Publicada  a listaxe de Libros de Texto e material didáctico impreso para o vindeiro Curso 2020/2021.

Podédela ver no colexio e tamén no seguinte arquivo adxunto.

Publicada no taboleiro de anuncios do centro a listaxe provisional de alumnado admitido para o curso 2020/2021.

Vimianzo, 12 de xuño de 2020.

Secretaria

Estimada famimilas,

Como sabedes xa estamos na Fase 2, polo que o goberno xa autoriza a presenza do profesorado no centro e permite a recollida e entrega de material escolar e libros por parte das familias. Ata o momento non estábamos autorizados.

Co fin de que podan vir entregar e recoller os materiais e libros dos seus fillos/as evitando aglomeracións e respetando as medidas hixiénicas recomendadas, a organización establecida é a seguinte:

• Días 1-2 de xuño: Infantil
• Días 4-5 de xuño: 1º e 2º de Educación Primaria.
• Días 10-11-12: 3º,4º,5º,6º de Educación Primaria.

Cada familia será citada polos titores para unha hora concreta nos días establecidos, para que podan acudir por quendas. Deben traer bolsa para a recollida dos materiais e, aquelas persoas que dispoñan na súa casa dos libros de Fondo Libros, deben devolvelos para poder acceder ás axudas correspondentes no vindeiro curso. Rogamos que veñan con mascarillas e guantes para manter as medidas de seguridade necesarias.

Publicada a Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/2021.

• Formas de presentación:

Os cidadáns poderán acceder á solicitude accedendo á aplicación Fondolibros, e unha vez teñan cubertos todos os datos deberán gardala, obtendo así o número de solicitude, e posteriormente poderán optar polas seguintes formas de presentación:

1. Presentación no centro: Neste caso imprimirá a solicitude e o anexo ll e presentaranos no centro (debidamente asinados), xunto coa documentación ( A solicitude terá asignado un número pola aplicación).
2. Presentación na Sede Electrónica da Xunta de Galicia.

No caso das persoas que precisen recoller as solicitudes en formato en papel poden acudir ao centro respectando o seguinte orde na medida do posible, tendo en conta as medidas de seguridades requeridas na situación actual:

Plazos:

• Familias de 6º de Educación Infantil e 1º de primaria: Venres 22 de maio.
• Familias de 2º e 3º de primaria: Luns 25 de maio.
• Familias de 4º e 5º de primaria: Martes 26 de maio.

Para a entrega da documentación, unha vez cumplimentada, establécense os seguintes plazos:

• Familias de 6º de Educación Infantil e 1º de primaria: 1,2,e 3 de Xuño.
• Familias de 2º e 3º de primaria: 4,5 e 8 de Xuño.
• Familias de 4º e 5º de primaria: 9,10 e 11 de Xuño.
  

Horario de entrega: 11:00 h a 13:00h.

As persoas que non poidan acudir nas datas sinaladas deben intentar ter entregada a documentación antes do 16 de Xuño, por organización administrativa no centro.

IMPORTANTE: O alumnado beneficiario de axudas no curso 2019/20 terá a obriga de devolver os libros ao centro para poder acceder a esta axuda. O alumnado de 1º e 2º no ten que devolver os libros. Nuns días publicaranse os prazos establecidos para a recollida e entrega de libros e materiais para cada curso, unha vez entremos na FASE 2 tal e como esixe a lexislación vixente.

Atendendo ás Instrucións do 27 de Abril de 2020, da Dirección Xeral de Educación, Formación Profesional e Innovación Educativa para o desenvolvemento d 3º trimestre do curso académico 2019-2020, nos centros docentes da Comunidade Autónoma de Galicia, apartado 6.13, a continuación poden acceder ás respectivas Adaptacións das Programacións Didácticas correspondentes á 3ª Avaliación elaboradas polos respectivos mestres:

* Para poder visualizar os archivos adxuntos debe pinchar arriba no título desta publicación e entrar nela.

URXENTE!! ADMISIÓN DO ALUMNADO:

Restablécese o prazo para a presentación das solicitudes de admisión de alumnado a partir do día 11 de maio e rematará o día 18 de maio.

Infórmase ás familias que, para presentar a documentación, se lles atenderá na secretaría do centro en horario de 10:30 ás 13:00 horas dende o día 11 de maio ao 18, ambos incluidos.

Para calquera dúbida poden chamar ao teléfono do centro en horario de mañá. Para recordar que necesitan entregar no centro pode acceder aquí á publicación anterior onde se detalla.

Atendendo ás medidas de seguridade recomendadas, rógase manter a distancia prudencial no momento da espera para a entrega da documentación, así como o uso de mascarillas e luvas.

Para ter máis información poden consultar o DOG número 86, do mércores 6 de maio, no seguinte enlace onde se recolle a informacion relativa aos acordos en educación e prazos establecidos ( á partír da páxina 19132).

O equipo directivo

REPARTO DE MATERIAIS

Dende a Federación Galega de Asociacións de Directivos de Colexios de Ensino Público (FEGADICEP) ,respecto ás consulta sobre o reparto de materiais responde o seguinte: 

"Feita a consulta sobre o movimento que está habendo por parte das anpas, e algunhas direccións e concellos, co tema do reparto de material, comentar o seguinte: Van pechar coa FEGAMP un criterio único de actuación e logo enviarán instruccións aos centros. As direccions non deberían citar ás familias nos centros para a recollida, estando vixente RD do estado de alarma".

Dende o centro, tendo en conta estas indicacións e co fin de respetar en todo momento a legalidade, esperaremos a que nos envien instruccións definitivas para actuar de acordo cos criterios establecidos.

Vimianzo 23-4-2020

INFORMACIÓN DE COMEDOR

Estimados pais/nais:

Comunícaselles que recibirán os impresos de comedor correspondentes ós 13 días de uso do mes de marzo por correo ordinario. Unha vez abonado o importe no banco, deben enviar a foto ou o xustificante de pago, onde se aprecie o selo bancario, ao correo electrónico do colexio (ceip.sanvicenzo@edu.xunta.es) para que teñamos constracia do pago.

Recordámoslles que para calquera dúbida poden chamar ao teléfono do centro en horario de mañá onde intentaremos axudalos.Sinto moito a molestias nestes momentos. Desexámoslles o millor e moito ánimo.

Un saúdo

A Dirección

* Na publicación que lle segue a esta actualizaranse periodicamente os contidos de traballo para cada curso.

PUBLICACIÓN DOS BOLETÍNS DE NOTAS DA 2ª AVALIACION:

A partír do venres día 3 de abril, as familias poderán ver os boletíns de notas da segunda avaliación a través da aplicación AbalarMOBIL. As indicacións para instalar a aplicación foron enviadas ás familias na segunda avaliación a través de unha circular á que poden acceder pinchando aquí:

• Instrucións para instalar AbalarMOBIL

 * As familias que teñan dificultades para instalala debido ao número de teléfono deberán comunicarllo aos titores para que informen ao equipo directivo e poder solucionalo.

AXUDAS DIRECTAS A USUARIOS GRATUÍTOS E SEMIGRATUITOS DE COMEDOR ESCOLAR:

O luns día 30 de marzo publicarase a Orde de axudas directas a usuarios gratuítos e semi-gratuítos (pago de 1 euro) de comedor escolar no Diario Oficial de Galicia. As axudas están destinadas a satisfacer unha compensación  de dous euros e cincuenta céntimos (2,50 €) no casos dos usuarios con gratuidade total e de un euro e cincuenta céntimos (1,50 €) nos casos  que teñen a obriga de satisfacer un euro (1 €) pola prestación do servizo de comedor. Os beneficiarios teñen ata o día 6 de abril para formalizar as peticións. As solicitudes poderán tramitalas as familias por vía electrónica no portal da Xunta de Galicia, ao que poden acceder a través do seguinte enlace: 

• Procedementos e servizos SEDE electrónica Xunta

Para ter acceso á Orde con máis información prema no seguinte enlace:

http://www.edu.xunta.gal/centros/ceipsanvicenzo/system/files/ORDE_do_27_de_marzo_ALERTACOMEDORES

No seguinte enlace pode atopar a información resumida e que recolle as preguntas máis habituais. No punto 7 recóllese como é o procedemento para tramitar a axuda:

• Resumo explicativo da Orde e tramitación da axuda

Para atender dúbida ao respecto atenderémolos no teléfono do centro 881 866 532 en horario de 10:00 a 12:00 h ao longo desta semana. Non se atenderá de forma presencial.

CARTA ÁS FAMILIAS:

No seguinte enlace poden acceder á circular, elaborada polo Claustro, onde informamos ás familias sobre como consideramos que debemos actuar ante a difícil situación que estamos vivindo e como podemos colaborar para ofrecerlles asesoramento e apoio escolar, tendo en conta os medios cos que contamos no noso centro:

Prema aquí:

•  http://www.edu.xunta.gal/centros/ceipsanvicenzo/system/files/CARTA%20%C3%81S%20FAMILIAS.pdf

* Na publicación que lle segue a esta seguiremos actualizando os contidos achegados por cada mestre para as distintas áreas. As actualizacións engadiranse nos espazos creados para os grupos e especialidades a modo de enlaces.

Atendendo ao disposto na Instruccións do 13 de marzo de 2020, provisionais dirixidas ás direccións dos centros educativos de ensino non universitario sobre a concreción das medidas a adoptar en relación á pandemia covid-19 para os vindeiros 14 días naturais contados dende o 16 de marzo de 2020.

PROCESO DE ADMISIÓN:

Amplíase provisionalmente o prazo de presentación telemática e presencial de solicitudes de admisión que finalizá 1 semana despois do reinicio das clases.

Recoméndase a utilización preferente da modalidade telemática para a prestación das solicitudes.