blogue dem.auroracandal

"NI UN BESITO A LA FUERZA"

Mar, 26/11/2019 - 12:42 — m.auroracandal

Para conmemorar o 25 de novembro: Día Internacional contra a violencia de xénero, na nosa aula escoitamos o conto "Ni un besito a la fuerza". Aprendemos que hai moitos besos, uns agradables e outros menos, e moitas formas de dalos.... pero sempre se nós queremos e se non é así: DIREMOS NON.

Tamén fixemos un "círculo de enerxía" mentres soaba "La puerta violeta" de Rozalén, para enviar a nosa enerxía positiva a quen o necesite.

ESTAMOS DE VOLTA!: "O MEU AMIGO MAIOR"

Mar, 26/11/2019 - 12:09 — m.auroracandal

Para saber máis...

MÁIS DE O MEU AMIGO MAIOR

Dom, 24/11/2019 - 22:51 — m.auroracandal

TEMOS NOVOS AMIGOS!

Un curso máis comezamos outra andadura co "noso amigo maior". Será unha nova experiencia, xa que os máis pequenos xa tivemos uns amigos que agora están navegando noutros mares e, ademais, marcharemos ao finalizar este curso para o cole dos maiores ainda que alí seguiremos sendo amigos.

O primeiro que fixemos foi elexir amigo ou amiga, pero non lles vimos as caras, escollemos polo autorretrato que os maiores fixeron.

Máis tarde viñeron os maiores a coñecernos e saber quen ía ser o seu amigo pequeno ou amiga pequena.

A partir de aquí xa fixemos actividades xuntos.

A primeira foi o "apadriñamento lector", os nosos amigos maiores escolleron un conto na biblioteca do cole grande e logo viñeron a contánolos. Foi todo o colexio! Cada un co seu amigo máis pequeno.

E logo participamos un ano máis na "volta ao cole" para loitar contra a leucemia infantil.

Estamos dexesando facer moitas cousas novas este curso!!!!

FIN

Lun, 24/06/2019 - 18:54 — m.auroracandal

AMIGOS PARA SEMPRE

Despois de dous anos xuntos toca a despedida, os nosos amigos maiores marchan para o instituto e nos quedamos, un pouco máis soiños sen eles.

Foron dous anos nos que o pasamos moi ben traballando xuntos, aprendemos moitas cousas deles e sempre nos recordaremos de “o noso amigo maior”.

Como as despedidas son tristes e nos non queríamos que fose así, preparemos obra de teatro na que se facía referencia a como traballábamos no proxecto e tamén, servía de agradecemento e despedida aos maiores do centro.

Así, como dicía o título, sentímonos e seremos: AMIGOS PARA SEMPRE.

os superheroes preferidos

Dom, 09/06/2019 - 12:34 — m.auroracandal

OS MEUS SUPERHEROES E SUPERHEROÍNAS PREFERIDOS

Durante este curso coñecemos a moitos superheroes e superheroínas, os que viven nos cómics, no cine e nas series de televisión, os que son de verdade e que viven con nós: médicos, policías, garda civil, bombeiros, profes...

Tamén sabemos que todos e todas podemos ser superheroes e superheroínas porque cada un de nós ten algo que o fai especial.

Pero entre todos, hai uns que son os nosos preferidos e que non cambiamos por nada porque son os mellores, adiviñades cales son?

SUPER HEROES

Dom, 09/06/2019 - 12:20 — m.auroracandal

SUPERHEROES E SUPERHEROÍNAS DE VERDADE

Para rematar o trimestre, tivemos unhas visitas moi especiais... SUPERHEROES E SUPERHEROÍNAS pero dos de verdade, dos que axudan á xente e que son da nosa familia ou nosos veciños, dos que encontramos pola rúa e que sempre están cando os necesitamos.

Antonio, o avó da nosa compañeira Martina López. Veo acompañado duns amigos e logo tamén os fomos a visitar.

María, a nai de Guillermo, un compañeiro de 3 anos

Ramón, pai de Diego e Ana, que xa están en Primaria

David, amigo do pai do noso compañeiro Alfonso.

Cando medremos, tamén seremos superheroes e superheroínas

CONVIVENCIA SAN MARCOS

Sáb, 11/05/2019 - 19:58 — m.auroracandal

CONVIVENCIA CO CEIP PLURILINGÜE SAN MARCOS (ABEGONDO)

O pasado venres 3 de maio tivemos unha convivencia moi especial co cole de Abegondo xa que eles tamén teñen un “amigo maior”.

Comezamos co recibimento na entrada do cole, cada un co seu amigo, os dous coles.

Logo pasamos ao SUM de Infantil e alí explicounos Conchy o que íamos a facer durante toda a mañá.

Os pequenos quedamos todos na nosa aula, a aula de Aurora, e alí explicamos aos nosos novos amigos os nosos superheroes e superheroinas porque estamos moi orgullosos deles.

Mentres os maiores foron á Bibliolab onde lles explicaron como funcionaba e que se podía facer alí.

Despois puxemos camiño ao Monte de San Pedro.

Alí completamos a xornada cunha merenda e moitos xogos.

Logo chegou a parte máis triste: a despedida!

Pero como dicían os amigos maiores: Sempre vos recordaremos!

ATA SEMPRE!!!!

VISITAS

Sáb, 11/05/2019 - 18:49 — m.auroracandal

VISITAS ESPECIAIS

Dentro do programa “Voluntariado Miúdo” do Plan Proxecta , ofrecéronnos unhas actividades moi interesantes.

O pasado xoves 4 de abril, os pequenos recibimos a visita de Anxo Moure, pasamos un rato moi divertido escoitando as súas historias sobre “O Carballo con Botas”.