NOVIDADES

FACER MEMORIA EN MAÑÓN

A compañía Berrobambán arrancou esta semana no Concello de Mañón a segunda temporada de "Facer Memoria", un proxecto escénico e vivencial no  que se  brinda voz ao público para contar no teatro as súas lembranzas, e quixeron pasar un ratiño no noso centro coas rapazas e rapaces para falar do traballo que realizamos o curso pasado, "As Mulleres do Concello de Mañón".

Facer memoria, é un proxecto que conta co apoio da Deputación da Coruña a través da liña de axudas a Proxectos Singulares de Especial Interese Cultural na Provincia da Coruña, parte así da tradición oral, da creación comunitaria e da descuberta colectiva para desenvolver un proceso teatral que desemboca nun encontro-espectáculo no auditorio municipal de cada concello no que a veciñanza participante intervirá sobre as táboas.

Os obxectivos principais de Facer Memoria pasan por coñecer a historia dos lugares que habitados e a súa contorna directa, recuperar a memoria oral, conservar a lingua e darlle valor á memoria individual como paso previo para reconstruír a memoria colectiva. Para acadar estas metas, establécense sinerxías e técense redes de colaboración con asociacións e entidades locais dos diferentes municipios polos que xirará este proxecto de Berrobambán.

 

 

REUNIÓNS DE INICIO DE CURSO COAS FAMILIAS

A continuación especifícanse os lugares e datas das titorías informativas de inicio de curso coas familias:

 

Grupo de 4º/5º/6º de Educación Primaria 

Lugar: aula do grupo (na 2ª planta do colexio).

Data e hora: martes, 6 de setembro, ás 12:00h.

 

Grupo de 1º/2º/3º de Educación Primaria

Lugar: aula do grupo (na 2ª planta do colexio).

Data e hora: mércores, 7 de setembro, ás 10:30h.

 

Grupo de Educación Infantil

Lugar: aula do grupo (na planta baixa do colexio).

Data e hora: mércores, 7 de setembro, ás 11:30h.

MINIHOTEL DE INSECTOS

Este ano, unha das liñas do noso Plan de Formación Permanente do Profesorado foi a internacionalización e comunicación con centros educativos de toda Europa. Agora formamos parte da comunidade eTwinning , que ofrece unha plataforma aos equipos de docentes dos centros escolares europeos participantes, para comunicarse, colaborar, desenvolver proxectos e compartir. 

Esta é a nosa primeira colaboración no proxecto creado por outro centro no que están a participar diversos centros de Europa: "Cadena de hoteles de insectos". O proxecto pretende crear unha situación de aprendizaxe basada na construción dun hotel de insectos (en cada centro) e a observación sistemática da colonización e hábitos dos seus habitantes, optimizando o protagonismo dos alumnos e o seu empoderamento na toma de decisións e desenvolvemento do seu traballo.

O CAMIÑO DO NORTE

Ola pequenos peregrinos e peregrinas!

Como xa sabedes, este ano Xacobeo estamos a dedicarlle especial atención ao Camiño de Santiago. Lembrades o disfraz do Entroido? Agora que xa sodes uns expertos/as na indumentaria dun peregrino, é momento de calzar as botas e poñernos a andar. Pero antes de desfrutar do último tramo do Camiño en vivo e en directo (nunha visita que estamos planificando a Santiago próximamente), podedes realizar o voso camiño de xeito virtual e aprender cousas moi interesantes neste xogo que elaboramos para vós.

(Recomendado ver en pantalla completa e co son activado).

Aqui

FELIZ DÍA DAS LETRAS GALEGAS

LETRAS GALEGAS 2022

 AQUÍ TEDES ACTIVIDADES COAS QUE PODEDES APRENDER MÁIS SOBRE O AUTOR HOMENAXEADO ESTE ANO NO DÍA DAS LETRAS GALEGAS

FLORENCIO DELGADO GURRIARÁN

 

BIOGRAFÍA FLORENCIO DELGADO

          O ROSCO DE FLORENCIO DELGADO  

 A RULETA DE FLORENCIO

AS AVENTURAS DE FLORENCIO

FELIZ DÍA DO LIBRO

AS MULLERES DO CONCELLO DE MAÑÓN

Durante a semana do 8 de marzo as nenas e nenos fixeron un traballo de recopilación de información sobre mulleres do noso concello. Cada participante escolleu unha muller do seu entorno que viviu ou vive en Mañón e aportou unha imaxe e información sobre as súas ocupacións.

Aquí mostramos o produto final do proxecto. Recomendamos velo co son activado e nunha tableta ou ordenador, a pantalla completa.

 

 

SEMANA DE ROSALÍA

Distribuir contido