Vostede está aquíEDLG
EDLG
EDLG
Este curso, os compoñentes do EDLG son:
Anabel Liñares, Lucía Míguez Rivas,
Sara Miramontes Varela, Anxos Vázquez
e Julián Montouto López.
Día das Artes Galegas
O luns 1 de abril foi o Día das Artes Galegas, dedicado este ano ao insigne escultor Francisco Asorey (si, o que fixo a estatua que está no Parque Municipal de Ordes). Por este motivo fixemos no cole un xigantesco mural cunha das súas obras máis representativas: Naiciña de 1922. Vede na foto o chulo que quedou.
Día de Rosalía
O día 23 de febreiro conmemoramos o nacemento da nosa escritora máis coñecida. Así que todos nos reunimos no pavillón para oír un dos seus poemas musicados e plantar unha camelia na súa honra. Para ver fotos, premede no letreiro.
Letras Galegas 2023
O venres, día 12 de maio celebramos as Letras Galegas con moitas actividades. Premede no letreiro para ver as fotos.
Celebramos a Rosalía
Con algo de retraso -circunstancias mandan- todas as clases do cole dedicamos tempo a celebrar á nosa máis grande escritora. Premede na imaxe e vede como nos quedaron eses traballos.
O Refraneiro do Mesón
Os nenos e nenas do CEIP Mesón do Vento fixemos un traballo moi importante de tipo etnográfico: buscamos refráns sobre todos os meses do ano, logo escribímolos e ilustrámolos e velaquí tedes o resultado dese traballo.
Letras Galegas e Apadriñamento lector
E de propina os nosos rapaces maiores lendo contos.
Día das Letras Galegas 2020
Xa sabedes que este 17 de maio chega o día máis grande para a nosa cultura. Desde o EDLG queremos que o celebredes como se nada pasase. Un abrazo a todos e que teñades un gran DÍA das LETRAS GALEGAS. Para coñecer mellor ao autor homenaxeado, Carvalho Calero podedes ver este vídeo cun dos seus poemas máis nostálxicos e emotivos: Ferrol 1916.
Camiño Inglés
O EDLG preparou un traballo sobre o Camiño Inglés ao seu paso pola comarca de Ordes. O noso amigo Ardemiro é un guía de excepción para informarnos de todos os lugares de interese que podemos atopar nel. Se queredes velo, premede na seguinte ligazón:
ARDEMIRO NO CAMIÑO INGLÉS (1º e 2º)
Situación lingüística
No ano 2013 o EDLG pasou unha enquisa para saber con precisión a situación lingüística do noso centro.
Os resultados non foron sorprendentes: sobre un 90 % dos alumnos (e o mesmo pasa cos seus pais e nais) emprega habitualmente o galego.
Se queredes profundizar máis, premede no arquivo adxunto onde veredes os resultados desta enquisa comparados cos das enquisas anteriores.
