Calidade Educativa

CLASE MAXISTRAL DE HOCKEY LIÑA

Xov, 07/06/2018 - 18:32

O pasado venres 1 de xuño durante a 1ª e a 2ª hora, o alumnado de 1º ESO tivo o privilexio de recibir unha clase de mostra do equipo da Guarda de hóckey liña.

O profesor acompañante na actividade foi Amalio Verd.

ACTIVIDADE DE PIRAGÜISMO

Mar, 29/05/2018 - 11:20

O pasado venres 25 de maio, o Departamento de Educación Física realizou unha actividade de piragüismo co alumnado de 2º ESO.

Desde as 09:10 ata as 14:00, os profesores Amalio, Menchu, Ínsua e Susana acompañaron aos 49 alumnos e alumnas durante o percorrido en piragua, comezando en Eiras e rematando nas Aceñas, a través do río Tamuxe.

O día non foi moi soleado pero non fixo vento nin frío, polo que tiveron unha boa xornada de deporte.

VISITA AO XIMNASIO DO-MAJO

Mar, 29/05/2018 - 11:12

A semana pasada o Departamento de Educación Física organizou unha visita ao Centro Doma-jo na Guarda, onde o alumnado de 4º ESO tivo a sorte de recibir unhas leccións de fitball, hip hop e fitness.

O martes 22 de maio asistiu o grupo de 4º A co profesor Amalio Verd e o xoves 24 tocoulle a Susana Salvador cos grupos de 4º B e 4º C.

Esta actividade levárona a cabo desde as 10:00 ata as 12:20

A GUARDA - VILANOVA DE CERVEIRA EN BICI E PIRAGUA

Ven, 18/05/2018 - 18:29

O pasado luns 14 de maio, o Departamento de Educación Física organizou, xunto coa empresa Verde Azul de Tui, unha saída co alumnado de 1º Bacharelato desde o centro ata Vilanova de Cerveira.

Sairon ás 09:00 en bici desde o instituto. O día comezou cunha fina chuvia pero finalmente escampou e puideron continuar sen problemas. Sobre o mediodía pararon a comer nun parque e ás 14:00 trocaron as bicicletas polas piraguas, todas elas de dúas prazas agás as do profesorado acompañante (Susana Salvador, Amalio Verd e José Luis Insua) que eran individuais.

Chegaron ás Aceñas polo río Tamuxe, descansaron un pouco e volveron subir ás bicicletas para volver ao IES ás 17:30