Sísamo

Coa chegada da primavera elaboramos entre todos o mural da primavera para decorar as portas da escola. Partimos dunha idea do artista  Hervè Tullet  e da creatividade de cada unha e un de nós. Collemos como banda sonora a primavera de Vivaldi e de Manuel María tomamos prestados uns versos do seu poema "Andoriña" recollido na súa obra "Os soños na gaiola".

Xa por segundo ano volvemos celebrar "un día emocionante". A finalidade deste evento é coñecernos mellor, convivir e pasar un día diferente, favorecendo a educación integral do noso alumnado.
Pasamos un día moi enriquecedor con xogos, merendas divertidas e acabamos realizando unha obra de arte!!!, que máis se pode pedir?
Invitámosvos a ver estas fotos tan chulas dos nenos e nenas de educación infantil de Cances, Sísamo e Xoane.

Desculpade o retraso na publicación do vídeo de felicitación das nenas e nenos que estiveron de aniversario ao longo do terceiro trimestre e para aquelas e aqueles que o celebran no verán.

Agardamos que vos guste!!!