Actualidade

PRÓXIMA ESTREA. "TRASNOS E ZAPATEIROS"

 

Cartel anunciador Fotografía de actores e actrices cos seus profesores o día da estrea

Parabéns para os actores e as actrices que na tarde de hoxe presentaron a súa obra "TRASNOS E ZAPATEIROS" no Certame de Teatro Candilejas Don Bosco 2017. Tódolos asistentes desfrutamos dunha excelente estrea tras un longo camiño iniciado a principios do actual curso escolar. Os diálogos fixeron rir aos asistentes e as palmas non deixaron de batir ao finalizar a obra. Excelente traballo do noso alumnado de 2º e 3º cursos de educación primaria.

 

 

 

O NOSO CAMIÑO ATA O XARDÍN DA XOANIÑA JUANITA

O proxecto “El jardín de Juanita”, proposto dende o Movemento Filosofía Lúdica e o Proxecto Noria (curriculum de filosofía para nenos e nenas), consiste en traer ao mundo real un xardín inspirado no do conto “La mariquita Juanita” (Angélica Sátiro, ed. Octaedro, 2004) que é o hábitat onde nace o personaxe principal (Juanita) e onde viven os seus amigos.

Dende o mes de outubro, semanalmente e de xeito continuado, realizamos micro sesións de “Xogar a Pensar” nas que dialogamos sobre os personaxes do conto, a súa maneira de ser e actuar, o entorno natural no que se atopan, as súas implicacións na nosa vida diaria … e sempre rematamos cunha reflexión que leva a unha actuación sobre o xardín.

O feito de que a nosa parcela estea lonxe do aulario, levounos a debuxar o mapa do camiño que recorriamos todos os venres para que poidades coñecer este espazo natural que no vindeiro curso manteremos e melloraremos.

Está a ser un pracer, para os nenos e nenas e para as persoas e colectivos (escolas, obradoiros e colectivos sociais) dos 7 países que estamos a participar, desenvolver a nosa conciencia ecolóxica dende diferentes enfoques.  Porque en  España, Portugal, Italia, México, Colombia, Uruguay, Arxentina e Brasil temos moitas e variadas apreciacións de como poder ser un xardín.

Ademais  da divulgación de todo o proceso durante o curso en facebook, teremos a oportunidade de dar visibilidade á nosa labor coa elaboración dun póster para un stand na XVIII INTERNACIONAL CONFERENCE OF ICPIC que se vai a realizar na Universidade Autónoma de Madrid do 28 de xuño ao 1 de xullo. Tamén estará no ENCUENTRO NORIA e no 9º CICI (Congreso Internacional de Creatividade e Innovación Social) en México durante o mes de Xullo.

MAR Santiago Arca, 28 maio 2017

LETRAS GALEGAS 2017

Este ano, para conmemorar a celebración das LETRAS GALEGAS 2017, desenvolvéronse as seguintes actividades:

 * Murais de EP e EI, coa participación de todo o alumnado e profesorado.

        

 

* Actuacións de 6º (EI): 

- Obra de Teatro: "A mellor sopa do mundo"

- Rap da Lingua: "Carlos Casares"

- Adaptación ao galego do tema "La Tormenta" do grupo Sidecars co título: "A Primaria".

 

 

 

 

 * O martes, 16 de maio, celebramos o acto das Letras Galegas: elaboración dun "MAIO", coa colaboración do equipo de Horto, e a interpretación de danzas e coplas típicas do noso folclore por parte do alumnado de 4º e 6º de EP. Rematamos o acto cando o gaiteiro tocou unha peza para o agarrado, en parellas. Foi un acto moi vistoso e diferente para o alumnado.

* Posta en escena da obra de Carlos Casares: "O can Rin e o lobo Crispín" no teatro xaponés de papel Kamishibai. (Alumnado de neae).

* Entregouse un pequeno agasallo (marcapáxinas) ao alumnado, persoal docente e non docente, grazas á colaboración do Seminario Galán.

 

 

 

     * PRÓXIMAS ENTREGAS:

 

    - Estamos a ultimar a publicación da Revista Dixital: "Edición Especial: Carlos Casares", que sairá a mediados do mes de xuño.

 

      - LIP-DUB: "Carlos Casares en busca das letras", xa está no forno!!!!!. A estrea farase como colofón Fin de curso escolar.

 

 

 

 

MOSAICO DE ROSALÍA DE CASTRO

 

 

 Este curso, con motivo do día de Rosalía de Castro (24 de febreiro), decidimos realizar a nosa particular

homenaxe á súa figura cunha actividade na que participara a maior parte dos integrantes da Comunidade

Educativa.

Para esta tarefa, confeccionamos cunha foto da escritora galega un gran mosaico (2 x 1,5 m), elaborado con

miles de pequenos retratos do alumnado, profesorado, exprofesorado e persoal non docente. Este mural

quedará exposto na entrada principal do Centro.

 

Os Equipos de

Dinamización da Lingua Galega e Biblioteca Escolar

 

MOSAICO DE ROSALÍA DE CASTRO

ACTO DE ENTREGA DE DIPLOMAS E OBSEQUIOS DO CONCURSO DE DEBUXO: "CONTRA A FAME E O DESPILFARRO"

 

Estimadas familias:

O Banco de Alimentos Rías Altas, invítalles a participar no acto institucional da entrega de diplomas e obsequios que terá lugar o vindeiro xoves, día 18, no Salón de Actos da Fundación Barrié, con motivo da resolución do concurso de debuxo sobre o tema "Contra a fame e o despilfarro", auspiciado pola Cátedra de Alimentos de la Universidad Politécnica de Madrid e coordinado pola Federación Española do Banco de Alimentos.

Dada a importancia educativa do evento, exhortámoslles a que participen coa súa asistencia.

 

Luis Camba Marquez

(Presidente Balrial)

 

PROGRAMA

LISTA DOS ALUMNOS GAÑADORES POR CADA COLEXIO PARTICIPANTE

 

PARABÉNS PARA MARTA RODRÍGUEZ GONZÁLEZ (EP5ºA)

GAÑADORA DESTE CENTRO

 

PÉSAME E CONDOLENCIAS PARA O CEIP SAN FRANCISCO JAVIER

A Comunidade Educativa do CEIP Emilia Pardo Bazán, expresa o seu máis sentido pésame polo tráxico falecemento dun alumno de 11 anos de idade do CEIP San Francisco Javier e transmite sentimentos de solidariedade, por esta lamentable perda aos seus familiares e achegados, especialmente á súa nai, conserxe dese centro.

Quen conforman esta Comunidade Educativa, comparten a dor desta irreparable perda e envían o seu profundo apoio á Comunidade Educativa do CEIP San Francisco Javier.

Paz na súa tumba.

UNHA CLASE DIFERENTE

Onte fomos a unha aula un poco diferente ás outras do colexio, a aula de Javi. Alí estábanos a esperar Sabela, a profesora de PT, quen ensina e coida a Javi.

 

                   

Explicounos as diferenzas da aula como que ten o chan acolchado. Tamén como traballa con Javi: pega fotos na parede para que el aprenda mellor, repítelle as cousas todos os días . . .

                      

Contounos ademáis a rutina de Javi: colga a mochila e o abrigo na percha, traballa un pouco, vai un anaco ás clases de música, inglés e danza, toma a merenda, vai ao recreo e despoís ao comedor, todo isto con axuda. 

                

Con estas cousas que nos ensinou Sabela dinme conta de que hai xente que aprende a outro ritmo e de diferente forma pero que acaban aprendendo.

 Mara Leis Cambeiro 6º A

 

Javier é un neno da miña escola. El é un rapaz especial xa que ten síndrome de West e autismo. O día 4 de Abril Javier e a súa mestra e  coidadora especial viñeron á nosa clase. O día antes Sabela, unha das mestras, explicounos como traballaba con Javier.

                            

 

  

Un dos meus compañeiros explicou a Javier os tipos de ovos que trouxo da súa aldea. Despois Sabela ensinounos uns álbums con diferentes fotografías, xa que Javier aprende mellor coas fotos.

Javier portouse moi ben e eu aprendín moitas cousas.

Lucía García de 6º A

 

 

A AVENTURA DE CREAR COMO MARY HEILMANN

Mary Heilmann é unha artista estadounidense, que vive e traballa en Nova York. É coñecida polas súas pinturas abstractas, cerámica e mobles.

Como toda  a súa obra se caracteriza por un uso lúdico da cor, a liña e a forma, no Recanto da Arte e xa convertidos/as nos/as mellores artistas pop, agudizamos o noso enxeño para ”pintar” con pezas xeometricamente diferentes en cor, tamaño e forma.

Na caixa de luz, reproducimos algunhas das súas estéticas …



… pero rematamos creando as nosas propias obras, aparentemente tan simples que é inevitable sorrir fronte a elas pola ledicia que irradian.



Confirmamos así que o traballo de Mary Heilmann foi tan influínte para os artistas novos como para nós (que tamén o somos).

MAR Santiago Arca, Marzo 2017

 

 

 

 

8 DE MARZO: DÍA DA MULLER TRABALLADORA - DÍA NON LECTIVO

 

O Concello da Coruña declarou o mércores 8 de marzo: Día da Muller Traballadora, como festividade local. Polo tanto non haberá clases.

Distribuir contido