Xornada de fútbol

Enviado por admin o Xov, 28/04/2022 - 06:15

Alumnado admitido para o curso 2022/2023

Enviado por Secretaría o Lun, 25/04/2022 - 05:24

Comunicamos que foi admitido todo o alumnado que presentou a solicitude de admisión para a ESO para o vindeiro curso 2022/2023.

A listaxe provisional de admitidos pode consultarse no taboleiro de anuncios da Secretaría do centro ou a través da aplicación https://www.edu.xunta.gal/admisionalumnado empregando, neste caso, a Chave365 ou certificado dixital.

Contra esta listaxe pode interpoñerse reclamación na secretaría do centro do 25 de abril ata o 29 de abril incluído.

 De non haber reclamacións, esta listaxe pasará a ser definitiva. A impugnaión desta lista definitiva poderase realizar mediante recurso de alzada ante a Xefatura Territorial de Pontevedea da Consellería de Cultura, Educación e Universidade.

( categories: )

EXPLORANDO OS MUNDOS VIRTUAIS

Enviado por soniarosales o Xov, 20/01/2022 - 12:54

PROXECTO D'TEC: "EXPLORANDO OS MUNDOS VIRTUAIS"           CIS Tecnoloxía e Deseño – innovar es crecer

As tecnólogas e tecnólogos de 4ºESO achegarónse á realidade aumentada (AR) e á realidade virtual (VR) grazas á participación no proxecto educativo "Explorando os mundos virtuais" desenvolvido polo CIS de Ferrol.

Foi un proxecto eminentemente práctico, no que o alumnado pasou de ser usuario a ser creador. Familiarizámonos con moitas aplicacións e a plataforma Cospaces foi a principal protagonista do proxecto.
O CIS cedeunos un kit composto por licenzas de programas, lentes VR para integrar os móbiles, camisetas e Merge Cubes.

O alumnado foi quen de crear un mundo espacial, unha peceira, unha casa chea de vida, unha visita virtual a distintos espazos do instituto ou de facer un Book Report dun dos seus libros favoritos empregando ferramentas de AR e VR. 

 @Xunta @galiciacrece @axenciaGAIN #programaDtec #MundosVirtuais

( categories: )

Conferencia "La inteligencia artificial no es ciencia ficción"

Enviado por soniarosales o Xov, 09/12/2021 - 16:34

O alumnado de 4º ESO asistiu, o xoves 9 de decembro, á charla “La inteligencia artificial no es ciencia ficción" no salón de actos do instituto, impartida por Amparo Alonso Betanzos, catedrática da Área de Computación e Intelixencia Artificial da Universidade de A Coruña, coordinadora do grupo LIDI (Laboratorio de I+D en Intelixencia Artificial) e presidenta da Asociación Española de Intelixencia Artificial.

Da colaboración entre a Real Academia Galega de Ciencias (RAGC) e a Deputación de Pontevedra xurde a II Edición do Ciclo de Conferencias Aida Fernández Ríos. Neste ciclo de conferencias nos centros de ensino, que pretenden difundir ciencia e tecnoloxía, abórdanse distintas temáticas con repercusión na sociedade, ademais de promover o enorme traballo científico levado a cabo en Galicia. 

 

( categories: )

Visita Parque Arqueolóxico de Campo Lameiro.

Enviado por admin o Mér, 13/10/2021 - 04:29

 

Saída ao Parque Arqueolóxico de Campo Lameiro.
Alumnado de 1º da ESO.

  • Obradoiro 1 sobre a metade silenciada: As mulleres na Prehistoria.
  • Obradoiro 2 sobre a caza na Prehistoria.
  • Visita á reconstrución dun poboado da Idade dos Metais.
  • Visita aos petróglifos que se conservan na contorna do parque.
  • Roteiro.


Profesorado acompañante: Diana,Toño e máis Olalla.

( categories: )

A HORTA DO INSTITUTO

Enviado por admin o Mar, 07/09/2021 - 10:49

Hoxe martes 7 de setembro de 2021 fixemos a 3ª entrega de produtos da horta ao Comedor Social de Cangas.

En total entregamos 72,3 Kg de calabacíns, 101 kg de cabazas, 5 kg de tomates, 10 kg de pexegos e 1kg de pementos.

Seguimos producindo. Parabéns ó alumnado que traballou arreo na plantación e mantemento da horta durante o curso escolar.

 

 

ACTIVIDADES REMATE DO CURSO ESCOLAR.

Enviado por admin o Xov, 17/06/2021 - 17:21

Proxecto #SonMonte

Enviado por admin o Dom, 02/05/2021 - 12:32

 Desde a Biblioteca queremos compartir convosco "SonMonte". O monte na memoria colectiva e #SonMonte. E ti que pintas no monte?, dúas creacións audiovisuais realizadas no noso centro co alumnado de 1º ESO, que resumen un fermoso proxecto interdisciplinar, artellado a partir da valorización do monte como patrimonio cultural.

    Para levalo a cabo, os departamentos de Xeografía e Historia, Bioloxía e Xeoloxía e Educación Plástica Visual e Audiovisual, coa colaboración do equipo da Biblioteca, Dinamización Lingüística, a dirección e demais profesorado do centro, planificaron diferentes bloques de actividades que foron desenvolvidos ao longo dos dous primeiros trimestres do curso: #CantaroMonte, baseouse na procura e interpretación de cantigas populares galegas, #TocaroMonte centrouse na exploración e creación de sons da natureza, #PensaroMonte botou man de rutinas de pensamento coas que o alumnado creou lemas de concienciación social, #CoñeceroMonte focalizou as súas actividades na elaboración dun caderno de campo e en diferentes charlas científicas, #FotografaroMonte e #DebuxaroMonte procuraron o rexistro visual e a interpretación artística das formas e cores atopadas nos distintos roteiros realizados pola contorna.

     Con todo o material traballado elaboráronse as dúas creacións audiovisuais, #SonMonte. O monte na memoria colectiva, que deixa patente, fundamentalmente, o traballo feito coas fontes orais e a creación de sons da natureza e #SonMonte. E ti, que pintas no monte?, unha animación a modo de cadáver exquisito, na que se reflicte o traballo feito polo alumnado nos cadernos de campo.

     Agardamos que vos gusten!

https://youtu.be/yeDX8J1UkYI  ( PREMA NA LIGAZÓN PARA VISUALIZAR O VIDEO)

https://youtu.be/llu23UQoUnY  ( PREMA NA LIGAZÓN PARA VISUALIZAR O VIDEO)

 Para a realización deste proxecto, os departamentos implicados contaron coa colaboración de moita xente que aportou información, letras de cantigas, gravacións... A Martiño Malleiro, Teresa Domínguez Domínguez, Felicitas San León Martín, Jesús Rodríguez Rodríguez, Francisco Abollado Fernández, Ana Justo e a todos os familiares do noso alumnado, queremos agradecer a súa xenerosidade polas achegas que fixeron posible este traballo.

Aí vén o maio!

Enviado por admin o Dom, 02/05/2021 - 12:26
01/05/2021 16:14
03/05/2021 23:59
Etc/GMT+1

 Aí vén o maio!

    Iste ano a petición do Concello fixemos un maio no noso centro.

Na praza do concello estiveron todos expostos.

 

 

IV Gala dos Premios á Xuventude - Deputación de Pontevedra

Enviado por Secretaría o Lun, 21/12/2020 - 07:00

O sábado día 19 celebrouse a IV Gala dos Premios á Xuventude no Pazo Provincial da Deputación de Pontevedra. Os Premios á Xuventude premian os traballos presentados en oito categorías distintas por mozos e mozas da provincia de entre 16 e 35 anos, aínda que no caso do apartado de Educación en Valores están dirixidos especificamente aos centros educativos. Nesta edición o noso centro obtivo o segundo premio neste apartado.

Queremos felicitar ás alumnas e alumnos de 4º de ESO do pasado curso 2019/2020 e ao profesorado que coordinou o proxecto Podcast: "Unha historia digna de contar".

Nomeadamente queremos destacar o entusiasmo e a organización de Diana e Quique e a colaboración das familias na elaboración destes contidos que podedes volver a experimentar no seguinte enlace:

Proxecto Podcast: Unha historia digna de escoitar

Distribuir contido