Hoxe 13 de xullo, publícanse as listaxes DEFINITIVAS de solicitudes admitidas e excluídas do préstamo de libros de texto do Fondo solidario-axudas material 2022-2023, convocado pola Consellería de Educación, para estudar no IES As Bizocas durante o curso 2022/2023. Na listaxe definitiva indícanse os libros que se prestarán a cada alumno/a. Poden consultala no taboleiro do noso centro ou por vía electrónica a través da aplicación fondolibros, empregando a Chave365 ou o certificado dixital.

Os libros ENTREGARÁNSELLE ao alumnado durante os primeiros días de clase, xunto cos vales para mercar material escolar. Estes vales entregransea aquel alumnado que cumpla os requisitos para elo.

Saúdos,

A Dirección

Está xa publicado no taboleiro de anuncios do noso centro, a listaxe provisional de solicitudes admitidas e excluidas do fondo solidario de libros, estando todas as solicitudes admitidas.

O periodo de reclamacións é de 2 días a partir do seguinte á publicación desta listaxe.

A listaxe definitiva de solicitudes admitidas cos libros asignados, publicarase antes do día 22 de xullo.

As persoas solicitantes poden consultar esta listaxe no noso taboleiro, ou tamén poden acceder por vía electrónica ao seu expediente, a través da aplicación fondolibros e empregando a Chave365 ou o certificado dixital.

A matrícula para o curso 2022/2023 levarase a cabo nos seguintes días:

- 28 de xuño: 4ºESO

- 29 de xuño: 3ºESO

- 30 de xuño: 2ºESO

- 1 de xullo: 1ºESO

O 27 de xuño, xunto coas notas, ao alumnado entregaráselle o sobre de matrícula.

Para o alumnado procedente doutros centros, que se incorpora a 1ºESO, entregaráselle o sobre na reunión do 20 de xuño, ás 18:00. De non ser posible acudir a dita reunión, poderán pasar polo centro noutro momento a recollelo.

O vindeiro luns 20 de xuño, ás 18:00, na sala de usos múltiples, farase unha reunión coas familias do alumnado que se incorporará a 1ºESO o vindeiro curso 22/23. Nesa reunión darase información sobre a organización do centro, entregaranse os sobres de matrícula e solventaranse as dúbidas que poidan ter as familias.

Trasladámoslles información da Concellaría de Servizos Sociais do Concello do Grove, que informa de que a partir do día 1 de xuño e ata o 30 do

mesmo mes estará aberto o prazo de presentación das solicitudes de axudas municipais para a adquisición de libros e material escolar do vindeiro

curso 2022-2023, dirixidas a Educación Infantil, Ensinanza Primaria e Ensinanza SecundariaObrigatoria.

Pódese consultar a versión do 20/5/2022 da adaptación ao protocolo COVID, na seguinte ligazón:

https://www.edu.xunta.gal/portaldireccion/novas/protocolo-de-adaptacion-ao-contexto-da-covid-19-nos-centros-de-ensino-non-universitario-de-1

No DOG de hoxe, 18/05/2020, publicouse a ORDE do 29 de abril da Consellería de Cultura, Educación e Universidade, que regula para o curso 2022/23:

- A participación no fondo solidario de libros de texto para todo o alumnado da ESO (en 2º e 4º ESO manteranse os libros de texto do curso 2021/22, para 1º e 3º ESO o centro adquirirá novos libros para repartir en préstamo entre o alumnado beneficiario).
- A convocatoria de axudas para adquirir material escolar destinadas a todo o alumnado da ESO.

O prazo de solicitudes vai do 19 de maio ao 22 de xuño, incluído.

Teñen toda a información nos arquivos que se achegan.

Publícase a listaxe definitiva de alumnado admitido/excluído para estudar no IES As Bizocas no curso académico 2022/2023.

Pode consultarse presencialmente no taboleiro de anuncios situado no interior do instituto ou telematicamente a través da aplicación "admisionalumnado", identificándose previamente, se a solicitude se fixo por ese medio. Infórmase de que todas as solicitudes de admisión para 1º ESO resultaron admitidas.