O alumnado de 3º, 4º, 5º e 6º EP partocipou, o pasado 2 de febreiro, na fase local de cross escolar nas Pontes de García Rodríguez, dentro do programa XOGADE.

Os obxectivos desta actividade son:

- Fomentar unha práctica deportiva, educativa e saudable.

- Difundir os valores da competición dende unha perspectiva máis regrada.

- Facilitar a práctica nunha modalidade de gran tradición histórica en Galicia. 

Os faros non entenden de fronteiras, iluminan a todo o mundo por igual.

VER GALERÍA DE IMAXES

Este curso participamos na quinta edición do concurso Pilabot.

O certame, posto en marcha pola Vicepresidencia Segunda e a Consellería de Medio Ambiente en colaboración cos xestores de pilas autorizados na Comunidade -Ecopilas, ERP e Ecolec-, busca fomentar a reciclaxe de pilas entre a comunidade escolar e as familias do alumnado, ao tempo que facilita información e recursos didácticos para promover actitudes positivas que preveñan os problemas de contaminación que poden ser derivados se non se xestionan de forma adecuada.

O noso centro competirá con outros ao longo de seis semanas lectivas para conseguir as mellores cifras de recollida de pilas, acumuladores e baterías en desuso, que son dos residuos máis contaminantes que se xeran nos fogares.

RECICLAR TEN PREMIO

Os gañadores do concurso de reciclaxe de pilas deste curso, repartiranse 7.500 euros divididos en catro premios: dous de 2.500  euros cada un para o centro que máis kilos recupere e para o que teña a mellor tasa de recollida por alumno, e outros dous de 1.250 euros para os segundos clasificados en cada categoría.

O diñeiro deberase destinar á compra de material escolar, deportivo ou á organización de actividades educativas para o alumnado.

Axúdasnos a conseguilo?

O alumnado e persoal do centro levará para a casa unhas caixiñas de cartón para faciliar a recollida de pilas nos fogares. As pilas recollidas poderanse ir depositando nun contedor habilitado no colexio ao longo das vindeiras 6 semanas.

Que tipo de residuos se poden traer?

Son obxecto do concurso os residuos de pilas e acumuladores portátiles. 

Considéranse pilas e acumuladores portátiles calquera pila, pila botón, acumulador ou batería que estea precintado, poida portarse coa man e non sexa industrial nin de automóbiles. Teñen esta tipoloxía as pilas botón e estándar e os acumuladores utilizados en calquera aparello presente nos fogares e as oficinas, tales como mandos a distancia, teléfonos móbiles, computadores portátiles, xoguetes eléctricos e electrónicos, ferramentas portátiles, etc.

Cal é o prazo de recollida?

A recollida comezará a partir do día 22 de febreiro (data prevista de chegada do contedor ao noso centro) e durará 6 semanas.

PRAZO DE PRESENTACIÓN:

O prazo de presentación abranguerá do 15 de xaneiro ao 5 de febreiro de 2024

FOLLA A CUMPRIMENTAR:

O modelo ED550A e os anexos estarán dispoñibles a partir da data de inicio do correspondente prazo de presentación: na aplicación admisionalumnado, na sede electrónica da Xunta de Galicia e no centro docente onde se facilitará, de forma gratuíta, unha copia en papel ás persoas interesadas que a soliciten.

FORMA DE PRESENTACIÓN:

Poderase presentar de forma electrónica e presencial.

a) Presentación electrónica de solicitudes:

1. A persoa solicitante ten que acceder á aplicación informática admisionalumnado e cubrir o modelo ED550A - anexo I  para o que necesariamente ten que dispoñer dun certificado de identidade e sinatura dixital (como o certificado da Fábrica Nacional de Moneda e Timbre ou calquera outro admitido pola sede) ou un sistema de usuario e clave como a Chave365.

2. Ademais, terán que cubrir o modelo anexo I-bis ou o modelo anexo II-bis (comprobación de datos e consentimento), segundo corresponda, imprimilo, e unha vez asinado de forma manual pola outra persoa proxenitora, titora ou acolledora, escanealo.

3. A seguir, a aplicación permite conectar coa sede electrónica da Xunta de Galicia para asinar e presentar a solicitude utilizando calquera dos medios de identidade e sinatura do punto 1. Xunto coa solicitude deberá achegar o anexo I-bis ou o anexo II-bis e o resto de documentación que, de ser o caso, fose precisa (libro de familia, sentenza de separación, documentación acreditativa do alumnado con necesidades específicas...).

4. O xustificante da presentación electrónica da solicitude só se xera cando a persoa a asine e a presente a través da sede electrónica da Xunta de Galicia, e indica a data de presentación.

b) Presentación presencial de solicitudes:

1. A solicitude de reserva (ED550A) e o anexo I-bis, pode presentarse no centro docente no que estea matriculado nese momento o alumnado (neste caso o CEIP Francisco López Estrada).

Tamén se pode presentar en calquera dos lugares e rexistros establecidos na normativa reguladora do procedemento administrativo común.

2. Tamén deberá ir acompañada da documentación indicada no anterior punto 3 da letra a).

3. É necesario o consentimento de ambas persoas proxenitoras, titoras ou acolledoras, coa única excepción do consentimento do agresor nos casos de violencia de xénero.

En consecuencia, todas as solicitudes deben figurar asinadas por unha das persoas proxenitoras/titoras/acolledoras, e debe xuntarse a todas o documento asinado co consentimento da outra.

Non obstante, nos casos de ausencia puntual da outra persoa proxenitora non separada nin divorciada, ou da outra persoa titora ou acolledora por circunstancias excepcionais (laborais, familiares, ...), poderá admitirse a presentación dunha declaración responsable da persoa que asine a solicitude indicando o motivo que impida o consentimento expreso da outra.