Faros de Galicia: Faro de Cabo Home
Enviado por laurarialf o Sáb, 15/06/2024 - 13:01Estamos a piques de comezar a última semana do curso e aquí vos deixamos o noso último faro, moi preto do noso concello.
Agardamos que vos gustasen moito todos os nosos faros e aprendésedes tanto coma nós. Detrás de cada vídeo hai moitas horas de traballo: búsqueda de información, selección da información importante, elaboración do texto, gravación na radio (que non sempre saíu ben á primeira, pero rímonos moito!) e elaboración da presentación.
Dádelle ao play e aprendede as últimas curiosidades dos faros deste curso!
Ata outra!
Xornada de Convivencia cos nenos e nenas de 6ºEI do Carballal
Enviado por laurarialf o Sáb, 15/06/2024 - 12:52Este xoves, os nenos e nenas de Educación Infantil tiveron unha visita moi especial: os compis de 6ºEI do Carballal! Viñeron ata o noso cole para pasar unha divertida xornada de convivencia: contámoslle o conto de “unha eiruga moi larpeira” e eles a nós unha adaptación de “A mosca chosca”. Ao rematar xa era hora de merendar, polo que lle preparamos unha rica e saudable merenda con moita froita. Unha vez que xa tiñamos a barriga chea, puxémonos todos e todas xuntas a xogar. Oxalá se puidesen quedar máis tempo, pasámolo moi ben!
Grazas por vir e ata a próxima!
Os faros de Galicia: A Torre de Hércules
Enviado por laurarialf o Sáb, 15/06/2024 - 11:57Hoxe Brais e Enzo fálannos dun lugar que seguro que a maioría de vós coñecedes, pero... sabiades todas estas cousas? Dádelle ao play e descubrirédelo!
Ata o próximo faro!
Debate na beira
Enviado por josean o Lun, 10/06/2024 - 00:07O noso primeiro debate, cheo de erros tanto técnicos como estruturais, mais cremos firmemente no valor educativo dos erros; o contrario para unha primeira vez ata sería contraproducente.
Que mellor lugar para un debate sobre un tema tan de moda entre os alumnos do noso colexio coma o céspede artificial que a sala de mestres.
IA á beira do Lameira
Enviado por josean o Dom, 09/06/2024 - 13:32Mais que traballar a Intelixencia Artificial, do que se tratou é de mellorar cos nenos dende a Expresión Escrita a "Descripción". Canto mellor estaba feita a descripción do que eles querían que aparecese no cartel, mellor entendía Ideogram o que se pretendía, que tal é a ferramenta AI que usaron, e mellor xeraba as imaxes.
A actividade, pensada para o 1º de Abril, tiña como obxectivo secundario o profundizar nas mensaxes publicitarias, por iso se tentou de dar un significado ambiguo e aberto ás mesmas, que fosen os lectores, os que sacaran a súa propia mensaxe...
Como non foi posible o 1º de Abril, o 5 de Xuño, día do Medio Ambiente, era unha data axeitada
Para poder velo en pantalla completa preme no video esta icona
Por Narises
Enviado por josean o Dom, 09/06/2024 - 12:35"Por Narises" está pensado para levar ao Certame Ai Mosa, de Moaña. Baseado nun vello conto popular galego do que con anterioridade xa fixeramos unha curta, hai anos. Esta curta é por tanto, en toda regra, un remake.
Gravada á beira do Río Lameira e a carón do muíño do Sequelo, grazas á amabilidade do señor José, que nos deixou a leira anexa para gravar. Ás agrícolas ferramentas foron aportadas por María a coidadora e Laura, a profe de AL.
Agora temos que traballar sobre ela para ver de analizar o Raccord e a montaxe, para futuros proxectos.
AI MOSA
Recollida do Patrimonio Inmaterial Ponte nas Ondas (IX)
Enviado por josean o Dom, 09/06/2024 - 09:47Na parroquia de Mogor, no lugar das Sete Espadas, cada ano polo 26 de Xullo levase a cabo a festa das Sete Espadas e de Santa Ana. En tempos nos arredores da pequena igrexa que alí hai, celebrábase unha importante romaría.
Fixádevos, como apunta Mateo de 5º, o xeito en que se vendían no afastado 1960 as rosquillas nas romarías galegas.
Recollida do Patrimonio Inmaterial Ponte nas Ondas (VIII)
Enviado por josean o Dom, 09/06/2024 - 08:14Para esta recollida do patrimonio Inmaterial non todas as fotos que nos mandedes teñen que ser de Marín, como no caso de Alonso de 5º, poden ser doutros lugares de Galicia onde teñades a vosa orixe. No caso de Alonso é en Cotobade no ano 1954.
Poesía na beira
Enviado por josean o Dom, 09/06/2024 - 01:16Cada vez ímonos achegando máis a poder facer programas en directo con case pouca postproducción posterior, como é o caso deste primeiro "Poesía na beira", do que esperamos que veñan moitos máis. Hoxe cunha invitada moi especial a poesía de Curros Enríquez.
X Certame de Relato Curto das Fanpas de Pontevedra
Enviado por josean o Ven, 07/06/2024 - 15:17Tódolos anos temos a sorte que algún dos nosos alumnos estea, cando menos, entre os finalistas deste prestixioso certame provincial para nenos. Este ano o elixido foi Darío Pereira Omil, polo seu relato "Una tarde calquera".
Aquí tedes ao noso alumno co diploma, e o que é máis importante co libro onde aparece o seu relato.
Xornada de iniciación ao remo
Enviado por Belen o Mar, 04/06/2024 - 22:55A semana pasada, tivemos a oportunidade de coñecer a dúas grandes deportistas do club de remo da ría de Marín.
Explicáronnos brevemente a teoría e despois fixemos unha práctica no remoergómetro aplicando a técnica correcta.
Recollida do Patrimonio Inmaterial Ponte nas Ondas (VII)
Enviado por josean o Dom, 02/06/2024 - 13:30Os nosos maiores, sempre, malia a que súa vida careceu das comodidades que ten a nosa, atoparon tempo para a diversión compartida. Neste caso, en 1953, os bisavós de Nicolas Fernández García, de Infantil foran á romaría da Franqueira cuns amigos.
Recollida do Patrimonio Inmaterial Ponte nas Ondas (VI)
Enviado por josean o Dom, 02/06/2024 - 13:06A conserva durante moito tempo foi en Marín un dos sinais distintivos da vila. Nesa actividade traballaron moitas xeracións, especialmente de mulleres. Matilda Fernández García de 1º déixanos testemuña nesta foto, onde aparece a súa bisavoa, da fábrica de conservas con máis percorrido en Marín, a fábrica de Herrero. A foto é de 1950.
Obradoiro de Cine: Planos (I)
Enviado por josean o Sáb, 01/06/2024 - 20:02No noso obradoiro de linguaxe audiovisual o primeiro que fixemos é traballar cos planos segundo a posición que ten a cámara con respecto aos actores.
Os planos que aquí aparecen son o NADIR, CENITAL, CONTRAPICADO E PLANO NORMAL.
1. Poderiades dicir cal é cal?
2. Que plano de situación falta?
Hai un "plano intruso", pois non é de situación....
3. Poderiades dicir como se chama esoutro plano?
a)
b)
c)
d)
e)
Campións de Xadrez: II Torneo 2023-24
Enviado por xose o Sáb, 01/06/2024 - 10:43Xa temos aos gañadores do último torneo de xadrez deste curso:
Primeiro: Zaid, de 6º curso
Segundos: Martín de 5º curso e Martín de 2º curso.
E noraboa a todos os participantes! Esperámosvos o vindeiro curso!
As palabras máis fermosas
Enviado por josean o Sáb, 01/06/2024 - 08:48Unha actividade promovida polo Equipo de Dinamización da Lingua Galega para que celebrando o día das Letras galegas nos decatemos do tesouro que encerra a nosa lingua. Unha vez coñecida a técnica para a producción de chapas foron en cadea. O difícil foi escoller unha palabra entre o rico léxico do galego, o de plasmalas non tanto, porque contamos cuns auténticos artistas.
Doazóns da librería BULE BULE
Enviado por inesduran o Ven, 31/05/2024 - 11:10O río que quería ser humano
Enviado por josean o Mér, 29/05/2024 - 22:11Non só traballamos a Banda Deseñada ao uso antigo (lapis, goma, rotulador...) tamén utilizamos as novas tecnoloxías como é o caso desta historieta que dentro do noso Proxecto Integrado deste ano "O noso Lameira, un río de vida" levamos adiante dende a ferramenta dixital MakeBeliefsComix.org
U-los Mariñeiros de Marín?
Enviado por josean o Mér, 29/05/2024 - 22:04É a nosa filosofía colaborar, sempre que poidamos, con toda aquela organización cultural do noso municipio e no que nos toca, especialmente cunha que tenta preservar o legado mariñeiro da nosa vila. Así cando o Museo do Mar organizou o Certame de Curtas de Cine do Mar non o pensamos dúas veces e preparamos este vídeo con tal fin. Agradecidos pola distinción que nos fixeron, pero con ela ou sen ela seguiriamos participando por transmitir con eles o legado mariñeiro da vila.
Recollida do Patrimonio Inmaterial Ponte nas Ondas (V)
Enviado por josean o Mar, 28/05/2024 - 22:51Continuannos chegando dende as familias fotos que nos retrotraen a outros momentos da historia da vila de Marín hoxe xa desaparecidos. Neste intre é Alba Castro Martínez, a que comparte connosco esta foto de 1948 dos seus bisavós na romaría que nas inmediacións do Pazo da Raña se celebraba cada ano por San Pedro.
![CEIP SEQUELO RSS Distribuir contido](/centros/cepsequelomarin/misc/feed.png)