O pasado xoves 28 de xaneiro de 2010, o IES A Sangriña foi seleccionado para participar no acto de entrega das placas “Somos Comenius” organizado polo OAPEE (Organismo Autónomo de Programas Educativos Europeos) e pola Unidade de Programas Europeos da Consellería de Educación.
O acto, que tivo lugar na Escola Galega de Administración Pública, estivo presidido pola Directora de Comenius en España, Mª Dolores López Mollo, que informou sobre as novidades do programa.
Jorge Dorado González, de 2º B de Bacharelato, foi convocado pola Consellería para representar ao grupo de Comenius Bilateral con Dinamarca do IES A Sangriña cunha disertación sobre os beneficios que reporta aos estudantes a participación nos intercambios.
