo que cada un revisa o seu arnés pero tamén o do outro (vamos, que catro ollos ven máis que dous...)

Nesta outra podedes ver a Geovanni  descendendo despois de chegar arriba sen dificultades

O alumnado de 1º segue a traballar duro co floorball (variante do hóckey) e pouco a pouco a cousa vai funcionando. Aquí os tedes quentando un pouco no comezo da sesión.

Bueno pois unha vez máis tivo lugar o noso tradicional torneo de tenis de mesa. Nesta ocasión baixo unhas fortes medidas de participación no que a protocolo COVID se refire: raquetas particulares que non se prestan, desinfección de mans antes e despois de participar, etc. Desta volta non tivemos moita participación, pero si moita calidade. Os participantes foron: Adrián Davila, Pepe Blanco, Ángel Glez., Breixo Estévez, Óscar Veiga, Diego Fdez., Sandro García e Mateo Santomé. Despois dunha primeira e segunda rondas moi desputadas, a clasificación final quedou así:    

1.      Mateo
2.      Diego
3.      Sandro
4.      Breixo

Aquí queda unha foto para que non se diga

PREMA NO ADXUNTO PARA ACCEDER.

PREMA NO  ADXUNTO PARA ACCEDER.

Este curso repetimos xornada de xogos populares. Ó longo do día 7 de novembro estivemos xogando cos trebellos  que Manolo Otero e os seus compañeiros nos trouxeron. Aquí tedes algunhas fotos

Os pasados días 10 e 11 de xuño tivo lugar unha nova actividade do departamento de E.F. Ó remate das clases do venres 10, subimos a Chans xunto cos alumnos de 6º de primaria dos coles de Beluso, Cela, A Pedra e Ardán que o vindeiro curso compartirán instituto con nós. Alí xantamos e comezamos a andaina que nos había de levar polos montes do Morrazo pasando polo monte Paralaia e tamén por Ermelo. Dende alí baixamos pola beira do río Bispo ata chegarmos ó instituto. Aquí tedes algunha foto:

Pero o conto non rematou aí. Unha vez no instituto quedamos a pasar a noite nel !! Preparamos todo no ximnasio, duchámonos, ceamos e trouleamos ata as dúas e media da noite (a algúns aínda lles pareceu pouco). Era curioso ver o ximnasio convertido nun campamento. Mirade, mirade:

Pola mañá, despois de almorzar na sala de entrada do insti convertida en comedor, tivemos xogos populares. Non estivo nada mal...

En fin, pasámolo ben, e démoslle outro uso ó insti. Para rematar aquí vai unha foto dos alumnos do ILLA DE ONS que participamos. MENUDA TROPA!!

O pasado 3 de maio fixemos disfrutamos dunha nova andaina co alumnado de 1º ESO. Nesta ocasión comezamos en Vilanova-Aldán, subimos ó Facho de Donón e continuamos ata Cabo Home onde nos dimos o  1º baño da temporada na praia de Melide e xantamos no pinar.

Unha boa xornada  na compaña da boa xente do IES ILLA DE ONS.

Penúltima andaina do alumnado de 1º deste curso. Aínda queda unha máis, e será a mellor!!!