ANUNCIO DE APERTURA DO PRAZO DE ADMISIÓN DE MEMBROS DA COMUNIDADE EDUCATIVA DO CEIP FRANCISCO LÓPEZ ESTRADA COMO COLABORADORES VOLUNTARIOS NAS TAREFAS DE ATENCIÓN E APOIO AO ALUMNADO USUARIO DO COMEDOR ESCOLAR DURANTE O CURSO 2023-2024.

As nais, os pais, os/as titores/a legais e os/as acolledores/as familiares do alumnado deste centro de ensino, que desexen, ao longo do curso 2023-2024, colaborar de xeito altruísta nas tarefas de atención e apoio aos escolares usuarios do comedor escolar, poderán apuntarse nas listas de admisión, que, habilitadas para este fin, se atopan na Dirección.

O prazo para presentar solicitudes permanecerá inicialmente aberto ata o día 8 de setembro de 2023, podéndose reabrir un novo prazo, de ser o caso, ata o 22 de decembro de 2023. Durante o curso escolar 2023-2024 só se contará coa colaboración das persoas que figuren anotadas nestas listas.

O prazo de presentación das autodeclaracións para empregar o servizo de comedor escolar do vindeiro curso 23/24 está en activo ata o comezo do curso escolar. Os prezos calcularanse a partir do exercicio do 2022.

Pódese descargar o modelo de autodeclaración e especificacións no documento adxunto, ou pedilo no centro.

Presentarase cuberto no colexio durante todo o mes de xullo (os mércores e venres de 11:00h a 13:00h) ou no mes de setembro.

Aquí podedes ver un tríptico informativo sobre o proxecto EcoComedores: