Desde o luns, 11 de xuño, podedes visitar na entrada principal do centro a exposición Landscapes of Ames II, realizada polos alumnos e alumnas de 1º de ESO C, D, E da materia de Paisaxe e sustentabilidade / Landscape and sustainability.

Desde o 25 de maio podes visitar a segunda exposición Medievalízate! situada na entrada do centro e realizada polos alumnos e alumnas de 2º de ESO de Xeografía e Historia.

Os días 31 de maio e 1 de xuño, os alumnos e alumnas de Paisaxe e sustentabilidade de 1º ESO C, D e E participaron no intercambio territorial O Courel e a Ribeira Sacra organizado polo ProxectoTerra dentro do marco do Plan Proxecta.

Durante a primeira quincena de febreiro podes visitar a exposición "We are all migrants /Todos somos migrantes" nas escaleiras do instituto ao lado da cafetería. Esta exposición foi realizada polos alumnos e alumnas de 2º de ESO da materia Geography and History e no marco do Proxecto lector da biblioteca do centro. 

Os alumnos e alumnas de 2º de ESO da materia Geography and History fixeron unha investigación por grupos sobre a poboación por continentes e compartiron o resultado da investigación cos compañeiros e compañeiras da aula. A través das presentacións, xogos, bailes e catas gastronómicas puidemos coñecer mellor as características da poboación dos diferentes continentes.

 Orientarse no mar

Tarde de chuvia e sen embargo espectación no Pazo. Tras as sesións dedicadas á exploración das galaxias e do sistema solar, tocoulle a quenda, da man da prof. Pilar Tobar, a unha inmensidade próxima: o mar.

Ademais dos procedementos de diversos pobos dos que temos coñecemento directo, a prof. Tobar guiou aos asistentes por un percorrido histórico, explicando o desenvolvemento das técnicas, das cartas e dos instrumentos de medición e orientación.  

Anxo Sampedro

¿Que pasa en Palestina-Israel?