O pasado martes iniciouse o Proxecto de Formación para profesorado que terá unha duración de dous anos. Comezamos cun curso que constará de catro sesións teórico-prácticas sobre a Atención á Diversidade e a Biblioteca. Nesta primeira sesión tivemos o pracer de escoitar a Patricia Pena Barbeito, que nos falou sobre as respostas educativas ordinarias para a atención á diversidade.

A retirada do cueiro é un proceso máis de aprendizaxe que levan a cabo os nenos e nenas no seu proceso madurativo.

Se pinchades na imaxe poderedes acceder as pautas que desde o DO recomendamos para acadar o axeitado control de esfínteres.

Se pinchades na imaxe poderedes acceder á Guía elaborada pola Fundación INGADA para promover unha vida saudable. Moi recomendable!

Pinchade na imaxe para acceder ao blogue de Javier Martín (Necesidades Educativas: Discapacidad motórica) que explica a manifesto para este ano 2016 das persoas con Parálise Cerebral.

Xunt@s podemos!

Aplíase o prazo de presentación das BECAS para acneae ata o día 6 de outubro inclusive.

Máis información pinchando na imaxe.

O último fin de semana de setembro conmemórase o  Día Internacional das Persoas Xordas. A Confederación Española de Familias de Persoas Sordas (FIAPAS), con este motivo, leva a cabo unha campaña de sensibilización centrada, este ano, na importancia do momento de comunicación do diagnóstico ás familias. Para acceder ao spot pinchar aquí

Recomendamos a lectura do dossier para familias para o acceso temperá á linguaxe oral, que podedes atopar na biblioteca virtual de FIAPAS

Para a sensibilización na escola recomendamos os seguintes libros:

* Oliver y sus audífonos.

* Oliver y sus audífonos con FM.

* Historia de Lucas

* El misterio de Julia

* Palabras de Caramelo

* El grillo Benito.

* Óyeme con los ojos

* El sueño de Pedro.

Para que as cousas sucedan, primeiro hai que soñalas!

No documento adxunto podedes atopar unha serie de recomendacións para facilitar a incorporación dos vosos fillos e fillas á escola. 

Benvid@s ao novo curso escolar!

O 6 de agosto de 2016 publicouse no BOE  a convocatoria para solicitar  as axudas para alumnado con con necesidade específica de apoio educativo para o curso 2016-2017.

Pinchade aquí para acceder a toda a información.

Convócanse as seguintes axudas:

• Axudas e subsidios para alumnado con necesidade específica de apoio educativo derivada de discapacidade ou trastorno grave de conduta.
• Axudas para programas complementarios a alumnos con necesidade específica de apoio educativo asociada a altas capacidades.

Clases de axudas: Ensinanzas;  Transporte interurbano:  Comedor escolar; Residencia escolar; Transporte por traslado de fin de semana de alumnos internos en centros de educación especial; Transporte urbano;  Libros e material didáctico; Reeducación pedagóxica ou da linguaxe

 Nota: Non pode concederse axuda de transporte para asistir ao gabinete ou centro no que realice a reeducación pedagóxica e de linguaxe, nin para asistir ao programa especial para personas con altas capacidades. Esta axuda é para asistir ao centro no que está escolarizado sempre e cando non estea cuberto con fondos públicos.

Os alumnos matriculados en educación infantil non teñen dereito a axuda por material didáctico por non estar incluído na convocatoria , e os matriculados en calquera outro nivel educativo do ensino obrigatorio (primaria e secundaria) por estar incluídos no programa de gratuidade de libros. Igualmente, as axudas de transporte, comedor, ensinanza e residencia non poderán concederse cando os ditos conceptos estean cubertos por servizos ou fondos públicos de calquera das entidades públicas (estatais, autonómicas, municipais...).

A discapacidade ou transtorno grave de conduta deberá acreditarse por algunha das seguintes vías:

- certificado de discapacidade

- certificado do equipo de orientación educativa e psicopedagóxico da Comunidade Autónoma ou certificado do departamento de orientación dependente da administración educativa correspondente.

- diagnóstico clínico polos servizos de saúde públicos, no caso de alumnado con Trastotno Grave de Conduta

Para realizar a solicitide por dita modalidade compre ter cumplidos dous anos de idade a 31/12/2015

A alta capacidad intelectual deberá acreditarse mediante certificado dun equipo de orientación educativa e psicopedagóxica ou do departamento de orientación dependente da administración educativa correspondente. Os solicitantes teñen que ter cumplidos seis anos de idade a 31/12/2016.

No caso de presentar necesidade de reeducación pedagóxica ou de linguaxe compre presentar a seguinte documentación:

- Certificación expedida polo Inspector de Zona que acredite a necesidade de tratameto pola inexistencia ou insuficiencia da atención pedagóxica proporcionada polo centro e/ou inviabilidade de matricularse en centro que dispoña do servizo de reeducación requerido.

- Informe do Equipo de Orientación Específico ou Departamento de Orientación.

- Memoria do centro reeducador.

- Declaración responsable da persoa que imparte a reeducación.

Solicitudes: deberán cumplimentarse mediante formulario accesible por internet na dirección

www.mecd.gob.es

ou a través da sede electrónica do Ministerio de Educación, Cultura y Deporte na dirección

https://sede.educación.gob.es

no apartado de “Trámites y Servicios”.

Prazo: ata 29 de setembro.

Enlace

http://www.mecd.gob.es/servicios-al-ciudadano-mecd/catalogo/general/educacion/050140/ficha/050140-2016.html

http://sede.educacion.gob.es/tramite/login/inicio.jjsp?idConvocatoria=748

Sabiades que para que as cousas sucedan, primeiro hai que soñalas? 

O Equipo Docente do Vales soñamos con acadar unha escola de cores para todo se todas, onde o noso alumnado desfrute aprendendo, onde todos e todas se sintan incluídos  e veñan á escola contentos e con ilusión. Gracias ao traballo de toda a Comunidade Educativa estamos máis pretos de acadalo. Neste vídeo, que se realizou con motivo das V Xornadas de Formación e Sensibilización sobre a Atención á Diversidade, podes ver as actividades que contribuíron,  ao longo deste curso,  a mellorar a convivencia do centro e acadar o no soño.

Pinchade na imaxe para acceder 

Moitas grazas a td@s. Felices merecidas vacacións e......seguiremos a soñar.

DEPARTAMENTO ORIENTACIÓN

Este é un premio dos que enchen o corazón para sempre. 

Moitas grazas!