Vostede está aquíBlogues / blogue de osvaldoguia / Refráns de xaneiro
Refráns de xaneiro
Xaneiro mollado, febreiro transtornado.
Xaneiro quente trae o demo no ventre.
Xaneiro xiado e abril mollado, enchen o faiado.
Xaneiro xiadeiro, febreiro grileiro.
Xaneiro frío o atemperado pásao arroupado.
No mes de xaneiro pon os pés no braseiro.
A auga de xaneiro, cada gota vale un diñeiro.
A auga de xaneiro, todo o ano ten tempero.
A auga no mes de xaneiro mata ó usureiro.
Cando chove en xaneiro non hai nin bo prado nin bo lameiro.
Moita chuvia en xaneiro, pouca anada no cabeceiro.
Poucas chuvias en Janeiro enchen o canleiro.
Cando as ras cantan no xaneiro, sinal de fame no eido.
Tronos en xaneiro, mortandade no reino.
Un bo día en xaneiro é un lobo no quinteiro.
Un bo día en xaneiro, mao no eido.
En xaneiro visita o outeiro; se ves verdegar ponte a chorar, se ves terrexar ponte a cantar.
Amor, o primeiro, e lúa, a de xaneiro.
Coa lúa de xaneiro vese a formiga no carreiro.
En xaneiro a raia sabe a carneiro.
En xaneiro sabe a verza vella a carneiro.
Verzas en xaneiro, saben coma carneiro.
Por xaneiro o ferreiro vale carneiro.
En decembro descansar, en xaneiro traballar.
En xaneiro, mellor carballo que castiñeiro.
En xaneiro pon o alleiro.
Se queres ter bo alleiro, pon o allo no mes de xaneiro.
A flor de xaneiro non chega ao froiteiro.
Quen colle a aceitona antes de xaneiro deixa o aceite no oliveiro.
Queimemos o loureiro no mes de xaneiro.
No minguante de xaneiro corta o teu madeiro.
Polo xaneiro verán, nin palla nin gran.
A sardiña no xaneiro cúspelle a barba a un mariñeiro.
O pito de xaneiro coa súa nai sobe ó poleiro.
En xaneiro nin galgo leboreiro nin falcón perdigueiro.
En xaneiro xa a abella pon os pés no salgueiro.
En xaneiro xiadeiro non ha faguer a ovella máis pisada ca no rigueiro.
Entre nadal e xaneiro, inverno verdadeiro.
Entre xaneiro e febreiro, inverno verdadeiro.
Nadal e febreiro fan o inverno enteiro.
Tantos días de sol en xaneiro, tantos de choiva en San Xoán.
Polo San Xian medra o día un pasiño de can.
Polo San Vicente ten o día unha hora máis, metade pola mañá, metade polo serán.
Polo San Vicente perde o inverno un dente.
Polo San Vicente planta os nabos da semente.
Polo San Sebastián coñece o día o pailán.
San Xian: 9 de xaneiro. San Vicente: 22 de xaneiro.