Skip to Content

ADMISIÓN DE ALUMNADO CURSO 2016-2017

CURSO 2016-2017.

LISTAXE PROVISIONAL DE ALUMNADO ADMITIDO.

Con data 5 de Abril, publícase a listaxe provisional do alumnado admitido neste centro para o curso 2016-2017. Contra esta resolución pódese presentar reclamación diante do Consello Escola, nun prazo de cinco días a partir da data da súa publicación.

A listaxe definitiva publicarase antes do 15 de Maio e o período de matrícula será entre o 20 e o 30 de Xuño. Antes de rematar o curso, teremos unha xornada de presentación para o novo alumnado, da que se informará a través da Secretaría e desta páxina web.

Pódese consultar a listaxe neste arquivo.

Radiomiñoca -mar. 2016-

Neste terceiro programa temos novidades. A ver se vos gustan! Diego lerá un monólogo sobre os Tiranosaurios Rex; Andrea recitará un poema de Manuel María e Alba nos contará algunhas curiosidades do mundo que vos chamarán a atención. Ademais temos chistes, noticias do noso cole (Yanira desexa unha boa semana aos de 4º ESO que marchan de excursión); os pequerrechos contestan as preguntas que lles fan Roberto e Antonio (escoitádeas que seguro pasaredes un bo anaco de tempo). Teremos connosco a Edita, ex profe do cole, que lerá un fermoso conto sobre un paxaro e unha árbore e … Tachín, tachín!!!!! tamén escoitaredes a nosa entrevista estrela deste curso: a do xuíz Vázquez Taín.

Pasádeo ben con este programa! Pronto volveremos con todos vós con moitas cousas máis.

 

Proxecto Terra: Charla sobre o dereito ao hábitat

30/03/2016 10:26
Europe/Madrid

Os alumnos de 1º de ESO participaron  nunha charla con Sole e Alberto, membros da ONG Arquitectura sen fronteiras e autores da unidade didáctica O Dereito ao hábitat coa que se iniciou a andaina dentro do Proxecto Terra. Foi o momento de analizar os debuxos realizados polos alumnos que recollen os aspectos fundamentais do seu hábitat (Miño) e de reflexionar conxuntamente sobre todo o que hai e tamén sobre o que falta para que este hábitat humano sexa adecuado para o desenvolvemento persoal e social dos que aquí viven.

AXUDAS PARA ACTIVIDADES DE FORMACIÓN EN LINGUA ESTRANXEIRA 2016

Con data 14 de marzo de 2016, convócanse as axudas para a realización de actividades de formación en lingua inglesa para o alumnado de 1º, 2º, 3º e 4º da ESO, e 1º e 2º de Bacharelato, de centros sostidos con fondos públicos na Comunidade de Galicia.

No seguinte enlace podedes consultar toda a información. O prazo para solicitala é dun mes dende o día seguinte a súa publicación no DOGA (DOGA do 28 de marzo de 2016).

http://www.edu.xunta.es/portal/node/18534

 

 

O AXEDREZ DA UNHA NOVA ALEGRÍA AO CPI CASTRO BAXOI

Os días 6 e 13 de Marzo tivo lugar a fase comarcal do torneo de Axedrez do programa XOGADE cuns 200 xogadores. Na categoría benxamín, participaron uns 60 rapaces formando máis de 10 equipos. Un destes equipos foi o formado polos alumnos do CPI CASTRO BAXOI: Miro Rivas, Hugo Couce, Adrián e Itziar Mediavilla, Noel Allegue, Juan Blanco e Sergio Estévez. Por segundo ano consecutivo os nosos alumnos revalidaron o título de campions, o que lles permite pasar a seguinte fase, que tamén gañaron o ano pasado. 

 

 

 

MOITAS FELICIDADES A TODOS E MOITA SORTE NA SEGUINTE FASE!!!!!

 

 

CURSO 2016-17. RESERVA DE PRAZA.

AVISO IMPORTANTE!!!!!

Recordade que o prazo para a presentación da solicitude de reserva de praza para o curso 2016-17 remata o día 20 de Marzo. Ao ser esta data domingo e coincidir coas vacacións de Semana Santa, será o martes 29 de marzo, primeiro día lectivo despois das vacacións, o último día para entregala.

DOCUMENTOS DO CENTRO: NORMAS DE ORGANIZACIÓN E FUNCIONAMENTO

O pasado 24 de Xaneiro de 2017, en reunións de Claustro e Consello Escolar, foron aprobadas dúas propostas de modificación das Normas de Organización e Funcionamento para o noso centro. Unha delas fai referencia ao protocolo de acollida do novo alumnado, e a outra ao protocolo de funcionamento da aula de convivencia.

No seguinte arquivo recóllese o documento xa actualizado.

 

 

Actuacións cofinanciadas polo Fondo Social Europeo no CPI CASTRO BAXOI

No curso 2015-16, o noso centro é obxecto de actuacións cofinanciadas polo Fondo Social Europeo do Programa Operativo do Fondo Social Europeo de Galicia 2014-2020 e do Programa Operativo de Empego, Formación e Educación 2014-20120, xestionado polo Ministerio de Educación, Cultura e Deporte.

Trátanse de medidas encamiñadas a reducir a taxa de abandono escolar temperá. Neste curso, son obxecto destas axudas o 4º curso do Programa de Diversificación Curricular, e a implantación dos novos itinerarios en 3º ESO, curso onde o alumnado ten que elixir entre as Matemáticas Aplicadas e as Matemáticas Académicas.

As bases do programa implican dar a coñecer estas actuacións, as súas bases e obxectivos. É por iso que engadimos unha serie de enlances onde podedes atopar toda a información relativa a estes programas.

Portal da Consellería de Educación onde podedes acceder a toda a normativa referente aos itinerarios de 3º ESO e ao Programa de Diversificación Curricular:

www.edu.xunta.es/portal/fse-eso

www.edu.xunta.es/portal/fse-pmar

Cartel e tríptico sobre os programas:

http://www.edu.xunta.es/portal/sites/web/files/xunta-fse-imparticion_itinerarios-47x33.pdf

http://www.edu.xunta.es/portal/sites/web/files/folleto_novos_itinerarios_eso.pdf

Enlaces de interese:

http://ec.europa.eu/social/home.jsp?langId=es

http://www.empleo.gob.es/uafse/

Musica para petos

Tal e coma estaba programado, o alumnado de 1º e 2º de E.P., asistiu a este obradoiro de música tan interesante.

Na era das novas tecnoloxías, das maquiniñas, tablets...os nenos e nenas atopan neste tipo de actividades, ideas interesantes para matar o aburrimento. Calquera obxecto cotián pode converterse nun instrumento en potencia...so necesitamos utilizar un pouco a nosa IMAXINACIÓN.

Proxecto Terra: "O dereito ao hábitat"

27/02/2016 19:45
Europe/Madrid

Os alumnos de 1º ESO están a participar nun proxecto de innovación educativa titulado "Proxecto Terra: O dereito ao hábitat". Como parte do traballo, reflexionaron sobre o hábitat en xeral e analizaron as características do seu,  Miño. Realizaron debuxos cos aspectos fundamentais e, con eles, fixeron un mural que instalaron no vestíbulo de Secundaria.

 

Todos estes debuxos e as súas reflexións recóllense na presentación seguinte.

 

Distribuir contido


by Dr. Radut