Equipo de Convivencia

Grazas ao préstamo durante un mes da maleta viaxeira de xadrez do Centro de Formación do Profesorado de Vigo, tivemos a oportunidade de que o alumnado se iniciara neste interesante xogo de estratexia.

Cando rematou o préstamo, e dado o interese suscitado entre o alumnado, decidimos mercar taboleiros e continuar con esta actividade durante os recreos durante todo o curso.

Moitas grazas profe Julio polo tempo e o empeño que lle puxeches!

Hoxe celebramos o Día Escolar da non violencia e da paz con danzas de todo o mundo.

Esta foi a presentación que expusemos o día 25 de novembro, Día Internacional contra a Violencia de Xénero para todo o alumnado de Infantil e Primaria e que foi elaborado polo Equipo de Convivencia dentro do proxecto As emocións a través da música.

Dentro do proxecto interdisciplinar que desenvolvemnos neste curso As emocións a través da música queremos invitar a todas as familias do alumnado do noso centro a recoller por escrito as nanas, arrolos e cancións de berce cos que durmiron aos seus fillos/as, netos/as, sobriños/as... e que nolas veñan cantar nunha próxima xornada co gallo da celebración do Día contra a violencia de xénero que se celebrará o 25 de novembro.

Onte 25 de novembro conmemoramos o Día Internacional contra a Violencia de Xénero.
No CEIP de Fontes-Baíña reunímonos todos e todas na sala de usos múltiples para realizar unha serie de actividades:

• Vimos un vídeo sobre os estereotipos.
• Gardamos un minuto de silencio
• O alumnado de 6º presentou o Decálogo que fixemos entre todos os cursos.
• E finalmente, cantamos todos xuntos.