O equipo da biblioteca fixo unha recompilación de lecturas para o nadal, premede na imaxe!

A rapazada de 3º de Primaria visitou o museo de Belas Artes na Coruña. Da man de Ana e Laura, os nenos e nenas percorreron o museo seguindo as pegadas de Hansel e Gretel, descubrindo o misterioso mundo que agocha o bosque...

PREMEDE NA IMAXE...

Para conmemorar o Día da Constitución, o alumnado de 6º de Primaria visitou o Concello para participar no pleno infantil.

Se queredes coñecer as mocións presentadas, premede na imaxe!

Estimadas familias, desde a ANPA BRIGANTIUM queremos comunicarlles que xa está activa a web para facerse soci@s. Poden acceder mediante a seguinte ligazón: https://anpabrigantium.miampa.com/

Aquí encontrarán unha circular explicando como facelo.

Ademais, o alumnado levará unha copia en papel para a casa.

O Concello de Betanzos organiza un Campamento de Nadal do 22 de decembro ao 5 de xaneiro para nenas e neos de 3 a 12 anos.

Pode ver a información completa PREMENDO NA IMAXE.

As nenas e os nenos de 3º de Primaria achegáronse á biblioteca para iniciarse no método científico, a través dun sinxelo experimento relacionado coas plantas.

Premede na imaxe para coñecer máis polo miúdo o seu experimento...

O día 3 de decembro conmemórase o Dia da Discapacidade.

En infantil fixeron unha xornada de xogos, coa colaboración das familias, nos que se intentaron poñer na pel dos demais. Tamén confeccionaron unha árbore para o "bosque dos contos" con diferentes follas, como diferentes somos todos e todas.

Coma sempre, moitas grazas familias!

PREMEDE NA IMAXE

Durante esta semana a rapazada de Primaria trouxo da casa residuos, que coas súas mans, converteron en xoguetes para empregar durante as clases de Educación Física.

Unha forma divertida de concienciarnos sobre a redución e reutilización dos envases domésticos.

CLICADE NA IMAXE!

Este luns o alumnado de 1º de Primaria acudiu á Domus, á casa do home, na Coruña, para seguir investigando sobre o corpo humano. Ampliando, así, os seus coñecementos máis alá do aprendido na clase, dunha maneira máis divertida e manipulativa.

Botádelle unha ollada ao vídeo premendo na imaxe!

A semana pasada a rapazada de 2º de Primaria gozou dunha visita virtual ao Museo de Historia Natural de Ferrol. Grazas a Berta, a guía do museo, puideron coñecer os distintos animais que se poden atopar alí: baleas, candorcas, golfiños, luras, serpes, cervos, insectos... Aprenderon moitas curiosidades e outras moitas cousas deses animais. Resultou unha actividade moi interesante e divertida!

Premede na imaxe