Neste reto, Ánxeles desafiábanos a descubrir unha palabra segreda que da nome a un tipo de organismos acuáticos.
Tivemos que buscar pola biblioteca as follas perdidas do seu caderno pero... non había nada escrito nelas!
Finalmente, atopamos unha misteriosa lanterna que parecía ser a solución ao problema, así que, despois de romper a testa un rato, a alguén se lle ocorreu apagar as luces e....
Por fin tiñamos algo, pero parecía non ter moito sentido ata que nos percatamos de que cada folla tiña un número. Soamente había que ordenar as letras para formar a palabra:
Unha vez descuberta a palabra segreda, tocaba investigar sobre este tipo de seres vivos acuáticos. Aprendimos que o son organismos que producen o seu propio alimento e nutrientes mediante o proceso da fotosíntese, igual que as plantas.
Ademais, descubrimos que hai algúns que son bioluminiscentes, é dicir, brillan na escuridade e deixánnos imaxes tan espectaculares como esta:
FOTO TOMADA DE TIEMPO.COM
A este fenómeno coñéceselle como "mar de ardora" e podemos velo nas nosas costas, principalmente nos meses de agosto e setembro.
Dende logo, a natureza é marabillosa! Que ganas de que chegue o verán para poder contemplar o fermoso espectáculo nas praias de Esteiro, Bares ou Vilela...
VOLVER Á PÁXINA PRINCIPAL DO PROXECTO
