Skip to Content

Primeiro Ciclo

Portada

Benvidos á páxina do 1º Ciclo de Educación Primaria.

Nesta páxina poderedes encontrar información específica deste ciclo.Esperamos que vos resulte interesante:

Obxectivos mínimos de 1º Ciclo

Saídas previstas

Programación 1º E.P.

Programación 2º E.P.

Enlaces recomendados

Concerto didáctico para 1º e 2º de EP

Este Xoves 1 de Marzo rematamos o noso programa de concertos na escola cunha proposta que de seguro lles ha encantar aos cativos e cativas de 1º e 2º de primaria. Baixo o título de "Músicas para Peto", o sempre creativo e imaxinativo Ariel Ninas amosarálles aos nenos unha forma de vida posible en torno a música. Existe un mundo inmensamente rico de instrumentos e pequenos artellos sonoros que, coa única premisa de lograr coller no pequeno espacio que ocupa un peto, xa poden viaxar canda nós a calquera sitio. Con eles podemos facer música e divertirnos en calquera lugar e momento, sen necesidade de ser músicos profesionais nin estar en grandes escenarios. Existe mellor maneira de endulzar a vida?

Musicas para peto from Ariel Ninas on Vimeo.

A Casa das Ciencias

O pasado 18 de xaneiro,o alumnado de 2º de E.P.visitou a Casa das Ciencias en A Coruña.Comezaron cunha sesión no planetario onde aprenderon a importancia de contemplar o mundo dende outro "punto de vista".Todos deberiamos levantar a cabeza para descubrir o noso marabilloso ceo estrelado.

     

Logo observamos e experimentamos cos elementos que estaban á nosa disposición.

Pasámolo moi ben!

FESTIVAL DE NADAL:COÑECENDO MÉXICO

 

Este ano,o alumnado de 2º E.P, participou no Festival de Nadal coa obra teatral "Coñecendo México"

A través desta representación, explicaron todo aquelo que aprenderon no 1º trimestre sobre este marabilloso país:historia,gastronomía,festas,costumes...

 

Este foi o noso xeito de colaborar co proxecto de Biblioteca do noso Centro,que este ano viaxa ao continente americano.

Agradecemos ás familias a súa colaboración co vestiario;estaban todos/as moi guapos/as!!!!!

MAGOSTO E SAMAÍN

O venres, 3 de novembro, celebramos no noso Centro o MAGOSTO e SAMAÍN. Participamos nos xogos tradicionais que se organizaron no patio e comimos as castañas.

 

Ao longo da semana colaboramos en diferentes actividades relacionadas co tema: concurso de debuxo, decoración das portas da aula e elaboración de cabazas decoradas para a ocasión.

MUSEO Mª JOSÉ JOVE

 

Os días 17 e 18 de outubro, o alumnado de 1º e 2º de E.P. visitaron a exposición do museo Mª José Jove.

As obras de arte contan historias, pero non todas o fan no mesmo idioma.Ensináronnos a ler distintos idiomas da arte.Traballamos aspectos coma o bodegón,simetría,cubismo,realismo e abstracción.

Realizamos xogos e creamos o noso propio bodegón.

    

 

BENVIDOS/AS!!

"A guerra dos números" premiada como "Mellor obra de ficción"

A nosa película de animación participou no "FESTIVAL DOS SOÑADORES" organizado polo CEIP Canosa-Rus de Coristanco.Quedamos como finalistas en dúas modalidades: Mellor obra de animación e Mellor obra de ficción.

Finalmente acadamos o 1º Premio nesta última categoría.

Acudiu á entrega de galardóns a mestra de 1ºA,Zeltia López Sande, o pasado 6 de xuño. O alumnado de 1º de E.P. seguiu en directo a gala de entrega de premios a través de Youtube. Deste xeito, puideron vivir a experiencia de preto dende Miño. O momento no que nos concederon o premio foi unha explosión de ledicia para o profesorado e o alumnado.

Os nosos parabéns ao CEIP Canosa-Rus pola magnífica labor que levaron a cabo ao longo de todo o curso, que culminou con este "FESTIVAL DOS SOÑADORES"

A continuación tedes varios enlaces relacionados co FESTIVAL.

https://www.youtube.com/watch?v=_Y9EiVhu0L4&feature=youtu.be

https://festivalsonhadores.blogspot.com.es/2017/06/curtas-premiadas.html

 

 

 

 

 

 

VISITA AO ACUARIO DE 2º A

O  martes 30 de maio,a clase de 2°A visitou oAcuarium Finisterrae para disfrutar do seu premio (unha visita privada
polas instalacións) por quedar finalista dos Premios Luis Freire. Comezamos por saudar a un famoso,Gastón:

Despois leváronnos a“cociña”do museo porque tocaba preparar a comida das FOCAS:

 

 

Unha vez rematada a tarefa…era a hora de xantar para as focas.Que emoción,toca darlles de comer!!

 

 

Como remate visitamos a zona de Cuarentena.Cantos seres vivos do mundo acuático alí había!!

 

Máxico premio,non o esqueceremos xamais!!

 

A nosa película

Aquí tedes a película de animación feita polos alumnos e alumnas de 1º de primaria que xa podedes ver na páxina da CRTVG. Agardamos que vos guste.

A Guerra dos Números from zeltia lopez sande on Vimeo.

Distribuir contido


by Dr. Radut