A Consellería de Educación a través da Secretaría Xeral de Educación e Formación Profesional, está a realizar unha enquisa sobre a convivencia escolar entre todos os membros da comunidade educativa.

A dirección encargarase de xerar as claves de acceso para todos os membros da comunidade educativa, de xeito totalmente aleatorio, garantindo así o anonimato dos participantes.

Os destinatarios poden acceder ao cuestionario, coas claves aleatorias que se lles asinen, a través da aplicación convivenciaxestion nos seguintes links:

Alumnado BACHARELATO

    Alumnado ESO   

Familias

Persoal non docente

Profesorado

Con tal motivo enviarase ás casas das familias, a través do alumnado,a carta remitida pola Consellería con todas as indicacións oportunas, e recibirán un aviso sobre a dispoñibilidade da enquisa a través de Abalar móvil.

O alumnado de ESO realizaran a enquisa no centro.

O prazo remata o 29 de abril.

Comunicámoslles que a Consellería de Sanidade, o SERGAS, e o Colexio Oficial de Farmacéuticos da Coruña realizan, dende o 19 de abril, un cribado entre a poboación adolescente de 12 a 17 anos para a detección do COVID-19. O grupo ao que vai dirixido son cidadáns desta franxa de idade que: 

1) non tivesen resultado positivo en COVID-19 no últimos tres meses

2) Actualmente non son contactos de seguimento COVID-19

3) Non realizasen unha PCR no últimos quince días

4) non presenten síntomas de estar a padecer a enfermidade.

As farmacias de cada municipio colaborarán con esta campaña dispensando os kits de auto recollida de mostra en saliva, informando tamén sobre como realizar a toma da mostra, e como proceder para a súa posterior avaliación e resultado.

O obxectivo é a detección de casos COVID-19 en persoas que non manifestan síntomas ou estes son  inapreciables.

As farmacias adheridas colocarán un cartel da campaña en lugar visible para favorecer a identificación por parte da poboación.

Culleredo está incluída na zona de  cribado. Por tanto as persoas que estean dentro dos requisitos establecidos poderán dirixirse á farmacia máis próxima adherida á campaña e solicitar gratuitamente o cribado.

No seguinte link pódese acceder  ás FARMACIAS participantes

Estimadas familias: rematamos o primeiro trimestre mantendo un ensino presencial no que case ninguén cría cando comezamos o curso. Actualmente non temos ningún alumno enfermo de coronavirus nin en corentena. Gran parte destes bos resultados son debidos ao seu apoio e sentido da responsabilidade, cumprindo os protocolos e colaborando connosco no cumprimento dos seus fillos/as.

Queremos darlles as GRAZAS.

Que pasen un tranquilo e seguro Nadal