III Festival de curtametraxes Aii Mo. S. A.
Enviado por josean o Dom, 11/06/2023 - 17:17Xunto co Ceip Reibón Moaña, o IES María Soliño de Cangas, o IES JOHAN CARBALLEIRA de Bueu, o IES Plurilingüe A Paralaia e o IES As Barxas de Moaña participamos o sábado día 12 na festa do audiovisual dos centros educativos do Morrazo onde os alumnos expoñen o seu talento e as súas creacións ao longo do ano.
Papiroflexia by Luis Freire: Pingas
Enviado por josean o Sáb, 10/06/2023 - 17:56Desta vez Luis Freire non elaborou ningún dos seus habituais titoriais de Origami. En vivo e en directo, dirixiu aos seus compañeiros para, e dentro do proxecto, no que participa todo o centro elaborar pingas de auga, das que estas 3 son bo exemplo.
O titorial non tardara en chegar en video.
A orla de 6º
Enviado por josean o Sáb, 10/06/2023 - 17:26Co material que nos chegou de Polos Creativos (Cámara e Focos), o pulso do fotógrafo e mailo software online Canva, comezaron os de 6º a realizar a súa propia orla. Ben doado, tanto, que ata un neno de 2 anos sería quen de facelo. Como non os temos no colexio, botamos man dun dos de 6º.
Que é que, no muíño do Señor José? (II)
Enviado por josean o Xov, 08/06/2023 - 23:09Ao redor dos muíños naceu unha rica tradición oral en forma de cantigas, adiviñas e ata trabalinguas como este que te invitan a repetir Antón e Abel. Unha rica tradición oral que era quen de manter viva e en funcionamento a transmisión interxeracional da lingua.
A canle do muíño de Xosé é unha obra de enxeñería moi interesante que se abastece do río 200 metros para arriba do muíño en paralelo ao río e aproveita o desnivel propio do río para desviar a auga.
1. Punto de desvío
Tramos de Canle
Durante algún tramo vai encanado baixo da estrada
Ao final incluso se aproveita como lavadoiro
A PREGUNTA É QUE OUTRO NOME SE LLE DÁ Á CANLE DO MUÍÑO, POR ESA UTILIDADE SÚA DE "LEVAR" O AUGA AO MUÍÑO?
Falarei e falarei
Enviado por josean o Xov, 08/06/2023 - 01:17A partir da campaña que polas letras galegas creou unha coñecida marca de leite galega, e utilizando a marca distintiva de Fernández del Riego, as súas gafas; os alumnos de 6º aproveitaron para traballar a rica fraseoloxía galega ao redor do verbo falar.
Que é que, no muíño do Señor José
Enviado por josean o Mér, 07/06/2023 - 22:12Está semana e dentro do Proxecto no que o centro está traballando, os de 6º non podían menos que coñecer e ben a fondo, o muíño do noso veciño José, que está a rentes do colexio. Os muíños de auga son calqueira cousa menos máquinas simples, máquinas que moitos deles hoxe están en desuso, pero o noso veciño tivo a amabilidade de abrírnolo para amosarnos como moía e abrirnos o INFERNO onde puidemos ver.
QUE COUSA DANDO VOLTAS?
Contestade nos comentarios
Axiña unha exposición máis detallada da nosa interesante visita
Papiroflexia con Luís Freire: "A rá"
Enviado por josean o Mér, 07/06/2023 - 22:03Outro capítulo máis das habilidades de Luís Freire para o Origami; desta vez algo un pouquichiño máis complicado, a rä.
IX Feria do libro usado
Enviado por Ruth o Mar, 06/06/2023 - 13:41Dende o CEIP de Seixo e O CEIP de Ardán invítannos a participar na IX Feira do Libro Usado. Os nenos e nenas poden traer ao colexio, cando queiran, os libros que desexen canxear por un vale (1 libro= 1 vale). Estes vales poderán ser empregados o sábado 17 para intercambiar, por outros libros, nos diferentes postos que estarán instalados na alameda.
Diploma Colexio do Benquerer
Enviado por xose o Mar, 06/06/2023 - 09:40Rematamos as actividades programadas para este curso no proxecto Colexio do Benquerer, de educación afectivo-sexual, organizado pola Fundación Meniños, que nos traslada o certificado de colaboración.
Calendario fondo libros, vales de libros e material
Enviado por Belen o Lun, 05/06/2023 - 14:25
MÉRCORES 5 DE XULLO |
LISTAXES PROVISIONAIS |
|
|
XOVES 6 E VENRES 7 DE XULLO |
RECLAMACIÓN ÁS LISTAXES PROVISIONAIS |
LUNS 10 E MARTES 11 DE XULLO |
RESOLUCIÓN DAS POSIBLES RECLAMACIÓNS |
VENRES 14 DE XULLO |
PUBLICACIÓN DA RESOLUCIÓN DEFINITIVA |
|
|
LUNS 4 AO VENRES 8 DE SETEMBRO (DE 9:30 A 13:30 HORAS) |
ENTREGA DOS VALES DE LIBROS DE TEXTO E MATERIAL ESCOLAR |
LUNS 11 AO 29 DE SETEMBRO |
ENTREGA DOS LIBROS DO FONDO AO ALUMNADO |
10 días A PARTIR DE RECIBIR O VALE |
EMENDA DE ERROS DETECTADOS NOS VALES |
ATA O 10 DE ABRIL DE 2024 |
USO DOS VALES NAS LIBRERÍAS E DEMAIS ESTABLECEMENTOS |
IX Certame de relato curto das Fanpas de Pontevedra
Enviado por josean o Lun, 05/06/2023 - 00:36Entre os 63 relatos seleccionados entre os alumnos dos centros de primaria da provincia de Pontevedra para estar no libro que cada ano editan Kalandraka e as fanpas de Pontevedra. tivemos a sorte de que 12 fosen alumnos do noso centro. O traballo xa está feito, xa se logo son seleccionados finalistas ou gañan o certame, como pasou noutros anos, benvido sexa; máis a profundización na escrita creativa é o que a nós nos interesa e iso conseguímolo. Parabéns aos 12 e ao resto que xa se sabe que estas cousas é por gustos de xurado.
M-Bot: sensor de temperatura
Enviado por josean o Lun, 05/06/2023 - 00:08Partindo da saída do proxecto Ríos, por medio do sensor de Temperatura, co adaptador RJ 25 e co Display de 7 segmentos, logo de programar sinxelamente o Mbot, conseguimos medir a temperatura da auga do río.
Proxecto Ríos
Enviado por josean o Lun, 05/06/2023 - 00:00O pasado 31 de Maio, visitounos o persoal do Proxecto Ríos, que nos abriu os ollos sobre a realidade natural, que a rentes do noso centro o configurou dende os seus inicios, o río Lameira, un medio como puidemos comprobar cheo de vida.
Proxecto ríos de Ceip Sequelo
Ai Mosa: Duelo ao Sol
Enviado por josean o Dom, 04/06/2023 - 22:47Ai Mosa é o festival de curtametraxes de centros escolares do Morraso. Este ano quixemos estar xunto ao IES María Soliño de Cangas, o IES A Paralaia, o IES As Barxas e o CEIP Reibón de Moaña; e o IES Johán Carballeira de Bueu.
A nosa modesta colaboración é este "Duelo ao Sol"
A de auga
Enviado por josean o Sáb, 03/06/2023 - 00:07Baseado nos microclips de Mans Unidas, os alumnos de 6º realizaron este vídeo para concienciarnos no colexio da importancia do aforro dun ben escaso como é o auga.
Tecnicamente é moi mellorable, especialmente no que toca ao racord, pero dos erros tamén se aprende e máis que dos acertos, que tamén os hai, como o plano detalle que utilizan.
Papiroflexia con Luis Freire: "Comecocos"
Enviado por josean o Ven, 02/06/2023 - 07:39Outra das entregas de Luis Freire coas que poderás facer multitude de figuras no rico mundo da papiroflexia.
Clasificación final Torneo Xadrez 3º trimestre 2023
Enviado por xose o Mér, 31/05/2023 - 17:59O último torneo deste curso ofrece a seguinte táboa de gañadores:
RAÚL 5º curso |
10,5 |
DANI 5º curso |
8,5 |
YAGO 5º curso |
8 |
ÁLEX 5º curso |
8 |
ZAID 5º curso |
6 |
MARTÍN C 2º curso |
5,5 |
MARTÍN S 4º curso |
4 |
ROBERTO 4º curso |
4 |
ABEL 6º curso |
3 |
BORJA 4º curso |
2,5 |
MARIO 5º curso |
1,5 |
ROI 5º curso |
0,5 |
En cor figuran os gañadores por ciclos. Raúl gañador absoluto, Martín C gañador do primeiro ciclo e Martín S gañador do segundo ciclo.
Lembrade que estamos invitados a unha xornada de convivencia o domingo 18 de xuño en Ponteareas (Fraga do Rei)
IMPRESORA 3D
Enviado por josean o Xov, 25/05/2023 - 23:55Completamos o proceso de utilización da impresora 3D, os alumnos de 6º deseñan con Tinkercad e exportan a un pendrive en stl.
No ordenador de polos creativos e mediante o Creativity Slicer converten os seus deseños nun Código que o ordenador poida interpretar (SEGMENTACIÓN). Pasan ese código á tarxeta SD da impresora 3D.
Insertan a Tarxeta na Impresora e proceden á Impresión dos seus deseños
O noso Planeta, O Noso Paraíso
Enviado por inesduran o Mar, 23/05/2023 - 22:57Dentro do PDI deste curso " Protexo o meu Planeta, protéxome eu"
deixándonos levar polas emocións e o compromiso,
falamos do encanto da Natureza para poñer en valor
Os compañeiros de 5º cóntannos as súas impresións.
Para poñer en práctica o seu compromiso
visitaron os nosos areais para limpar do lixo as praias .
Fixeron logo un gran mural co que mostrar os residuos que se botan ao mar
e expoñer de forma visual a longa duración de cada un.
Tamén Ana, a mestra en prácticas acompañou ao grupo nesta parte do proxecto.
Por outra banda os compañeiros de 3º tamén fixeron
poñendo en común o aprendido coa documentación sobre
a proteción do Planeta na biblioteca.
Infantil e 1º tamén quérennos animar a protexer o
Os compañeiros de 2º fixeron un vídeo para nos mostraren
o aprendido sobre os contaminantes da Terra e o solo
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »