Refráns de febreiro

Xaneiro escabroso, febreiro amoroso.
Xaneiro xeadeiro,febreiro grileiro.
Xaneiro xiadeiro, febreiro fervedeiro, marzo pelarzo, abril co día no cubil.

Xaneiro añeiro, e febreiro cabriteiro.

Aproveite ben febreiro quen mal folgou en xaneiro.

Abrígate por febreiro con dúas capas e un sombreiro.
En febreiro busca a sombra o can; en marzo o can e o dono.
En febreiro, sete capas e un sombreiro.
En febreiro garda a leña no leñeiro.
En febreiro limpan o cu no palleiro.
En febreiro mete obreiro, antes no derradeiro que no primeiro.
En febreiro mete obreiro, pan che comerá pro traballo che fará.
En febreiro nin can, nin cadela nin sombreiro.
En febreiro saca o boi do teu centeo.
En febreiro sae o oso do oseiro.
En febreiro, sardiñas no fumeiro.
En febreiro sete lobos ao carreiro.
En febreiro sete lobos ao carreiro.
En febreiro, un pouco ao sol e outro ao fumeiro.
En febreiro, un día ó sol e outro ó braseiro.
Entre xaneiro e febreiro, inverno verdadeiro.

A castaña e o besugo en febreiro están en zugo.

Febreiro camiseiro, nin boa meda nin bo palleiro.
Febreiro currusqueiro, marzo ventoso, abril chuvioso, maio louro cuberto de ouro.
Febreiro, felerpeiro.
Febreiro febroso, marzo, ventoso.
Febreiro lardeiro.
Febreiro mollado, maio soleado.
Febreiro moliñeiro; marzo ventoso; abril chuvioso, maio louro, cuberto de ouro.
Febreiro ventoleiro, cada suco seu regueiro.
Febreiro tasqueiro, nin boa meda nin bo palleiro.
Febreiro, xeada na leira e cachopo na lareira.

A chuvia en febreiro fai o palleiro.

Auga de febreiro, enche o cabaceiro.

Auga en febreiro, mellor que en xaneiro.

En febreiro corre a auga por calquera regueiro.

En febreiro, por cada rego un caneiro.

Cando chove en febreiro todo ano é temporeiro.

Se chove en febreiro, nen trigo nen centeo.

Se non chove en Febreiro, nin bo prado, nin bo centeo, nin bo lameiro.
Se non chove en febreiro, van as pipas ao fumeiro.

A neve febreiriña vaise axiña.

Neve febreiriña, pícaa a galiña.

Neve febreiriña, tarde ven e logo camiña.
Neve febreiriña, tarde ven e axiña camiña.

Dure a mala veciña o que a neve febreiriña.

Se febreiro non febreirea, marzo non marcea.

Come máis pan un día de sol de febreiro que os cabalos de todo o reino.

Mal ano espero, se en febreiro anda en mangas de camisa o xornaleiro.

Un día bo en febreiro é un ladrón no eido.

Febreiriño a ferverexar e a espurritiña do trigo a medrar.
Febreiriño corto cos seus vinteoito, se tivera máis catro non paraba can nin gato, nin abella no burato.

Febreiro corzo, cos seus vinte e oito, se durara máis catro, non quedaba can, nin rato no seu burato.

No mes de febreiro co cu no mesote e cos pés no braseiro.
No mes de febreiro sube ao outeiro: se ves reverdear ponte a chorar, e se ves branquear ponte a cantar.
Se en febreiro quente estás, en Semana Santa tiritarás.

Se en febreiro estiveche quente, na Pascua baterás o dente.
O febreiro, nen de tarde nen de mañá ten formalidade.
Ó sol sen sombreiro, nin en agosto, nin en febreiro.
Ten o inverno por pasado se ves a febreiro empapado.

A partir da Candeloria, ningunha ave voa soa.

Cando a Candeloria chora, a metade do inverno vai fora.

Se a Candeloria chora, metá do inverno vai fóra; que chore, que deixe de chorar, metá do inverno está por pasar.

Pola Candeloria metá do inverno vai fóra, se chove ou venta, inda entra.
Pola Candeloria cásan os paxariños e vaise a galiñola.
Brais, lávate e comerás, e dispois de ben lavado, non comerás bocado.
Mira, Brais, por onde vas, e coida ben o que fas.
Por San Brais, dúas horas máis.
San Brais da barca que afoga e non mata.
Día de S. Brais , hora e media mais, e o que ben lle contou, dúas horas lle encontrou.

Polo San Valentiño a amendoeira esbrocha o grumiño.