Os alumnos de 3º de EP desenvolveron durante este curso un Proxecto de Investigación, en colaboración coa Biblioteca Escolar, sobre a Nutrición e a Alimentación Saudable.

Aquí os tedes, felices e satisfeitos despois de expor os resultados do seu traballo e de recibir o merecido premio ao seu esforzo.

Se queredes coñecer máis polo miudo o proxecto ao completo, visitade o blog de Primaria ou o da Biblioteca Escolar.

Estas son as presentacións que elaboraron xunto coa súa profesora, María José:

Aqui tedes a reportaxe gráfica da Inauguración da súa exposición: INVESTIGANDO NA BIBLIOTECA on PhotoPeach

O Club de Lectura Ars Legendi, integrado por alumnos de distintos niveis de ESO, recibe unha axuda de 900 € para a adquisición de libros e a organización de actividades arredor da lectura compartida. Un magnífico impulso para seguir adiante que agradecemos moito nestes momentos tan duros e que, de seguro, saberemos aproveitar xuntos.

Aquí tedes a resolución da convocatoria: http://www.edu.xunta.es/biblioteca/blog/?q=node%2F500

Para coñecer as lecturas nas que andamos enfrascados non deixes de visitar o noso blog!

E para apuntarte nun dos grupos, non tes máis que falar con Ana, Mar ou Mari, as tres profes coordinadoras!

ANÍMATE!

ARS LEGENDI, o blog da nos biblioteca, ven de ser galardoado co premio Planetalector no III Premio Espiral Edublogs que organiza a Asociación Espiral, Educación y Tecnología.

De entre máis de 400 blogs presentados de toda a península e Iberoamérica Ars Legendi foi seleccionado como mellor blog de fomento da lectura en Educación Primaria.

Os premios serán entregados o próximo 6 de xunio no Caixa Fórum de Madrid e alí acudirán orgullosas as representantes do noso centro xunto coas de outra biblioteca galega galardoada, a do IES Río Cabe de Monforte de Lemos co seu blog Bibliocabe.