24 de febreiro #RosalíaTe

Resultado de imagen de #ROSALÍATE
 

     Para conmemorar o 24 de febreiro, Día de Rosalía de Castro, a Biblioteca do IES Illa de Ons e o Equipo de Dinamización Lingüística sumáronse á proposta da Asociación de Escritoras e Escritores en Lingua Galega (AELG) para os centros de ensino galegos. A actividade consistiu na gravación dun "reto do manequín" no que participou o alumnado de 1º e 3º ESO, posando en parellas de titores/as e titorandos TEI (titoría entre iguais). Tamén o profesorado e o persoal non docente colaboraron nesta iniciativa, así como as voluntarias da biblioteca de 2º e 4º ESO que deseñaron as poses e o percorrido da gravación. A voz que escoitamos no vídeo é de Ana Vilas, alumna de 4º ESO.

     Moitas grazas a todos/as pola vosa participación!

  

 

     Se queres coñecer outras actividades relacionadas coa Biblioteca do centro, entra no noso CADERNO DE BITÁCORA.

Programa Revitaliza

21/02/2017 09:40
22/02/2017 11:20
Etc/GMT+1

O martes 21 e o mércores 22, levaremos a cabo co alumnado de 1º, 2º e 4º ESO o programa Revitaliza da Deputación de Pontevedra.

O programa Revitaliza, conleva unha charla formativa sobre a compostaxe e a montaxe  e posta en marcha dun composteiro no propio centro.

TEI - XINCANA DE NADAL

     O día 20 de decembro organizamos no noso centro unha xincana na que participaron os alumnos e alumnas de 1º e 3º ESO. Esta actividade forma parte do programa TEI, Titoría entre Iguais, que estamos a desenvolver no noso centro. Os alumnos e alumnas participaron nas diferentes probas en parellas, cada titor/a de 3º ESO co seu titorizado/a de 1º ESO. O alumnado de 2º ESO foi o encargado de supervisar a correcta realización das probas e a anotación das puntuacións obtidas por cada parella.

     Para repoñer forzas, ao finalizar a xincana puidemos degustar un chocolate quentiño feito por Diego.

     No seguinte vídeo podedes ver un resumo desta xornada:

TALLERES SOBRE PREVENCIÓN DE DROGAS

15/02/2017 11:55
15/02/2017 12:45
Etc/GMT+1

TALLERES SOBRE PREVENCIÓN DE DROGAS

 

 

O xoves 12 de Xaneiro comezarán no centro uns talleres sobre prevención de drogas. Serán un total de cinco talleres, na hora de titoría,  dirixidos ao alumnado de 1º de ESO e impartidos pola Asociación Rexurdir. 

A través dos mesmos preténdese facer reflexionar ao alumnado sobre o concepto que teñen das drogas, aclarar as dúbidas ao respecto, estimular a súa capacidade crítica, que sexan conscientes da influencia da presión social...todo isto coa finalidade de desenvolver a capacidade de tomar decisións de forma autónoma e introducilos nas técnicas de persuasión para evitar situacións de risco coas que non estén de acordo.

 

Guía de lecturas recomendadas EDL do Morrazo

Guía de lecturas recomendadas EDL do Morrazo

CULTURGAL 2016

01/12/2016 18:26
Etc/GMT+1

http://ocioengalicia.com/pontevedra/wp-content/uploads/sites/3/2013/10/Culturgal-17.jpg

 

WEB CULTURGAL 2016

XIV CONCURSO DE CARTEIS "CONTRA A VIOLENCIA DE XÉNERO"

01/12/2016 06:42
Etc/GMT+1

 

Día Internacional da Non Violencia contra a Muller

Co gallo da Conmemoración, do día 25 de Novembro de 2016, Día Internacional da Non Violencia contra a Muller, un ano mais, participamos no concurso de carteis sobre "A Violencia de Xénero" organizado polo Centro de Información ás Mulleres.

Os carteis feitos polo alumnado están espostos no centro e un deles recibiu unha mención especial, foi o de Antía Novas Arribas, que cursa 1º de ESO.

 

                                                                                        

                                                                                           

 

O día 25 de Novembro asistimos a unha concentración silenciosa diante do Concello e logo no Centro Social do Mar foi a entrega dos premios aos gañadores/as.

 

25 de Novembro contra a violencia de xénero.

24/11/2016 10:30
24/11/2016 13:30
Etc/GMT+1

DÍA 25 DE NOVEMBRO


Actos IES ILLA DE ONS


 CONTRA  A VIOLENCIA DE XÉNERO

. Alumnado 1º ESO de 10,30 -11,20h. Saída  actividade conxunta co IES Johan Carballeira  actos do 25 novembro contra a violencia de xénero.

. Alumnado de 4º ESO  (programa de radio),audición musical durante o recreo con cancións referentes a temática da violencia de xénero..


. Alumnado de 1º e 2º ESO  12-12,45h (a duración é aproximada) no salón de actos acto contra a violencia de xénero.

. Alumnado de 3º e 4º ESO  12,45-13,35 (a duración é aproximada) no salón de actos acto  contra a violencia de xénero.

. Entrega premios concurso carteis CIM de Bueu no Centro Social do Mar de 11,20-13h. Asistirán 3 alumnas do centro acompañadas pola orientadora Silvia Paz.

 

II Maratón Fotográfico San Martiño de Bueu

     A Biblioteca do IES Illa de Ons e o Departamento de Educación Plástica e Visual queren animar a toda a Comunidade Educativa a participar no II Maratón Fotográfico do San Martiño de Bueu, convocado polo Concello dentro das actividades programadas para estas festas. No CADERNO DE BITÁCORA da Biblioteca podedes acceder ás bases desta convocatoria e a outras novas de interese.

XORNADA DE XOGOS POPULARES

07/11/2016 21:51
Etc/GMT+1

Este curso repetimos xornada de xogos populares. Ó longo do día 7 de novembro estivemos xogando cos trebellos  que Manolo Otero e os seus compañeiros nos trouxeron. Aquí tedes algunhas fotos

Distribuir contido