Actualidade

FOLGA NO ÁMBITO DO ENSINO

Estimados/as pais/nais:

 

Comunicámoslles que as mestras-titoras de INF5ºA, INF5ºB, EP4ºA, EP6ºB secundarán a Folga no ámbito do ensino convocada para o día 9 de marzo de 2017 polas organizacións Federación de Ensino CCOO (FECCOO), Federación de Empregados e Empregadas dos Servizos Públicos (FeSP-UGT), STEs-i e CGT, FECCOO de Galicia, FeSP-UGT Galicia e STEG, Confederación Intersindical Galega (CIG) motivo polo cal non asistirán ao centro.

Ademais do profesorado, persoal non docente e de conserxería que non secunda a folga, estarán no centro, as coidadoras auxiliares de alumnado con n.e.a.e e un membro do equipo directivo en cumprimento da lexislación vixente.

O profesorado que non secunda a folga atenderá, preferentemente, ao alumnado das súas titorías.

O resto do alumnado que acuda ao centro, será “atendido” polos servizos mínimos establecidos e polo profesorado que non secunda a folga e a súa organización dependerá do nº de alumnos/as que asista. En calquera caso, dado que o seu profesorado non estará no centro, non poderán recibir a docencia habitual.

Alerta laranxa por refachos de vento superiores aos 90-100 Km/h en toda Galicia

A Axencia Estatal de Meteoroloxía e Meteogalicia alertan dun fenómeno meteorolóxico adverso de nivel laranxadende as 15 horas en adiante (aproximadamente) do venres 3 de febreiro de 2017, por refachos de vento superiores aos 90-100 km/h que afectarán a toda Galicia.

 Ante a devandita situación de risco, a Comisión Escolar de Alertas acordou a suspensión das actividades no exterior a partir das 15.00h (tanto escolares como extraescolares) das instalacións do centro escolar situados en tódolos concellos de Galicia, con seguimento das condicións climáticas.

Para o caso de que as circunstancias da localidade onde se atopa un centro supuxesen un risco maior, os/as directores/as poderán adoptar as decisións oportunas respecto das actividades no exterior do centro educativo ou sobre as actividades extraescolares.

 A información meteorolóxica poderá ser consultada a través da páxina web do CAE 112 (www.axega112.org).

DÍA DA PAZ CO NOSO “AMIGO PEQUENO"

O luns 30 fomos á clase de Aurora para facer outra actividade do “Meu amigo maior”

Como era o día da Paz, fomos visitalos para contarlles un conto: “A bruxa Discordia”, tamén invitaron aos nenos e nenas da profe Teresa.

 

A historia trataba dunha bruxa chamada Discordia que ía facendo feitizos para que non existise a paz, porque segundo ela, a paz dáballe alerxia, pero Discordia non paraba de comer olivas.

Un día, a bruxa Discordia ía voando na súa vasoira e ocorréuselle un novo feitizo que consistía en que os animais non se deixasen, uns cos outros, ningunha pertenza.

 

De súpeto, apareceu ao lado de Discordia a fada Margarida e díxolle que non era a paz o que lle daba alerxia, se non que o que lle daba alerxia eran as olivas.

A fada Margarida desfixo o feitizo que fixera Discordia e todos os animais volveron a ser amigos.

 

Agora Discordia e Margarida van polo mundo facendo o ben.

 

A nosa profesora Conchy facía de bruxa Discordia e a profesora Aurora de fada Margarida. Tamén había tres narradores que eran Mara, Lucía García e Ángel.

 O resto dos nenos e nenas facíamos os xestos dos animais que aparecían para que os máis pequeniños o entenderan ben.

Foi unha experiencia moi divertida e os nenos estiveron moi atentos

Ao final, todos xuntos, bailamos a canción da paz.

 

Lucía Porto Vilas 6º A

 

 

 Anterior Seguinte

 

"XUNTARTE: XUNTOS POLA ARTE"

 Por fin chegou o venres día 27 de xaneiro de 2017 para que o traballo desenvolto ao longo do primeiro trimestre do curso escolar amose os seus resultados. O alumnado de 4º e 6º cursos de educación primaria participará xunto ao alumnado doutros 7 centros educativos públicos da cidade da Coruña na realización da II Edición de "Xuntarte: Xuntos pola arte".

O CEIP Emilia Pardo Bazán como centro organizador do evento acollerá as familias dos oito colexios públicos no auditorio do IES Universidade Laboral de Culleredo a partires das 18:30 horas para conmemorar xuntos o Día da Paz e a Non Violencia. Danzas do mundo, coros e interpretacións instrumentais que amosarán aos asistentes a calidade artistica dos 440 alumnos e alumnas participantes.

VER VIDEO MUIÑEIRA

 

ACCESO AOS VIDEOS DAS ACTUACIÓNS

MOBILÍZATE POLA SELVA

Onte no colexio, Amanda Barciela, unha bióloga que traballa no Senegal como colaboradora da fundación Jane Goodall, veu

falarnos do seu traballo e da fundación.

 

Explicounos que Jane Goodall fora contratada por un antropólogo para observar ós chimpancés e que ela non tiña estudos

ningún. Así descubriu que os chimpancés tiñan cultura, eran capaces de fabricar ferramentas e que o 98,72 por cento do ADN

dos chimpancés é o mesmo que o dos humáns.

 

Contounos tamén que hai un mineral chamado coltán que utilízase para facer móbiles e que en África exportan o coltán e para

obtelo e mandalo a paises como a China utilizan a nenos para entrar nas minas (explotación infantil).

 

Tamén outro caso de explotación infantil sucede pola avaricia que ten a xente de controlar as minas e entón mandan a nenos

armados en guerrillas.

 

O problema é que para facer as minas talan a selva e deixan ós chimpancés sen habitat.

 

O instituto Jane Goodall encárgase de rescatar e coidar aos chimpancés que quedan sen nai ou que pola tala quedan sen fogar

ou feridos e mutilados. Intentan que poidan volver a vivir en liberdade.

 

É por iso que teñen este proxecto de recollida de móbiles usados para poder recuperar deles o coltan e os que estean aun en

uso, poder vendelos e axudar a esta fundación onde tamén intentan concienciar á poboación do Senegal.

 

 

Maya Morrogh-Bernard e Martí Pérez 6º A

 

 

O XARDÍN DE JUANITA É DE TODOS E TODAS

“Crear es emancipar la mirada,
cuestionar la oposición entre la pasividad del mirar
y la dinámica del actuar.”  
Angélica Sátiro. FILOSOFÍA MÍNIMA. Octaedro, 2016

 

Esta parcela do horto escolar está a ser deseñada polos/as nenos/as de 3 anos dende o comezo do curso, e son eles e elas quenes deciden onde plantar e por qué. Quizais dende a nosa visión de adultos, con moita máis experiencia de vida, pode parecernos algo moi sinxelo, pero a realidade en Educación Infantil é moi distinta.

Estes 12 nenos e 11 nenas (dende cando algúns aínda tiñan 2 anos) están a facer pequenas reflexións filosóficas sobre civismo, respecto, bo humor, bo gusto, paciencia, autoestima, amor … documentando o valor do seu pensamento nas plantacións  e nun diario colectivo no que contan o proceso de creación do xardín.

Por iso pedimos colaboración a toda a comunidade educativa para a conservación e valoración deste recuncho educativo, xa que estamos a atoparnos co feito de que as plantas están a ser arrancadas. Dende a clase de 3 anos “B” desexamos que a participación neste proxecto non sexa unicamente un proceso de aprendizaxe para nós, senón a lembranza de que todos/as somos responsables do noso planeta.

MAR Santiago Arca, Xaneiro 2017

 

Proxecto EL JARDÍN DE JUANITA…

                                                                                                                                                                                             “Una filosofía comprometida
                                                                                                                                                                                             con el encanto y la hermosura
                                                                                                                                                                                             de desear mundos mejores para vivir.”

                                                                                                                                                                    Angélica Sátiro. FILOSOFÍA MÍNIMA. Octaedro, 2016 

… do que a clase de 3 anos “B” é participe na súa parcela do horto. No pdf está á vosa disposición o boletín monográfico deste proxecto no que estamos a participar dende moitas localidades do noso planeta.

Todo o seu desenvolvemento, dende o comezo ata o remate en xuño, será compartido na súa propia páxina en facebook:

  

MAR Santiago Arca, decembro 2016

BO NADAL

Estimadas familias:

Desexámosvos un Bo Nadal e comunicámovos que este centro escolar permancerá pechado por vacacións desde o día 22 de decembro de 2016 ata o día 6 de xaneiro de 2017. As clases reanudaranse o luns día 9 de xaneiro de 2017 segundo o calendario escolar.

 

UN XARDÍN PARA JUANITA

                                                                                                                                                                             “Filosofía-ecológica, que florece herramientas,
                                                                                                                                                                             que hace germinar recursos internos para actuar
                                                                                                                                                                              más allá de castigos y recompensas.” 
 
Angélica Sátiro. FILOSOFÍA MÍNIMA. Octaedro, 2016

 

Este curso na nosa parcela do horto escolar estamos a participar nun proxecto de ética e estética medio ambiental proposto dende o Movemento Filosofía Lúdica, co obxectivo de desenvolver a conciencia ecolóxica.

Consiste en responsabilizar a os/as nenos/as dun espazo natural, un xardín que eles/as mesmos/as van a crear (pensando, construíndo, tocando e coidando) para o personaxe principal do conto “La mariquita Juanita” (Angélica Sátiro, editorial Octaedro, 2004).

Ao longo dos meses de setembro de 2016 a xuño de 2017 podedes seguir como se vai desenvolvendo o proxecto, e a nosa participación (publicacións recentes), no evento “El jardín de Juanita” en facebook.


MAR Santiago Arca, Decembro 2016

 

XORNADAS DE ATENCIÓN ESCOLAR AO ALUMNADO CON ASMA E A ALERXIA ALIMENTARIA

O día 30 de novembro de 2016 tivo lugar no CEIP Emilia Pardo Bazán unha xornada formativa dirixida ao profesorado e persoal de atención complementaria, sobre "ATENCIÓN ESCOLAR AO ALUMNADO CON ASMA E  ALERXIA ALIMENTARIA". Na citada actividade tivemos a sorte de contar con dous especialistas na temática:

* Dona Susana Zas Rey, representante de AEPNAA (Asociación Española de Persoas con Alerxias a Alimentos e Látex).

* Don José D. Moure González, pediatra da Unidade de Alerxia e Neumoloxía Pediátrica do CHUS (Complexo Hospitalario de Santiago).

Na formación participaron ao redor de 20 docentes e PAC do noso centro e outros centros invitados. Durante o desenvolvemento da xornada os asistentes tiveron a oportunidade de coñecer as problemáticas que afectan ao alumnado con asma e intolerancias alimentarias, así como practicar a administración de inxeccións de adrenalina para os casos que o precisen.

 

Distribuir contido