A Resolución do 18 de xuño de 2024 (DOG do 26 de xuño) convoca, con carácter gratuíto, cursos nas EOI de Galicia en-liña de linguaxe administrativa galega para funcionarios (LAG) e presenciais preparatorios para a obtención do certificado de lingua galega (CELGA). Os cursos realizaranse nos períodos e nas escolas oficiais de idiomas de Galicia que se indican na convocatoria.

Prazo para a presentación de solicitudes: 1-12 de xullo para os cursos do primeiro cuadrimestre (adxudicación e entrega de documentación 16-19 xullo).

Prazo para a presentación de solicitudes: 11-22 de novembro para os cursos do segundo cuadrimestre adxudicación e entrega de documentación 26-29 novembro).

Prégase ler o texto completo da convocatoria e consultar os requisitos e a documentación requirida.

Prazo e lugar de presentación de solicitudes:

As solicitudes fanse mediante aplicación web www.eoidigital.com/preinslinguagalega. Para cada período de inscrición o alumnado poderá consultar na aplicación web se foi admitido. Unha vez rematado o proceso de asignación de prazas, o alumnado seleccionado deberá entrar de novo na aplicación para achegar a documentación que se especifica na convocatoria dentro do prazo establecido.

INFORMACIÓN IMPORTANTE! A falsidade ou a ocultación de datos esenciais para a selección das persoas aspirantes dará lugar á exclusión automática do curso solicitado. A realización do curso preparatorio CELGA non dará dereito a ningún tipo de certificación, por tratarse dun curso preparatorio para as probas conducentes á obtención dos certificados de lingua galega, convocadas pola Secretaría Xeral de Política Lingüística.