Froita fresca tódolos días no IES ILLA de ONS

Neste curso 2018-2019 o IES ILLA de ONS participa na campaña de axudas

de froita escolar,desenvolvida pola Consellería de Medio Rural ( SERVIZO DE SECTOR LÁCTEO E

MERCADOS AGRÍCOLAS. FONDO GALEGO DE GARANTÍA AGRARIA).

 Concedéusenos ó centro participar no segundo período da campaña, e durante este mes

de maio nos recreos o alumnado poderá tomar froita variada (plátanos, peladillos,

mandarinas, mazás, fresas, cereixas, melocotóns ...).

 

 

Descubrindo o Sendeiro Litoral de Bueu

11/04/2019 18:48
Etc/GMT+1

 

Bueu, 11 de abril de 2019. O alumnado de 1º de ESO do IES Illa de Ons de Bueu participou hoxe nunha actividade de educación medioambiental ao longo de toda a mañá, percorrendo o Sendeiro Litoral de Bueu e descubrindo algúns dos seus fabulosos tesouros.

A actividade iniciámola na praia de Agrelo, onde realizamos observacións e medicións na zona intermareal, a duna e a vexetación propia deste hábitat, así como fomos descubrindo algunhas das características dos seres vivos que o habitan. A continuación, e despois de merendar, todos nos diriximos á zona de Pescadoira e logo ao Museo Massó, onde asistimos á proxección dun vídeo e a unha visita guiada. Finalmente, xa na praia da Banda do Río, realizamos unha recollida e identificación de residuos de orixe humana, que logo foron depositados en colectores de lixo. Foron máis de seis quilómetros e medio, toda unha maratón...

Quedounos moito por ver e por facer, así que haberá que repetir!!!

(Redacción: Xoán, lingua galega; Fotos: Anxo, lingua galega; e José Almendral)

 

 

 

 

 

 

 

Hackatón en Silleda

A Asociación Galega de Reporteiros Solidarios volveu escoller Silleda para celebrar o seu hackaton con alumnos de cinco institutos galegos. Un hackaton é un evento colaborativo, un intercambio de ideas, que se realiza nun curto espazo de tempo. O de onte durou pouco máis de sete horas e permitiu que un centenar de rapaces dese renda solta á súa creatividade para deseñar memes, gifs e outros elementos moi usados en internet cos que poder combater as noticias falsas e os discursos xenófobos que circulan nos últimos tempos polas redes sociais.

Enlace RTVG

Enlace Faro de Vigo

ACTOS DÍA 11 DE MAIO CONMEMORATIVOS DO DÍA INTERNACIOAL DA MULLER.

hOXE 11 DE MARZO DE 2019 NO SALÓN DE ACTOS DO CENTRO SOCIAL DO MAR, O NOSO CENTRO FOI O ENCARGADO DA REPRESENTACIÓN QUE ESTE ANO XIROU EN TORNO Ó MUSICAL " OS MISERABEIS" QUE ESTAMOS DESENROLANDO NO CENTRO.

AS FOTOS SEGUINTES SON UNHA PEQUENA MOSTRA DO NOSO TRABALLO.

8 de marzo en Bueu: A loita feminista.

O día 8 de marzo houbo una concentración en Bueu na praza do concello, onde participou activamente a Comunidade Educativa do noso centro.

 

 

Homenaxeando a Rosalía...

O alumnado de 3ºA, mediante un recital de poemas e textos da autora, e o alumnado de 4ºC, coa realización dun vídeo creado na aula Chroma, homenaxean á autora máis importante da nosa literatura galega e a autora romántica por excelencia.

Bueu, 25 de febreiro de 2019. Redacción.

Ademais dos textos lidos polas alumnas e alumnos de 3ºA, aproveitamos a xornada para reivindicar a figura de Rosalía lendo o manifesto que publicou Ana Romaní para a AELG e que vos reproducidos a continuación. Máis abaixo, engadimos o enlace ao vídeo protagonizado polo alumnado de 4º C.

Manifesto da Asociación de Escritoras e Escritores en Lingua Galega no Día de Rosalía de Castro 2019

*Manifesta que escribe, escribe, escribe. E a escritura é unha acción.

*Manifesto eu que escribir ela así no seu tempo é unha acción contra os grillóns da escravitude. Libre o seu pensamento

*Manifesta o poema

o espolio                     dunha perenne miseria,

as violacións                a roupa de cote puñéronma en tiras,

a inxustiza social          sin abrigo tembra,

os desafiuzamentos      embargaránnos todo,

o abuso laboral            que se amargo pan vos ganan / dádesllo envolto en veneno

os éxodos                    en errantes hordas.

Do XIX ao XXI

*Manifesto eu que un poema con palabras da lingua que eu falo –que non é aquela que bastardean nas mais ilustradisimas provincias– aínda hoxe é un Manifesto. A miña infeliz patria tan desventurada

*Aqués que tén fama de honrados na vila. Galicia. Ano 2017. 82 agresións sexuais

raposos de sangre maldita. Galicia. Ano 2017. 6436 denuncias por violencia de xénero

vendéume a xusticia. manda, manda, manda, fato, rabaño

Dun golpe!

                                – Manifesta acción o poema

*Na xa vella baranda un corpo fala. Arrima o seu seo e no frío da reixa tatúa incisións. Traspasa as nosas carnes.

*Estas migallas de liberdade. Alertou. Tenteamos nós compracentes os rostros que nos cegan.

*Aquelas escuras e valerosas heroínas que viven e morren levando a cabo feitos marabillosos por sempre ignorados. – Manifesta que existen

*De humanos seres a compauta linea polas fronteiras pechadas en columnas nómades, en fronte o arame.

Do XIX ao XXI

*Escrito en medio de todos-los desterros. Manifesta que sabe que non a escoitan

*Do meu dor sin igual i a miña afrenta traidora se mofaban. Prende o computador, algún dispositivo. Ladran.

*Manifesta que o poema é o lugar onde a voz afía a sombra.

*Indóciles nos camiños desertos eses versos.

*Cantos de independencia e liberdade. Manifesto.

*Acción que se inunda e anega. Cantarte hei

Ana Romaní

Asociación de Escritoras e Escritores en Lingua Galega (AELG)

#LibreOMeuPensamento_rdc_19

 

Alumnado participante na lectura pública:

Paula Fernández

Carla Moital

Antía Novas

Diana Ogando

Alejandro Pérez

Alba Porto

Sara Soliño

Sheila Verde

 

A seguir, amosamos o vídeo creado polo alumnado de 4º C na Aula Chroma do noso instituto en homenaxe á nosa grande autora:

 

ADMISIÓN DE ALUMNADO EN CENTROS DOCENTES SOSTIDOS CON FONDOS PÚBLICOS

Curso 2019/2020

 IMPORTANTE:

No caso de separación ou divorcio, as solicitudes terán que asinalas os dou proxenitores, agás no caso no que a patria potestade estea atribuía exclusivamente a un deles. 

XUNTAR COA SOLICITUDE A SEGUINTE DOCUMENTACIÓN:

 

·        Copia do DNI do alumno ou alumna

·        Copia do libro de familia

·        Certificación de matrícula do centro de orixe

·        No caso de separación ou divorcio, resolución xudicial correspondente

Prazo de presentación da solicitude: do 01 ao 20 de marzo de 2019

Enlace coa páxina oficial: Admisión alumnado

Pódense descargar os arquivos adxuntos a continuación:

Información provisional de prazas vacantes:

 

Curso

Prazas
ofertadas

Permanencias
reservas

Vacantes

1º ESO

60

39

21

2º ESO

60

33

27

3º ESO

60

35

25

4º ESO

60

27

33

 

 

 

O 25 de Novembro no IES ILLA de ONS

Dúas representacións, a primeira dirixida ao alumnado de 3º e 4º ESO, e a segunda dirixida ao alumnado de 1º e

2º de ESO.

Comezo do obradoiro EpDlab en 2º ESO.

 

 

Chegou o outono e, con el, arrinca a cuarta edición do Laboratorio de Educación para o Desenvolvemento (EpDLab), un proxecto de innovación educativa deseñado e desenvolvido polo equipo técnico de Agareso, financiado por Cooperación Galega. No mes de setembro tivemos a primeira xuntanza co profesorado participante e xunto a eles comezamos a definir o calendario de actividades e démoslles forma ás principais novidades desta edición.

Este mércores 31 de outubro no noso centro tivemos o primeiro obradoiro dirixido polo técnico de Agarexo, Roi Guitián.

Noraboa!!!

 

E é que unha parte fundamental do EpDLab son os centros educativos que participan nel. O IES O Milladoiro (Ames) e o IES Carlos Casares (Viana do Bolo) forman parte do proxecto dende a súa primeira edición, o IES Pintor Colmeiro (Silleda) sumouse na segunda, o IES Castro Alobre (Vilagarcía de Arousa) na terceira e o IES Illa de Ons (Bueu) incorpórase este ano. Todos eles son parte deste traballo e dos seus resultados, grazas ás súas achegas e á súa implicación.

 

Neste sentido, non queremos esquecer tampouco o papel doutros centros que pasaron por aquí, como os IES A Cachada (Boiro), A Sangriña (A Guarda) e Johan Carballeira (Bueu) e profes como Ana, Javier ou Gisela. Do mesmo xeito, ao outro lado do océano, o Politécnico de Tecoluca ou a Escola da illa de Montecristo, en El Salvador, que facilitaron a participación de grupos de alumnas e alumnos que, a través das videocartas, enviaron e recibiron mensaxes para traballar o diálogo intercultural. E temos un recordo especial para o CPI Navia de Suarna, que foi o lugar que inspirou este proxecto e que foi o centro no que puidemos experimentar, xogar, deseñar e intercambiar experiencias ata chegar ao proxecto que xa coñecemos.

 

A nosa idea inicial foi traballar na reflexión sobre a desigualdade social dende unha perspectiva mediática. Queríamos coñecer a visión da rapazada galega tendo en conta a diversidade de contextos socio-económicos do país, e queríamos incluír a visión de aquelas poboacións máis afastadas dos centros urbanos, as comunidades pequenas que poucas veces son representadas nas narrativas maioritarias. A partir de metodoloxías de acción-investigación, desenvolvemos esta tarefa usando apps, ferramentas de creación dixital e contidos dos medios de comunicación; en paralelo, traballamos a alfabetización mediática, o pensamento crítico, a comunicación inclusiva e a creatividade, co obxectivo principal de formar á cidadanía do futuro na denuncia da desigualdade, na loita pola xustiza social e na participación activa.

 

Máis de 300 persoas pasaron xa polas distintas accións que componen este proxecto. Ademais dos 9 obradoiros (un ao mes) que se fan coa rapazada galega, o EpDLAB inclúe tamén unha formación dirixida ao profesorado e integrada na oferta do CAFI. Tamén publícase a Guía Didáctica, que pode ser consultada dende a web do proxecto e que conta con máis de 100 descargas. Cada ano, os grupos participantes elaboran un Mural Común de Coñecementos que se colga nas paredes dos seus centros para expoñer as súas conclusións e os seus traballos. E dende o pasado curso, celebramos tamén un encontro intercentros, baixo o formato de #Hackathon, onde alumnado e profesorado traballan na creación dun produto concreto (o curso 2017-18 elaborouse o DiversaKit, unha serie de recomendacións para coidar a diversidade en tres eidos: a escola, a comunidade e os medios).

 

 Se queredes seguir o noso día a día neste proxecto, botádelle un ollo á web e seguide as contas xestionadas polo alumnado participante. Son: @epdlabsilleda (Twitter e Instagram) | O Choupín Dixital (Facebook) @epdlabviana (Instagram) | @epdlabbueu (Twitter e Instagram) | @epdlabmilladoiro2 (Twitter e Instagram) | @epdlabvilagarcia (Twitter e Instagram)

 

Inicio do curso 2018/2019

11/09/2018 18:37
Etc/GMT+1

Inicio do curso 2018/2019:

Xornada de presentación o vindeiro luns 17 de setembro dende as 12:30 ate as 13:30 h.

Daranse a coñecer a composición dos grupos e das titorías.

Haberá transporte escolar que recollerá ao alumnado nas paradas habituais con, aproximadamente, media hora de antelación.

 

O martes día 18 comezarán as clases coa xornada oficial de 08:50 a 14:25 h.

Distribuir contido