INVESTIGAMOS SOBRE OS FAROS

A comezos do mes de novembro chegábanos esta carta, na que "Ánxeles Alvariño" nos retaba a investigar sobre os faros:

Puxémonos mans á obra e comezamos a investigar na casa, na internet, na biblioteca, nas nosas aulas... e descubrimos moitas cousas interesantes.

Ademais, decidimos elaborar o noso propio catálogo de faros das Rías Altas, así que repartimos o traballo e cada nena/o recompilou ou información sobre un faro e fixo un traballo/mural sobre el. 

Tamén construímos maquetas de faros con diferentes materiais (legos e outras pezas de construción, cartón e outros materiais de refugallo...).

Todos os produtos creados foron expostos no centro xunto cun mapa de Galicia onde cada un de nós situamos o noso fato colocando unha foto.

Finalmente, presentamos os nosos traballos aos compañeiros/as de 4º da ESO do IES de Ortigueira, aproveitando a súa visita ao noso centro.