Segundo xoves experto, nesta ocasión en compañía de Sofía García, alumna de 3º de EP que nos falou do seu instrumento, a frauta traveseira.

De novo, o público interesouse polos instrumentos que nos amosou esta pequena e aplaudiu con emoción as súas interpretacións.

Para ver máis fotos, clica na imaxe!

Continuando co proxecto de recuperación do Patrimonio Cultural Material e Inmaterial do noso Concello, a Biblioteca Escolar convoca o Concurso de Fotografía sobre patrimonio Memoria en Construción. 

Aquí podedes consultar as bases para participar:

E no arquivo adxunto tedes a ficha informativa que debe acompañar cada unha das vosas fotografías.

Animádevos a participar e axudádenos a elaborar o noso mapa do patrimonio!!

A Biblioteca Escolar en colaboración co ENL, o Proxecto Ríos e o Proxecto Voz Natura ven de organizar un concurso de fotografía cuxa temátixa foi a auga.

O pasado xoves, 22 de marzo, Día Mundial da Auga, entregamos os premios aos pequenos e grandes artistas seleccionados, despois dunha difícil decisión por parte do xurado, xa que a participación foi alta e a calidade dos traballos, boísima.

Aquí tedes aos fachendosos premiados nas categorías de Infantil, Primaria e ESO  (os adultos premiados non poideron asistir á entrega dos premios pero xa llos fixemos chegar ás súas casas).

Se premedes na foto podedes ver o resto da reportaxe da entrega de premios:

Ademáis, nestas presentacións podedes ver unha pequena selección dos traballos presentados nas 4 categorías. Esperamos que vos gusten e que a participación sexa aínda maior nos próximos concursos de fotos.

Parabéns, artistas!!

INFANTIL_PRIMARIA de Mar Sueiro

ESO ADULTOS 2 de Mar Sueiro

O pasado xoves 15 de xaneiro os alumnos de ESO tiveron un encontro co autor e ilustrador Fran Jaraba, antiguo compañeiro do centro.

Podedes ler a crónica da súa visita no blog da nosa Biblioteca.

A Consellería de Educación ven de publicar a resolución do Concurso de Traballo por Proxectos coordinados ou coa participación da Biblioteca Escolar, que convocou no pasado mes de maio coa intención de recoñecer boas experiencias de traballo por proxectos interdisciplinares ou de investigación coordinados ou apoiados pola Biblioteca Escolar.

Os nosos rapaces de 3º de Primaria (agora xa en 4º) xunto coa súa profesora, Mª Josefa Becerra, e sempre apoiados pola Biblioteca, desenvolveron un fermoso e completísimo traballo sobre a Nutrición ao que chamaron Comesán e que presentaron ilusionados ao concurso. Xunto con eles, participaron outros 91 centros de toda Galicia.

Lemos a resolución, nerviosos, e temos a enorme alegría de comprobar que estamos entre os 16 centros galardoados!!!!!

NORABOA, RAPACES, NORABOA, PROFE!

Nada mais fermoso que ver recoñecido o esforzo.