blogue de_Orientación

Presentación

 

A través deste blogue, o Departamento de Orientación do CEIP Francisco Vales Villamarín, pretenderá difundir actividades desenroladas no centro, recursos e materiais interesantes para a atención á diversidade de elaboración propia e/ou atopados na rede, orientacións para mestres e familias, difusión de novas e actividades de formación... Pretende ser medio de difusión e comunicación con mestres, alumnos e familias. Gracias por visitalo e participar activamente.

 

 

Charla para as familias: Comunicación afectiva-sexual

A ANPA Brigantium e a ANPA O Carregal organizan estas interesantísimas charlas gratuítas para as familias sobre como tratar con normalidade a  afectividade e sexualidade cos nosos fillos e fillas. Serán o xoves 23 de maio e o mércores 29, ás 18:00h no CEIP Fco. Vales Villamarín. A charla será impartida pola asociación SEXUS.

Animádevos a asistir!

 

 

Paso á ESO: Visita ao IES Francisco Aguiar

O paso xoves 25 de abril o alumnado de 6º EP visitou o IES Francisco Aguiar para coñecer un poco máis como vai ser a nova etapa educativa na que pronto se atoparán. Da man do Director coñecimos as instalacións, organización  e actividades do centro e,  alumnos e alumnas  da ESO, déronnos sabios consellos para poder afrontar con éxito, ánimo e ilusión a nova etapa.

Moitas grazas, un ano máis, pola acollida!.

   

Aprender xogando

Teño bos amigos e amigas pero se de algo estou agradecida é de "ser amiga" de MUDAR-E. Esta asociación de recente creación ten como finalidade mellorar a nosa escola a partir da formación rigurosa e científica do profesorado e o traballo e reflexión en equipo. Se queredes máis información sobre este proxecto podedes pinchar aquí. 

 

Non hai dúbida da importancia do xogo na infancia e  que o mellor xeito de aprender é xogando. O desenvolvemento psicomotor, cognitivo, afectivo-emocional e social estimúlase a través do xogo. Compañeiros e compañeiras da Asociación MUDAR-E facilintan interesantes recursos para facilitar no noso alumnado un axeitado desenvolvemento desde o xogo educativo. Moitas grazas por compartir coñecementos e experiencias. 

 

Pinchar no enlace para acceder.  Nesta páxina podedes atopar recomendacións de xogos por cursos ou asignaturas moi interesantes.

CEL, Recopilación de experiencias de xogos de mesa nas aulas. Pinchade aquí para acceder. 

 

Neste manual podedes atopar unha análise  xogos de mesa recomendados. Pinchade para acceder aquí.

E un iteresante blog "PROYECTO ENSEÑANDO A JUGAR, APRENDER JUGANDO". Pinchade aquí para acceder. 

Protocolo para a atención educativa ao alumnado con Discapacidade Auditiva

Novo protocolo para a atención ao alumnado con necesidades específicas de apoio educativo: alumnado con Discapacidade Auditiva. Pinchar aquí para acceder. 

 

3 de decembro Día Internacional das Persoas con Discapacidade.

Ao longo do mes de decembro, con motivo da conmemoración do día de hoxe, traballaremos en prol das persoas con discapacidade coa proposta de actividades que se adxuntan no documento, partindo sempre dun magnífico libro: WONDER. Pinchade no enlace para acceder ao conto.

 

 

Poñer en valora a diversidade e as diferenzas, ver as discapacidades desde outro punto de vista e traballar en equipo para facer accesible a TOD@S a escola, e máis concretamente o noso patio, é o obxectivo.

Conferencia de David Bueno. Moi interesante!

Hai uns días tiven o pracer de asistir á conferencia«Educar a través de la sorpresa: cómo aprende el cerebro» de David Bueno,  doctor en Bioloxía, especializado na xenética do desenvolvemento e a neurociencia. Recomendo escoitala para entender e adaptar mellor os pocesos educativos.

 

 

Vales de futuro: INTERNET

Como xa comentabamos en entradas anteriores,  a World Wide Web converteuse no maior medio de comunicación da historia da humanidade. A Internet é xa unha ferramenta indispensable e representa un mundo de posibilidades para o lecer e a aprendizaxe pero tamén supón unha serie de risco que debemos coñecer. 

Desde o Departamento de Orientación facilitamos una serie de recomendacións e acceso a guías que esperamos sexan da vosa utilidade para axudar aos vosos fillos e fillas a facer un uso axeitado deste medio de comunicación do presente e, poder así,  evitar riscos nun futuro. 

 

 

Guía Navega con Rumbo (pinchar para acceder)

Guía para uso seguro y responsable de Internet (pinchar para acceder)

Grazas Antia!!

Sempre é un pracer recibir un fermoso agasallo. Pero cando o fan con tanto cariño, traballo e ilusión o corazón énchese dunha felicidade que nunca se esquecerá. 

Antía e a súa mamá, da Escola de Educación Infantil de Fontelo (Ois), fixeron para min e o Vales este fermoso Principito que me acompañará para sempre.

MOITAS GRAZAS!!!

A preocupación de Lucía

Da man do Principiño, o cordero,  o Señor Potato,  Lucía e a súa preocupación achegamos a todo o alumno do centro as funcións do Departamento de Orientación ao longo destes días. 

Así que... rapaces e rapazas, mestres e mestras, familias!,  non deixedes crecer os vosos "baobas". Acudide a falar coa Orientadora e entre tod@s buscaremos unha solución. Esrtamos aquí para axudar.

          

Distribuir contido