ENTROIDO NO VALES

Este ano no entroido tocou disfrazarse de Medievais, dentro do traballo que estamos a realizar no Proxecto Documental Integrado coordinado dende a biblioteca. Estamos a traballar a Idade Media polo que había representantes dos bufóns, dos cabaleiros, das princesas, das bruxas e bruxos, dos xograres, dos monxes, dos campesiños e campesiñas, da nobreza, dos artesáns e moito máis. Aí vos deixamos unha mostra

 

 

 

SARGADELOS

A rapazada de 5º de Primaria visitou a fábrica de Sargadelos no Castro, Sada. Alí fixeron un percorrido polas instalacións e aprenderon algunha das técnicas de elaboración desta famosa cerámica.

 

DÍA DA PAZ NO VALES

O pasado 30 de xaneiro conmemoramos no colexio o Día da Paz. Tomando como fío conductor o conto "O lápis máxico de Malala" os nenos e as nenas do cole fixeron debuxos, escribiron frases ou elaboraron murais con distintas mensaxes sobre o que lles gustaría facer con ese lápis.

 

 

DÍA DA PAZ on PhotoPeach

ESTADÍA CANADÁ - PROGRAMA PIALE

 Entre os meses de setembro e outubro do 2017 Natalia Ucha, profesora deste centro, participou nun programa de formación de profesorado en Canadá, o programa PIALE da Xunta de Galicia.Consistiu nun mes de formación nun colexio de primaria en Ottawa mentras estaba aloxada en casa dunha familia canadiense. Foi unha experiencia extraordinaria, moi positiva e moi valiosa tanto a nivel pedagóxico como lingüístico. Ademáis de aprender moitos trucos e estratexias para aplicar na aula e de facer unha programación didáctica de matemáticas en inglés para 3º, tamén elaborou unha presentación sobre os aspectos máis relevantes de Canadá e o seu sistema educativo, así como un video resumen con algunhas das "miles" de fotos que trouxo de alí. 
Como parte dese programa, hai que facer unha difusión da súa experiencia, e que mellor maneira de facelo que colgalo no blogue da clase e páxina web do cole para que chegue ao máximo número posible de membros da nosa comunidade educativa. Esperamos que o desfrutedes e para calquera información que queirades sobre o programa non dubidedes en poñervos en contacto con ela.

TAPONEANDO NO VALES

Este ano felicitamos o Nadal con tarxetas elaboradas con tapóns polos nenos e nenas de 1º, 2º e 3º de Primaria. Felices festas a todos!!

 

Distribuir contido