Vostede está aquíSec. Bilingües

Sec. Bilingües


Benvidos sticky icon

Benvidos ao espazo adicado ás seccións bilingües do CEIP Mesón do Vento. Esta sección está integrada polos mestres: Susana (mestra de Inglés e coordinadora), Rocío Souto (mestra de Música),  e Alejandro Varela (mestre Ed.Física). 

No presente curso académico ampliamos as seccións bilingües no centro quedando da seguinte maneira:

Educación Musical: 1º, 2º e 3º curso de Educación Primaria.

Educación Física: 3º, 4º, 5º e 6º de Educación Primaria.

Como novidade este ano contamos con unha auxiliar de conversa chamada Ángeles, procedente de Canadá, que está connosco dous días á semana (un total de 8h) dende o 1/10/19 ata o 31/05/20. A súa presenza está axudándonos moito para que @s nen@s teñan máis ganas de aprender a lingua estranxeira.

Comprácenos tamén informalos de que os mestres que formábamos parte da sección bilingüe no curso escolar 17-18 (Xela, Rocío e Álex) acadamos varios premios no proxecto que levamos a cabo titulado: “What are some tradicional dishes of your country?”. Os premios foron os seguintes:

Autorizacións sección bilingüe

  O centro quere continuar coa implantación de seccións bilingües. Neste curso tamén implicarán a Educación Músical de 1º EP e Educación Física de 3º EP. Premede na ligazón e poderedes descargar as autorizacións para firmar e máis información.  AUTORIZACIÓNS SECCIÓN BILINGÜE.

Enviamos a resposta das cartas dos compañeiros do Blackness Primary School (Escocia)

Como sabedes tanto os alumnos de 5º coma 6º de Educación Primaria están realizando un proxecto en común co colexio Blackness Primary School. Fai unhas semanas recibimos as súas cartas e estivemos léndoas e por suposto respondendo a todas elas.

Aquí podedes ver un vídeo coas nosas cartas que hoxe mesmo serán enviadas para Escocia, esperemos que lles gusten e que cheguen prontiño alá!!!=)

 

Vídeo resumo das cartas e libro recibido de ESCOCIA

Aquí vos deixamos unha mostra de todos as cartas e o libro coa fotografías que recibimos do Blackness primary school, esperamos que vos guste!!=)

RECIBIMOS AS PRIMEIRAS CARTAS DO BLACKNESS SCHOOL DE ESCOCIA

Hoxe chegaron ao noso centro cartas dos compañeiros do Blackness, o colexio co que estamos conxuntamente facendo o proxecto este ano, encantounos abrir todas as cartas e poder ver as fotografías do seu colexio.

Ademais dicir tamén, que dentro de todas elas había outras moi especiais, pois estamos intercambiando tamén cartas  e cooperando no proxedcto con outro centro, neste caso un colexio español das illas baleares.

Gracias a todos polas cartas recibidas e esperamos que as nosas cheguen axiña tamén.

 

Postais realizadas para o proxecto Let´s sharing our BlackVento cultures"

Continuamos co noso proxecto con Escocia realizando actividades de nadal para eles, en esta ocasión creamos unhas postais felicitándolle o nadal os nosos amigos do Blackness primary School. 

Primeiro envío dirección ESCOCIA

Os alumnos de 5º e 6º estivemos preparando unha das primeiras actividades que forman parte do proxecto "Let´s sharing our blackvento cultures", o proxecto que temos co colexio Blackness de Escocia. 

Estivemos preparando un libro con imaxes e descripcións, tanto en inglés como castelán,do noso colexio, para que os nosos compañeiros escoceses o coñezan.

Esperamos que lles guste e agardamos con entusiasmo que nos chegue información deles!!=)

PROXECTO CON ESCOCIA "Let´s sharing our Blackvento culture"

Como todos sabemos a primeira mobilidade que formou parte do erasmus + que están realizando os nosos mestres Álex e Rocío, tivo lugar en Escocia, foi aquí onde establecimos contacto co colexio no que estivo a nosa mestra de música durtante dita estancia,  para realizar un proxecto en común con eles.

O centro escocés chámase Blackness School e despois de diversas conversas e trámites por fin nace o proxecto titulado " Let´s our BlackVento culture" tendo como obxectivo compartir experiencias dende o CEIP Mesóndo Vento (España) ata o Blackness Primary School ( Escocia).

O proxecto foi creado na plataforma Etwinning por nós mesmos, traballaremos mediante esta plataforma co outro centro, participará o noso alumnado de 5º e 6º e os alumnos escoceses de P.5 (10 anos aprox.), manterémosvos informados de todas as novidades colgándoas tanto no apartado de erasmus + como no de sección bilingüe, asique estade moi atentos.

Proxecto " moedas do mundo"!!=)

A finais da pasada avaliación, a raíz da primeira mobilidade na cal os nosos mestres,Álex e Rocío estiveron uns días en Escocia, os alumnos de 5º puideron ver as libras, a moeda que se utiliza alí.

Isto espertou curiosidade en todos eles e por iso decidimos adicar unhas sesións de naturais e sociais para facer o proxecto de  "moedas do mundo" coñecendo así outras moedas e as súas equivalencias co euro.

Grazas a súa gran implicación puidemos ver un montón delas, asique non o dubidedes e non vos podedes perder o seguinte vídeo, no cal se resume o seu gran traballo: