Aforro enerxético

PREMIO ÓS AFORRADORES

BEN SABIAMOS NÓS QUE PRACTICAR O AFORRO ENERXÉTICO É UN AGASALLO PARA A NATUREZA E TODOS OS QUE HABITAMOS NELA. PERO O QUE NON SABIAMOS É QUE ADEMAIS PODE SUPOÑER UN PREMIO EN FORMA DE CONTACONTOS E MATERIAL PARA A BIBLIOTECA DOS AMIGOS E AMIGAS DE DANIEL!


AXENDA 21 VEN DE AGASALLARNOS COA VISITA DE ANXO MOURE ÁS NOSAS ESCOLAS E ESPERAMOS ANSIOSOS PODER VER O MATERIAL QUE HAN DE MANDARNOS PARA A BIBLIOTECA!

APROVEITAMENTO ENERXÉTICO

 
PARA TER O SEU CORPO QUENTE A LAGARTA PRECISA COLLER A CALOR DA ENERXÍA DO SOL. CANDO COMEZA O DÍA TEN UNHA TEMPERATURA MOI BAIXA E OS SEUS MOVEMENTOS SON MOI LENTOS. A LAGARTA CAPTA A ENERXÍA DO SOL COMA SE FOSE UNHA INSTALACIÓN DE ENERXÍA SOLAR TÉRMICA E EN POUCOS MINUTOS ALCANZA OS 26º QUE, COMO MÍNIMO, PRECISA PARA DESPRAZARSE CON RAPIDEZ E IR EN BUSCA DE ALIMENTOS

Á FISALIA CHÁMANLLE CARABELA PORTUGUESA PORQUE É CAPAZ DE DESPRAZARSE GRAZAS A SÚA CRISTA, QUE FUNCIONA COMA A VELA DUN BARCO.
DESTE XEITO APROVEITA A ENERXÍA DO VENTO PARA NAVEGAR CUN GASTO MÍNIMO DA SÚA PROPIA ENERXÍA

 

   
 A FEMIA DOS CROCODILOS MARIÑOS ESCAVA UN OCO PRETO DA AUGA ONDE PON OS SEUS OVOS. DESPOIS CÚBREOS CUNHA MOREA DE FOLLAS, HERBA, PÓLAS E LAMA. ESTES MONTÍCULOS FUNCIONAN COMA UNHA INCUBADORA PORQUE A DESCOMPOSICIÓN DOS RESTOS VEXETAIS DESPRENDE UNHA CALOR QUE MANTÉN O NIÑO A UNHA TEMPERATURA AXEITADA
 CADA PARELLA DE TALÉGALO MALEO ESCAVA NA AREA UN PROFUNDO BURATO ONDE A FEMIA PON UN ENORME OVO. DESPOIS ENTÉRRAO COIDADOSAMENTE E ESQUÉCESE DEL. AS CORRENTES SUBTERRÁNEAS DE AUGAS TERMAIS E OS GASES VOLCÁNICOS MANTÉÑENO QUENTE PROPORCIONÁNDOLLE OS 34º PRECISOS PARA A INCUBACIÓN

ALDEA SOSTIBLE

NA SÚA VIAXE A ASTURIAS HELENA NON SÓ SE FIXO AMIGA DUN SIMPÁTICO DINOSAURIO.
TAMÉN VISITOU UNHA ALDEA NA QUE OS SEUS HABITANTES FORON QUEN DE APROVEITAR A FORZA DA AUGA PARA FACER FUNCIONAR UN MUÍÑO, UN BATÁN, UN XENERADOR DE LUZ ELÉCTRICA, UNHA FRAGUA E UNHA GRAN PEDRA DE AFIAR

ACEITE PARA RECICLAR

UN SÓ LITRO DE ACEITE DOMÉSTICO PODE CONTAMINAR 1000 LITROS DE AUGA, POR ISO ALEX  VERTE O ACEITE USADO DA SÚA CASA NO RECIPIENTE DE RECOLLIDA DA ESCOLA

AMARO E OS MUÍÑOS

Amaro e a súa familia emprenderon unha excursión aos muíños:


visitaron o parque eólico do Xiabre, o muíño da Devesa dos Mouchos e os muíños de vento en Catoira


e trouxéronnos estas fermosas instantáneas. 





 

PREMIO DO PROGRAMA A21

O PROGRAMA MEDIOAMBIENTAL "AXENDA 21" VEN DE PREMIAR Á COMUNIDADE EDUCATIVA DO CRA DE RIANXO POLO TRABALLO REALIZADO DURANTE O CURSO ESCOLAR  ENCOL DO AFORRO ENERXÉTICO

O PREMIO CONSISTE NUNHA SESIÓN DE CONTACONTOS CON ANXO MOURE O VENRES 14 DE XUÑO E NA DOAZÓN DE MATERIAL PARA A BIBLIOTECA DOS AMIGOS E AMIGAS DE DANIEL.

NORABOA POLO PREMIO E GRAZAS POLA VOSA PARTICIPACIÓN NO PROXECTO!

consulta as novas da sección
Aforro enerxético

DÍA MUNDIAL DO MEDIO AMBIENTE

DÍA MUNDIAL DO MEDIO AMBIENTE


En todos os lugares do mundo celébrase o 5 DE XUÑO o Día Mundial do Medio Ambiente, designado polas Nacións Unidas, que ten como obxectivo aumentar a conciencia da necesidade de actuar para salvar a natureza.

Nas escolas do CRA estamos moi implicados nesta tarefa, a través das múltiples iniciativas que desenvolvimos neste curso para aforrar enerxía. Na escola de Rañó conmemoramos este día lendo as novas que as demais escolas recolleron na revista medioambiental do centro: "NO CRA DE RIANXO AFORRAMOS ENERXÍA".


IAGO VISITOU OS MUÍÑOS DE VENTO E OS MUÍÑOS DE MAREA.

IAGO FOI DE EXCURSIÓN E TRÓUXONOS "IMAXES ENERXÉTICAS":


Iago visitou os muíños de vento en O Ézaro (e a súa cascada) e tamén os muíños de marea "Pozo de Cachón" en Muros. Os muíños de marea de "Pozo de Cachón" están reunidos nun único edificio que, en ocasións, alberga obradoiros e exposicións. Estos muíños aproveitaban a forza coa que as mareas enviaban a auga para producir enerxía para a moenda. Foi rehabilitado e dende o interior do edificio aínda pode verse a maquinaria para a moenda.



Parque eólico do Ézaro


 



Muíños de marea en Muros

O XIRASOL DE PAULA

Un día, a mestra Isa púxolle unha tarefa a Paula para realizar na casa coa axuda da súa familia. Tiña que pensar en lugares, instrumentos, obxectos... calquera cousa que contribuíra ao aforro enerxético, fotografialos e escreber un comentario no libriño "AFORRAMOS ENERXÍA". Como xa falaramos de moitas cousas na escola (paneis solares, muíños, calcetíns de vento...) ía ser moi difícil non repetir, mais coa axuda da súa familia e, despois de moito reflexionar, Paula lembrouse do xirasol, SÍ! SÍÍÍÍ! UN XIRASOL! que cousa tan sinxela!. Sabedes que o xirasol é unha enerxía renovable de tipo temporal? co aceite de xirasol fabrícase combustible biodiesel, xabón, candeas, aceite de cociñar...


 

Distribuir contido