Skip to Content

Extraescolares

Actividades que se realizan fora do ambito académico

Las amígdalas de mis amígdalas son mis amígdalas

26/05/2017 21:00
Etc/GMT+1

Ese é o título do espectáculo de Luis Piedrahita ao que asistiu o alumnado de 1 de Bacharelato a noite do pasado venres, no teatro García Barbón, en Vigo, acompañado do profesorado Isabel Rodríguez, Juanra Torres e Carme Pernas.

Foi unha noite diferente que gozamos e que repetiriamos sen dúbida!

Visita cultural a Ourense, homenaxe a Carlos Casares, autor das Letras 2017

10/05/2017 08:00
10/05/2017 08:20
Etc/GMT+1
Grupo
Un grupo de cincuenta alumnos e alumnas pertencentes a 4º de ESO e 1º de Bcaharelato viaxaron o mércores, 10 de maio, a Ourense co gallo de resaltar a figura de Carlos Casares, autor homenaxeado no Día das Letras Galegas deste ano 2017.
Acompañados polos docentes María José Guerra, Denis Vicente e Neves Rodríguez, realizaron en primeiro lugar un roteiro literario pola cidade auriense. Neste percorrido, guiados por un experto do Concello, puideron escoitar importantes referencias e anécdotas en torno a grandes autores de Ourense: Otero Pedrayo, Vicente Risco, Blanco Amor, Méndez Ferrín e, por suposto, Carlos Casares, de quen visitaron, ademais, a exposición sita na Rúa do Paseo.
Rematado o roteiro, o Centro de Interpretación das Burgas foi a seguinte e última parada na cidade. Logo puideron comer ao aire libre e gozar dun baño nas Termas de Outariz, para finalizar esta interesante viaxe cultural en Trasalba, coa visita da fermosa casa familiar de Otero Pedrayo.

Contos do mundo: México

07/04/2017 08:10
Etc/GMT+1

México foi o país ao que viaxamos na derradeira sesión de Contos do mundo.
O pasado venres, 7 de abril, cinco alumnos de 2º de ESO C, xunto coa profesora Marisa Guerra, desprazáronse á biblioteca do CEIP A Sangriña para relatar fascinantes historias sobre a descuberta do millo ao alumnado de 3º de Primaria.

Máis información en Bibliopepiño.

Xornada de formación: mundo empresarial do mantemento de vehículos

19/04/2017 09:10
Etc/GMT+1

O pasado 19 de abril tivo lugar no IES A Sangriña unha xornada de formación para amosar aos alumnos novos procesos de traballo e oportunidades de negocio referentes ao mundo de mantemento de vehículos.

Dúas foron as actividades que se levaron a cabo.

Rubén Lopez, restaurador de motos da localidade de Mañufe, amosou aos alumnos os procesos técnicos de restauración e o difícil que é atopar profesionais cualificados para desempeñar estes labores. Tamén explicou como se realizan os procesos técnicos e o plan de empresa preciso para levalos adiante.

A segunda actividade foi impartida por un antigo alumno do Ciclo de Carrozaría, Neo Treinta, que foi o encargado de mostrar ao alumnado os segredos da técnica de hidroimpresión e as posibilidades que este traballo ten.

O alumnado gozou vendo as novidades, e o interese polas actividades foi moi alto. Estas actividades englóbanse dentro da promoción dos Ciclos Formativos do IES A Sangriña. Lembremos que o alumnado de Automoción goza dunha colocación laboral pos-titulación do 63%, conta con grande aceptación na comarca e é piar do desenvolvemento profesional do Baixo Miño.

Urban Art Project

21/04/2017 10:00
Etc/GMT+1

Urban Art Project é un proxecto interdisciplinar da Sección Bilingüe de 3º ESO do IES A Sangriña, coordinado polos profesores Beatriz Nuñez (Plástica), Alfredo Garrido (Música) e Rosana Moreira (Inglés). Ten como obxectivo implicar o alumnado na vida económico-social da súa vila a través da arte. O proxecto comprende a elaboración dun grafitti mural de benvida á Guarda e un vídeo promocional da vila, para o cal o centro conta coa axuda de Brais Martínez Villa.
No proxecto, contamos tamén coa colaboración da Concellaría de Cultura do Concello da Guarda.

Un proxecto con varias fases.

Agora, coa realización deste mural, completamos a primeira fase. Coa elaboración do graffiti completamos a primera fase do proxecto, que tivo o seguinte proceso: primeiro visitamos a ruta dos graffitis en Vigo "Vigo, cidade de cor". Acompañounos o artista Ramón Trigo, que lle explicou ao alumnado todo o proceso creativo do seu mural. O seguinte paso foi un encontro no noso centro coa concelleira de Cultura, Elena Baz, quen lle explicou a rapazas e rapaces participantes a importancia deste proxecto para o Concello e animounos a traballar con ilusión.
Agora, coa realización deste mural, completamos a primeira fase do proxecto. 

Distribuir contido


by Dr. Radut