O día 14 de febreiro ás oito e media da tarde, no CIM do Concello d’A Guarda celébrarase a primeira sesión do obradoiro PAIS E NAIS EFICACES. Organizarase en dúas partes. A primeira abordará técnicas para a capacitación persoal e a solución de conflitos. A segunda centrarase na procura do equilibrio para marcar desde o cariño, mais con firmeza, os límites necesarios aos fillos e fillas.
Continuamos a liña de traballo iniciada o curso pasado grazas á colaboración entre o IES A Sangriña, que participa no programa PROA na liña de colaboración coas familias, e o Concello, a través dos servizos de Educación Familiar, CIM e OMIX.
Tamén seguimos contando coa valiosa participación dos psicólogos, especialistas en terapia familiar e adolescentes, ESTEBAN FIGUEIRIDO e ESPERANZA DOMÍNGUEZ, que se encargarán de traballar a nivel práctico cos pais e nais que queiran participar.
Esta actividade ofrécese de maneira totalmente gratuita a todos os pais e nais de alumnado dos distintos centros educativos da vila d’A Guarda.
A organización convida e anima a asistir a esta actividade a todos os pais e nais que o desexen. Como profesionais de diversos campos da formación asegurámoslles que esta é unha oportunidade excelente de obter valiosos recursos para mellorar a comunicación cos fillos e fillas
As persoas interesadas poden inscribirse no CIM, na OMIX, no Departamento de Educación Familiar do Concello e tamén no IES A Sangriña.
