Skip to Content

Noticias

Medicións da concentración de CO2 nas aulas.

A partir dos datos recollidos na táboa anexa, resolvemos que as medicións amosan un rango de concentración de CO2 aceptable cando medimos con portas abertas e fiestras abertas. É imprescindible manter portas abertas e fiestras abertas como norma COVID, norma que temos que respectar independentemente das condicións meteorolóxicas exteriores. Cumprindo esta norma COVID, o noso centro é seguro e garante unhas circunstancias sanitariamente aceptables.

Unha radio no instituto!

O Equipo de Dinamización da Lingua Galega quere anunciarvos que este curso académico temos moitos proxectos ilusionantes que queremos compartir. Así, contamos cunha novidade moi importante e que seguro vos gustará: unha radio no insti, Radio Trega!!
Podedes seguir as novidades desde Facebook e Instagram en dina.sangrinha.

Obras no instituto

A Xefatura Provincial da Consellería de Educación, Cultura e Universidade decidiu librar, o pasado verán, unha importante partida orzamentaria destinada á mellora da eficiencia enerxética dos centros. Este IES A Sangriña viña longo tempo reclamando un orzamento nesta liña que incidise no aforro enerxético en calefacción a través do cambio das fiestras do edificio por outras monobloque con rotura de ponte térmica. A devandita partida orzamentaria da Xefatura Territorial está deseñada para a instalación de tales fiestras polo que, a partir do 16 de novembro, as obras para a súa instalación no IES A Sangriña darán comenzo.

A instalación comportará a preparación do oco das actuais fiestras de xeito que se cree un marco onde instalar o monobloque novo. A empresa instaladora elaborou unha planificación de traballo co fin de acometer as obras respectando o uso das aulas, os traballos levaranse a termo incluso en días feriados e fins de semana. A previsión inicial é que as obras rematen antes do inicio do segundo trimestre.

Asemade, a Xefatura Territorial da Consellería de Educación, Cultura e Universidade, a través da súa Unidade Técnica, respostou a outra vella demanda da Dirección deste centro: a conversión en aulas multiusos do espazo da antiga vivenda do conserxe. Os remanentes orzamentarios da Xefatura Territorial para o exercicio 2020 serán investidos nesta reforma, o cal implica que as obras terán que acometerse antes de que remate o presente ano 2020.

Malia as molestias que toda obra conleva, e ante as que debemos ter comprensión e paciencia, teremos, ao remate, un centro máis sustentable e máis operativo.

Medicións CO2

No contexto actual é moi importante medir a concentración de CO2 nos espazos interiores e vixilar a calidade do aire para mitigar a propagación do coronavirus. Por esta razón, o Equipo Covid, co medidor cedido pola ANPA, realizou recentemente un control en varios espazos do centro. Os datos quedan recollidos na seguinte táboa. 

INFORMACION DEFINITIVA IES A SANGRIÑA INICIO CURSO 2020-21

INFORMACIÓN DEFINITIVA da Dirección do IES A Sangriña inicio curso 2020-21 Unha vez obtidas as pertinentes confirmacións, o IES A Sangriña está en disposición de emitir a seguinte INFORMACIÓN DEFINITIVA das bases organizativas do curso 2020-21:

1- O horario de ESO e FPB desenvolverase completamente polas MAÑÁS no horario:

  • martes/xoves/venres: de 8:20 a 14:00 h.
  • luns e mércores: de 8:20 a 15:15 h.

2- O horario de 1º E 2º DE BACHARELATO será en quenda de TARDE co seguinte rango:

  • luns e mércores de 15:30 a 20:30 h.
  • martes e xoves de 15:00 a 21:00 h.
  • venres de 15:00 a 20:00 h.

3- O horario de CICLOS MEDIOS E SUPERIOR DE FP estará organizado de seguinte xeito:

  • Manás: de luns a venres: de 8:20 a 14:00 h.
  • Tardes: luns e martes de 15:30 a 18:00 h.

Nota: O horario de FP Dual queda pendente de axustes.

4- O centro contará para este curso 2020-21 cun reforzo de tres profesores/as tal e como se solicitara á CEUFP para poder levar a termo os desdobres necesarios para implementar as medidas de seguridade sanitarias.

Distribuir contido


by Dr. Radut