Comezamos a ter fotos da viaxe dos nosos alumnos de 4º ESO a Asturias e Cantabria!!

Está creado o album onde iremos engadindo as fotografías que nos fagan chegar.

Pódese acceder pulsando na imaxe.

Xa temos algunha foto que nos trouxeron á volta de Roma os nosos alumnos de 1º de bacharelato e os seus profesores!!

Creamos un album onde iremos engadindo as que nos vaian enviando.

Pódese acceder pulsando na imaxe.

O pasado 19 de xuño de 2017 tivo lugar no salón de actos do IES Ramón Menéndez Pidal (Zalaeta), a entrega de premios do concurso de creación de Apps para Android "Inventa en Galego con AppInventor", organizado por IGACIENCIA e co patrocinio do Concello de A Coruña e a Secretaría Xeral de Política Lingüística tivo lugar, no que o alumnado de 1º de bacharelato compartiu experiencias con compañeiros de Brión, Ortigueira, Vilagarcía e Ferrol, ademáis de cos anfitrións.

O noso centro obtivo o segundo premio por un conxunto de sete aplicacións. Unha delas, “Auxilia2”, céntrase nos primeiros auxilios e preséntase como unha app “coa que poderás salvar máis dunha vida”. A ela súmanse “Actividades alternativas”, centrada nas propostas de ocio que ofrece a cidade da Coruña, e 5 aplicacións relacionadas coa localidade de Culleredo: “Estudonde”, app educativa con información de colexios, institutos, academias e bibliotecas da vila; “Goce Culleredo”, con actividades didácticas ou de ocio; “Coffeeredo”, sobre bares e cafeterías; “Cómete Culleredo”, destinada a fomentar o turismo e a gastronomía, e “CulleSport”, que contén “todo o deporte de Culleredo nunha app”. 

Noraboa!!

Toda a información máis detallada no blog de Angel Acción

Baixo a dirección do seu profesor, Julián Jesús Pérez, representaron a escena final de "Sócrates", de Enrique Llovet, "La Tierra de Jauja", de Lope de Rueda e as dúas primeiras escenas do musical "Grease", de Jacobs y Casey.

Os decorados, iluminación, escenografía e vestiario, foi deseñado por os propios alumnos.

Unha experiencia didáctica e interdisciplinar.

Xa están en Londres os nosos alumnos!!

Pasadeo ben rapaces!!!

Creamos un album onde iremos poñendo as fotos que nos vaian enviando.

Pódese acceder pulsando na imaxe.

O día 25 de maio de 2017, o Departamento de Música organizou un Concerto de Fin de Curso que foi protagonizado por diversos grupos de alumnos de 3º e 4º da ESO, e mesmo por algúns alumnos do instituto que realizan estudos musicais no conservatorio.

A actividade foi acollida con moito agrado polo público asistente: alumnado, profesorado, e algúns país e nais dos nosos alumnos, que amosaron interese en que se organice para o vindeiro curso unha segunda sesión pola tarde.

Agradecemos a colaboración e o apoio do Conservatorio de Culleredo.

Premendo no cartel pódese acceder ó programa, e premendo na imaxe, a máis fotos

O 8 de maio de 2017, o departamento de música organizou unha conferencia sobre as Artes Escénicas impartida por Xosé Manuel Rabón, coñecido director de escena e deseñador de iluminación.

A actividade foi interesante cara ao alumnado asistente, xa que o conferenciante disertou sobre as semellanzas e diferencias que existen entre as diversas Artes Escénicas (ópera, teatro, ballet, cine e televisión) e aclarou dúbidas aos alumnos que as solicitaron.

Premendo na imaxe pódese acceder ás fotos.

Un ano máis, o alumnado de 3º da ESO, asistiu no noso centro a un Obradoiro de Regueifas, impartido por Luís Caruncho e Pinto d´Herbón. Estes artistas, acompañados de instrumentos tradicionais como o a zanfona, explicáronnos como a regueifa, con distintos nomes, se cultiva en diferentes culturas e países do mundo. Orixinariamente, chamábaselle regueifa á tarta ou pastel dos casamentos, e como espectáculo para divertir aos convidados, improvisábanse coplas irónicas que demostrasen a creatividade e o enxeño dos participantes. Como premio, ao gañador correspondíalle repartir a tarta, ficando así o nome de regueifa para eses desafíos poéticos imporovisados, que aínda se cultivan e perviven hoxe por Galiza adiante.

O alumnado, despois de coñecer as regras de composición das coplas, creou e cantou as súas propias regueifas. Este "aprender desfrutando", fixo, que un ano máis, esta actividade resultase moi instructiva e divertida, e serviu tamén para que o noso alumnado coñeza e aprecie a riquísima tradición oral con que conta a cultura galega.

O ENDL, coa colaboración da Biblioteca, organizou esta actividade.

Podedes ver máis fotos premendo na imaxe.