Actualidade

FESTA DE BENVIDA AO COLEXIO - CURSO ESCOLAR 2018-2019

Estimados alumnos e familias:

Ao igual que en anos anteriores, no CEIP Emilia Pardo Bazán querémoslle dar a benvida ao noso alumnado dun xeito lúdico e por ese motivo a media mañá teremos unha festa de benvida nas instalacións exteriores do colexio. Para elo o profesorado do Equipo de Actividades Complementarias e Extraescolares realizou un traballo de busca e selección de xogos e actividades variadas para que todos desfrutedes dun día especial.

 

FESTA BENVIDA de CEIP Emilia Pardo Bazán

ENTREGA ANTICIPADA NO COLEXIO DO MATERIAL ESCOLAR DO ALUMNADO DE EDUCACIÓN INFANTIL, PRIMEIRO E SEGUNDO CURSO DE EDUCACIÓN PRIMARIA

Estimadas familias:

Ao igual que en anos anteriores e ao fin de facilitarlles a entrega no colexio do material escolar do alumnado de educación infantil, 1º e 2º curso de educación primaria nas respectivas aulas, comunicámoslles que as datas e horarios serán as seguintes:

Datas Horario
Luns, 10-09-2018 De 12 a 13:30 horas
Martes, 11-09-2018 De 12 a 13:30 horas

 O resto do alumnado de 3º a 6º curso de primaria traerá persoalmente en varios días o seu propio material no horario lectivo.

Nesas datas as familias accederán ás respectivas aulas, previo aviso ao persoal de conserxería que lles indicará a ubicación das mesmas, para facer entrega das bolsas de material co nome e apelidos dos seus fillos.

Fóra destas datas e horarios non se recollerá máis material xa que o profesorado estará atendendo cuestións relativas á organización do inicio de curso.

Grazas pola súa colaboración.

 

A dirección.

 

 

 

REUNIÓN COAS FAMILIAS DO ALUMNADO DE 4º CURSO (3 ANOS) DE EDUCACIÓN INFANTIL

 

 

     Estimadas familias:

      A reunión de inicio de curso coas familias do alumnado do 4º curso (3 anos) de educación infantil, terá lugar o vindeiro XOVES, 6 de setembro de 2018, ás 16:30 horas no Salón de Usos Múltiples. Na citada reunión farase entrega do Calendario do Período de Adaptación, así como da explicación do procedemento de aplicación.

    Asistirán á reunión, o equipo directivo, as mestras titoras de cada un dos grupos, a mestra de apoio e representantes da ANPA Milnen@s.

       Prégase a asistencia sen nenos e nenas para facilitar o bo desenvolvemento da sesión.

A Dirección.

Proxectos finais cos robots

Durante o último trimestre os nenos/as de 4º e 5º estiveron traballando nos seus proxectos finais para os que utilizaron os mBot para desenvolver actividades con diversos obxectivos. O mércores 20 de xuño compartiron os seus traballos co alumnado de Educación Infantil.

Os nenos de 4º A e B deseñaron diversos xogos cos que aprender a sumar, as cores ou os números...para o alumnado de 6º de E.I. Utilizaron os sensores sigueliñas, de luz, ultrasónico, ademais dos actuadores de movemento, os leds de cores e as matrices led.

Os grupos desenvolveron:

  • Xogo de operacións, no que o robot avanzaba se o resultado que daban á suma  era correcto e retrocedía se era incorrecto. O obxectivo era chegar á meta.
  • Seguídeme!, no que o robot tiña predefinidos percorridos e os nenos/as tiñan que facer unha ringleira e seguilo.
  • Robot discoteca, cando detectaba un determinado nivel de luz o robot reproducía unha música e comezaba a moverse.
  • Teclados, varios robot permitían desenvolver un teclado acendendo luces con cada nota.
  • Robot prudente, no que percorría unha rúa e detíase cando unha persoa cruzaba polo paso de peóns.
  • Aprendemos cores e números, cando se di un número ou cor hai que levantar o cartón e o robot se despraza e se detén diante del, para logo retroceder agardando outro obxectivo.

  • Robot saúdo, o robot saúda a través da matriz led e logo a través do ordenador saúdaos chamándoos polo seu nome.
  • Aprendemos os animais. No taboleiro hai uns cartóns coas imaxes e nomes de animais, cando soa a voz dun animal teñen que sinalalo e se é correcto o robot proxecta na matriz led unha cara alegre e luz verde, se non é correcta unha cara triste e luz vermella.

 

 

 

Os nenos/as de 5ºA elaboraron catro contos para os que prepararon primeiro os escenarios e logo programaron os robots para que os percorresen utilizando os sensores sigueliñas. O mércores 20 exerceron de irmáns maiores cos nenos/as de 4º E.I., este foi o resultado:

Grazas pola implicación no proxecto tanto por parte dos nenos/as, como por parte das titoras/es.

Moitas grazas!

CIRCULAR FIN DE CURSO 2017-2018

Estimadas familias:

Entradas e saídas

A partires de mañá martes día 19 de xuño de 2018, todo o alumnado de educación primaria entrará no recinto escolar de xeito habitual, bordeando o edificio de educación primaria ata chegar ao patio cuberto. Queda anulada a entrada pola porta principal do colexio. Á hora da saída ao remate das sesións lectivas farase coma sempre.

Os aseos de alumnado do patio cuberto poderán usarse tamén a partires de mañá martes día 19 de xuño.

Festa Fin de Curso ANPA Milnen@s

A Festa de Fin de Curso terá lugar mañá martes día 19 de xuño de 2018, de acordo aos seguintes horarios:

* 9:15 h. a 10:45 h. educación infantil.

* 11:00 h. a 12:15 h. 1º, 2º e 3º cursos de educación primaria.

* 12:30 h. a 13:45 h. 4º, 5º e 6º cursos de educación primaria

Aos efectos de participar nos inchables da Festa de Fin de Curso recomendámoslles que todo o alumnado veña con calcetíns, crema de protección solar e gorra para permanecer no exterior.

Fin de Curso

Con motivo do derradeiro día lectivo realizaremos o xoves día 21 de xuño, un Día de Convivencia, coa saída a pé de todo o persoal ao Parque do Monte de San Pedro para facer unha merenda conxunta e uns bailes para amenizar a xuntanza. O alumnado de maior idade acompañará ao alumnado de menor idade baixo a supervisión dos docentes. O alumnado deberá vir con protección solar e gorra para permanecer no exterior. Nos vindeiros días todo o alumnado do colexio recibirá un agasallo da ONG Axuda en Acción consistente nunha mochila solidaria que poderá empregar para a saída ao Monte de San Pedro, poñéndolle o nome de cada alumno para evitar confusións.

O horario previsto será de 9:30 h. a 12:00 h. aproximadamente.

O xoves 21 de xuño finaliza o actual curso 2017-2018. A entrega de boletíns de cualificacións ao alumnado será o 21 de xuño con carácter xeral.

O venres 22 de xuño entre as 9:30 e as 10:30 h. o resto do profesorado atenderá ás familias que así o soliciten. Agás na titoría de EP5ºC que será o luns día 25 de xuño de 10:00 a 11:00 h.

O venres 29 de xuño de 10 a 12:00 h. os titores de 6º curso de primaria entregarán ás familias do alumnado a documentación oficial nas respectivas titorías.

O prazo de reclamacións das cualificacións remata o venres 29 de xuño.

Libros de texto

Na páxina web do centro e no taboleiro de anuncios está publicada a listaxe de libros de texto para o vindeiro curso.

O día 22 de xuño remata o prazo para solicitar, na Secretaría do Centro, as axudas da Xunta para comprar os libros de texto de 1º e 2º, e/ou solicitar Fondolibros para 4º, e/ou cheque para material escolar para Primaria.

A entrega de libros de 4º EP deberá realizarse antes de finalizar as clases o día 21 de xuño por parte de tódolos alumnos beneficiarios de Fondolibros, que entegarán aos titores, os libros recibidos ao inicio de curso.

Entrega de “Vales”

Do día 10 ata o 20 de xullo, poderanse recoller na Secretaría, en horario de 10 a 13 h. os cheques solicitados para os libros de 1º e 2º e os de compra do material escolar.

O 12 de xullo publicaremos a listaxe provisional de beneficiarios dos libros de 4º EP para o vindeiro curso. As listaxes definitivas publicaranse o día 20 de xullo. Estes libros entregarémolos ao alumnado o día 12 de setembro nas respectivas aulas.

A Secretaría do colexio estará aberta ao público desde o día 1 ata o 20 de xullo no horario de 10 a 13 h.

Durante os meses de verán o Concello da Coruña ten previsto reformar os xogos infantís para adaptalos á normativa actual. Podedes obter información na web do colexio:

http://www.edu.xunta.gal/centros/ceipemiliapardobazancoruna/

e utilizando o correo electrónico:

ceip.emilia.pardo.corunha@edu.xunta.es

As clases do vindeiro curso 2018–2019, comezarán o mércores 12 de setembro as 9:00 h.

Aproveitamos para despedir afectuosamente ao alumnado e as familias, que por diferentes motivos deixan o Colexio, especialmente aos de sexto de primaria, desexándolles a todos moita sorte na nova etapa que iniciarán en setembro.

Por último, desexamos tamén a todos e todas un feliz verán, e esperamos seguir contando coa vosa colaboración e participación no vindeiro curso 2018-2019.

 

A Coruña, 18 de xuño de 2018

A dirección

VISITAMOS O BARCO DO IEO: "RAMÓN MARGALEF"

O día 19 de abril de 2018 o alumnado de 5º e 6º curso de educación primaria tivo a oportunidade de visitar o barco do Instituto Español de Oceanografía: "RAMÓN MARGALEF", que estivo amrrado no peirado do porto coruñés.

O buque oceanográfico Ramón Margalef celebrou tres días de portas abertas no porto de A Coruña dentro dos actos conmemorativos do 50º aniversario do Centro Oceanográfico de A Coruña.

Durante a visita, perfectamente organizada polos responsables do IEO con sede en A Coruña, o alumnado puido escoitar de primeira man as diferentes actividades que desenvolven os profesionais que traballan neste buque. Repartidos en 5 grupos o alumnado puido visitar as seguintes zonas do barco. 

 

Comezaron a visita pola cabina de mando, que combina instrumentos tradicionais con outros de tecnoloxía moderna e pantallas multifunción, ata o punto de recordar a cabina dun avión moderno. De feito o Ramón Margalef non conta con roda de timón senón que os seus dous timóns contrólanse mediante sendos joysticks, se ben normalmente emprégase un só que actúa como mestre.

 

A segunda parada foi o laboratorio de acústica, que se pode considerar como o centro neurálxico do Ramón Margalef, pois desde aí contrólanse as distintas sondas e sensores que este leva, en especial o sonar. Estos sonares lle permiten determinar cando está pasando sobre un banco de peixes,  ou o tipo de fondo sobre o que navegan e o seu relevo, o que permite ao Ramón Margalef crear cartografías mariñas co máximo grado de precisión.

Os laboratorios de a bordo, que se dividen en secos e húmidos, contan cunha infraestructura básica se equipan antes de cada campaña en función dos obxectivos desta.

 

Coa información recopilada polos sensores CTD de a bordo os científicos deciden onde tomar mostras, xa sea mediante rosetas, pescando, con redes para o muestreo de plancton, ou cunhas pequeas dragas capaces de recoller mostras do fondo. As rosetas son uns dispositivos que levan unha serie de botellas para a toma de mostras a distintas profundidades e uns sensores que van trazando unha gráfica de conductividad, temperatura e fluorescencia según vaian siendo baixadas ata o fondo ou ata unha profundidade determinada.

 

 

 

VER GALERÍA DE IMAXES

Distribuir contido